தமுமுக மாணவரணி

செயல் திறன் கொண்ட இளைஞர்களே ! உங்கள் திறைமைகளை பட்டை தீட்டி கொள்ள ஓர் அரிய வாய்ப்பு?

2011-05-09T13:15:00.001+05:30

சமுதாய சிந்தனையும், கொள்கை உறுதியும் கொண்ட இளைஞர்களுக்கு ஓர் அரிய வாய்ப்பு! உங்கள் திறமைகளை பட்டை தீட்டிக்கொள்ளவும், சமூக மார்க்க விஷயங்களை பற்றி புரிதலை ஏற்படுத்தவும் ஜூன் மாதத்தில் தமுமுக மாணவரணி சார்பில் குளுகுளு மலைப்பிரதேசம் ஒன்றில் மாணவர் பயிற்சி முகாம் நடத்தப்பட உள்ளது.

+2 வகுப்பு முடித்தவர்கள் கல்லூரி மாணவர்கள் மற்றும் 25 வயதுக்குட்பட்ட இளைஞர்கள் மட்டும் விண்ணப்பிக்கவும். முதலில் விண்ணப்பிப்பவர்களுக்கு முன்னுரிமை.தங்கள் விபரங்களை வெள்ளை தாளில் எழுதி அனுப்பவும்.கடைசி தேதி 25.05.2011

முகவரி:
மாணவரணி பயிற்சி முகாம் 2011

7, வடமரைக்காயர் தெரு, மண்ணடி, சென்னை.1.

செல் : 9841678783

வழக்கறிஞராக வேண்டுமா?

2011-05-09T13:05:00.001+05:30

சமூகத்தில் நடக்கும் அநீதிகளைத் தட்டிக் கேட்கவும், மனித உரிமைகளைக் காத்திடவும் துடிப்புள்ள வழக்கறிஞராக ஆசையா?உங்களுக்கு உதவ தமுமுக மாணவரணி தயாராக இருக்கிறது.சட்டக் கல்வி பயில விரும்பும் மாணவர்களுக்கு ஆலோசனையும், தகுதியுள்ள ஏழை முஸ்லிம் மாணவர்களுக்கு கல்விக் கட்டணமும் வழங்கப் படும்.

தமுமுக மாணவரணி
செல் - 9841678783

பஸ்டே கொண்டாட்டத்தை தடை செய்க! தமுமுக மாணவரணி கோரிக்கை!

2011-02-28T23:43:00.001+05:30

தமுமுக மாணவரணி செயலாளர் வழக்கறிஞர் ஜைனுல் ஆபிதீன் வெளியிட்டுள்ள அறிக்கை.

"பஸ் டே" என்ற பெயரில் சென்னையில் கல்லூரி மாணவர்கள் அரசு பேருந்தை வாடகை எடுத்து நூற்றுக்கணக்கான மாணவர்கள் பஸ்ஸின் உள்ளேயும், கூரை மேலும் ஏறி நின்று ஆட்டம் போடுவதும் பொதுமக்களுக்கு இடையூறு செய்வதும், பாதுகாப்புக்கு வந்த போலீசார் மீது கல்வெறிவதும் வன்மையாக கண்டிக்கதக்க ஒன்று.

உயர்நீதிமன்றம் ‘பஸ்டே’ கொண்டாடட்பவருக்கு தடை போட்டிருந்தும் காவல்துறை மாணவர்களின் அராஜகத்தை வேடிக்கை பார்த்துக் கொண்டிருப்பதும் மாணவர்களின் கல்லெறிக்கு உள்ளாவதும் காவல்துறையின் கண்ணியத்தை காப்பாற்ற கூடியதல்ல.

மாணவர்களின் நியாயமான கோரிக்கைகளுக்காக போராட்டம், நடத்தப்படுகையில் அவர்களை ஒடுக்கும் தமிழக அரசும், காவல்துறையும் ‘பஸ் டே’ விஷயத்தில் மென்மையாக நடந்துக் கொள்வது மாணவர்களிடையே போக்கிரித்தனத்தையே உருவாக்கும்.

எனவே தமிழக அரசு "பஸ் டே" கொண்டாட்டங்களை நிரந்தரமாக தடை செய்வதோடு இது போன்ற போக்கிரி செயலில் ஈடுபடும் மாணவர்களுக்கு கடுமையான தண்டனை வழங்க நடவடிக்கை எடுக்க வேண்டும் என தமுமுக மாணவரணி கேட்டுக் கொள்கிறது.

மனித நேய மக்கள் கட்சிக்கு தேர்தல் நிதி தாரீர்!

2011-02-28T22:19:00.002+05:30

மாணவ தோழர்களே!மனித நேய மக்கள் கட்சிக்கு மாணவரணி சார்பில் தேர்தல் நிதியை வசூலித்து அளிக்குமாறு கேட்டு கொள்கிறோம்.கல்லூரி வளாகங்கள்,சொந்தங்கள்,நண்பர்கள்,ஜமாதினரிடம் மனித நேய மக்கள் கட்சிகாக தேர்தல் நிதியை வசூலித்து அளிக்குமாறும் மேலும் தொடர்புக்கு மாநில தலைமையை தொடர்பு கொள்ளுமாறும் கேட்டுகொள்ளபடுகிறது.
தொடர்புக்கு : 9994292932,9841678783

மாதிரி நோட்டிஸ் கீழே

நிதி தாரீர்.

திருச்சியில் கல்வி வழிகாட்டி முகாம்

2011-02-22T23:25:00.002+05:30

தமிழ்நாடு முஸ்லிம் முன்னேற்றக் கழகம் திருச்சி மாவட்டம் 49 வது வார்டு ஆழ்வார்தோப்பு கிளை மாணவரணி சார்பாக 10 மற்றும் 12 வகுப்பு மாணவ மாணவிகளுக்கான கல்வி வழிகாட்டி முகாம் 19.02.2011 சனிக்கிழமை மாலை 7 மணியளவில் திருச்சி தென்னுர் இக்ரா மினி ஹாலில் நடைபெற்றது.மாநில செயலாளர் சகோ.பேரா.ஹாஜாகனி மற்றும் இ.ஆர் மேல்நிலைப்பள்ளி ஆசிரியர் சத்திய மூர்த்தி ஆகியோர்கள் சிறப்புரை ஆற்றினார்கள்.நூற்றுக்கும் மேற்பட்ட மாணவ மாணவிகள்இம்முகாமில் கலந்து கொண்டு பயனடைந்தனர்.

வடசென்னையில் மாணவர் எழுச்சிப் பொதுக்கூட்டம்!

2011-01-19T14:52:00.007+05:30

வடசென்னை மாவட்டம் ஆர்.கே நகர் பகுதி 4-வது வட்டம் தமுமுக சார்பாக செரியன் நகரில் மாணவர் எழுச்சி பொதுக்கூட்டம் 09-01-2011 அன்று நடைபெற்றது. இதில் மாநில மாணவரணி செயலாளர் ஜைனுல் ஆபிதீன் இந்திய அரசியலும், மாணவர்களும் என்ற தலைப்பிலும், மாணவரணி பொருளாளர் மாயவரம் அமீன் கல்வியும், சமூகமும் என்ற தலைப்பிலும் உரையாற்றினர். 4வது வட்ட மாணவரணி செயலாளர் அயூப்கான் தலைமை வகித்தார். 4&வது வட்ட இளைஞர் அணி செயலாளர் எஸ்.பீர் முகம்மது, வரவேற்புரையாற்றினார்.வட்ட மாணவரணி துணை செயலாளர் கதீபுதீன் நன்றியுரை ஆற்றினார். மாவட்ட தலைவர் உஸ்மான், மாவட்ட மாணவரணி செயலாளர் வகீல், ஆர்.கே.நகர் பகுதி தலைவர் ஐ.எஸ்.ஹமீது, பகுதி செயலாளர் ஜமாலுதீன், பகுதி மாணவரணி செயலாளர் ஏ.அப்துல் ரசாக் உள்பட நூற்றுக்கும் அதிகமான மாணவர்கள் இக்கூட்டத்தில் பங்கேற்றனர்.

இலவச BPO பயிற்சி மற்றும் வேலை

2010-09-23T13:43:00.001+05:30

முஸ்லிம் மாணவர்களுக்கு இலவச பயிற்சி மற்றும் வேலைவாய்ப்பு அளிக்கபடுகிறது.
படிப்பு : +2 , டிப்ளொமா, டிகிரி
வயது : 18 க்கு மேல்
சம்பளம் : மாதம் 8 ஆயிரத்தில் இருந்து
குடும்பத்தின் வருட வருமானம் : ஒரு லட்சம்.

சாதிசான்றிதழ் மற்றும் வருமான சான்றிதழுடன் கீழ் காணும் முகவரிக்கு நேரடியாக சென்று இன்டெர்வியுவில் கலந்து கொள்ளலாம்.
தொடர்புக்கு :
இம்ரான்(9790936658) No: 10,P.T.Rajan Salai,K.K.Nagar,Chennai-78. Contact : 044-42005095

சிறுமலையில் ஓர் சீரிய முகாம்!

2010-07-14T20:17:00.002+05:30

தமிழ்நாடு முஸ்லிம் முன்னேற்றக் கழகத்தின் மாணவரணி சார்பாக கல்லூரி மாணவர்களுக்கான ஆளுமைத்திறன் வளர்ப்பு பயிற்சி முகாம் கடந்த ஜூன் 3,4,5,6 தேதிகளில் திண்டுக்கல் அருகில் 10 கி.மீ தொலைவில் அமைந்துள்ள சிறுமலை எனும் இயற்கை எழில் சூழ்ந்த மலைப் பிரதேசத்தில் நடைபெற்றது. தமிழகம் முழுவதும் தேர்ந்தெடுக்கப்பட்ட சுமார் 50 கல்லூரி மாணவர்கள் இம்முகாமில் கலந்து கொண்டனர்.

கல்லூரி மாணவர்களுக்கு மார்க்கம், சமூகம், அழைப்புப்பணி, சட்டம் என பல்வேறு தலைப்புகளில் பாடங்கள் நடத்தப்பட்டன. கேள்வி பதில் நிகழ்ச்சியும் ஏற்பாடு செய்யப்பட்டிருந்தது. பேரா.ஜவாஹிருல்லாஹ், மௌலவி.முஜிபுர்ரஹ்மான் உமரி, மௌலவி இஸ்மாயில் ஸலபி, சகோ.தேவநேயன்,சகோ.ரயிசுத்தீன்,சகோ.தமிமுன் அன்சாரி, வழக்கறிஞர் ஜைனுல் ஆப்தீன், மௌலவி. சதக்கத்துல்லாஹ் ஆகியோர் மாணவர்களுக்கு கலந்துரையாடல் பாணியில் வகுப்பெடுத்தனர்.

உரைகள் மட்டுமல்லாது மாணவர்களே பங்கேற்கும் படியான பல்வேறு புதுமையான நிகழ்ச்சிகள் ஏற்பாடு செய்யப்பட்டன. சையது அ, ஷாஜஹான், சிவகாசி முஸ்தபா, மௌலவி நூரி, முத்துப் பேட்டை அலீம் ஆகியோர் மேற் பார்வையாளர்களாக நியமிக்கப் பட்டனர்.

ஒவ்வொரு அணியும் தங்கள் அணி சார்பில் பத்திரிக்கை வடிவமைத்தல், சொற் பயிற்சி, பிரச்சனைகளுக்குத் தீர்வு காணுதல் என பல பயனுள்ள செயல் பாடுகளில் பங்கேற்க பயிற்சி அளிக்கப்பட்டனர் மாணவர்களே பங்கு கொண்ட ''வரதட்சணை அதிகரிக்கக் காரணம் பெற்றோரா? மணமகனா?'' என்ற தலைப்பில் பட்டி மன்றமும் நடைபெற்றது. மௌலவி இஸ்மாயில் ஸலபி அவர்கள் பட்டி மன்றத்தின் நடுவராக இருந்து பட்டி மன்றத்தை வழி நடத்த, மாணவர்கள் தங்கள் கூரிய வாதங்களை முன்வைத்து வாதாடி பட்டி மன்றத்தை விறுவிறுப்பாக கொண்டு சென்றனர்.

செப்டம்பர் 11 தாக்குதல் உண்மைப்பின்னணி, பாலஸ்தீன அவலம், சங்பரிவார் செயல்திட்டம் என ஆவணப்பட காட்சிகள் புரொஜக்டர் மூலம் மாணவர்களுக்கு காட்டப்பட்டன. இதன் மூலம் பல்வேறு புதிய விவரங்களை மாணவர்கள் அறிந்து கொண்டனர்.

ஐவேளைத் தொழுகையுடன், குர்ஆன் வகுப்புகள், குர்ஆன் ஓதுவதற்கான பயிற்சி, வினாடி வினாப் போட்டிகள், பொது அறிவுத் தேர்வு என கலகலப்பாக நடைபெற்ற பயிற்சி முகாம் ஜூன் 6 ம் தேதி மாலையுடன் முடிவுற்றது.

முகாமின் இறுதியில் ஒவ்வொரு மாணவரும் இம் முகாமில் பங்கேற்றது குறித்து தங்கள் மகிழ்ச்சியை பகிர்ந்து கொண்டனர். தங்கள் மார்க்க, சமூக புரிந்துணர்வில் இம்முகாம் ஒரு மிகப் பெரிய தாக்கத்தை ஏற்படுத்தியதாக தெரிவித்தனர்.

தமுமுக மாணவரணி சார்பாக 2008ம் வருடம் ஊட்டியில் நடை பெற்ற முகாமுக்கு பின்னர் சீரிய முகாமாக சிறுமலை முகாம் அமைந்தது குறிப்பிடத்தக்கது.

முகாமின் காப்பாளர்களாக J.S.ரிபாயி அவர்களும்,தென்காசி மிஸ்பாஹி அவர்களும் செயல் பட்டனர்.திண்டுக்கல் மாவட்ட தமுமுகவினர் மாவட்டத் தலைவர் ஹபீப் முஹம்மது தலைமையில் உணவு மற்றும் தங்குமிட ஏற்பாடுகளை சிறப்பாக செய்திருந்தனர்.

தமுமுக மானவரணியை சேர்ந்த நான்கு பேருக்கு B.L சீட்

2010-07-14T01:06:00.001+05:30

சென்னை டாக்டர் அம்பேத்கர் சட்ட பலகலைகழகத்தில் 9 .07 .2010 அன்று நடைபெற்ற ஐந்து வருட (B.L)சட்ட படிப்புக்கான கவுன்சிலிங்கில் தமுமுக மாணவரணியை சேர்ந்த சகோதரர்கள் நான்கு பேருக்கு டாக்டர் அம்பேத்கர் சட்ட கல்லூரியில் இடம் கிடைத்துள்ளது.வருங்கால வழக்கறிஞர்களை வாழ்த்துவோம்.

வாக்களர் பட்டியலில் உங்கள் பெயர் சேர்க்கப்பட்டுள்ளதா ?

2010-07-05T21:02:00.000+05:30

வாக்களர் பட்டியலில் நமது சமுதாயத்தை சேர்ந்தவர்களின் பெயர்களை வேண்டும் என்றே சேர்க்காமல் விட்டுவிடும் போக்கு தொட்ரகிறது.அதே நேரத்தில் நம் சமுதாயத்தை சேர்ந்தவர்களும் அலட்சிய போக்கோடு நடந்து வருகின்றனர்.நமது அரசியல் உரிமைகளை பெற நாம் வாக்களர் ஆவது முக்கியம்.எனவே உடனடியாக உங்கள் பெயரை வாக்காளர் பட்டியலில் பதிவு செய்வோம்.மாணவரணியினர் இது குறித்து நோட்டீஸ் அடிப்பதோடு தனிநபர் பிரச்சாரம் செய்ய வேண்டும்.வாக்களர் பட்டியலில் பெயரை சேர்க்க விழிப்புணர்வு பிரசாரம் செய்வோம்.வாக்களர் பட்டியலில் உங்கள் பெயர் சேர்க்கப்பட்டுள்ளதா என்று சரிபார்க்க

http://www.elections.tn.gov.in/pdfs/acwise_pdf.asp

தமிழக அரசின் 2010-2011 ஆண்டிற்கான கல்வி உதவி தொகை

2010-06-28T12:13:00.001+05:30

தமிழக அரசின் பிற்படுத்தப்பட்ட மற்றும் மிகவும் பிற்படுத்தபட்டோருக்கான 2010-2011 ஆண்டிற்கான கல்வி உதவி தொகையை அறிவித்து உள்ளது .

இந்த கல்வி தொகை 3 நிலைகளாக உள்ள மாணவர்களுக்கு வழங்கப்படுகிறது

1 - 10 வகுப்பு வரை

தகுதிகள் :
* கடைசியாக எழுதிய இறுதி தேர்வில் குறைந்தது 50% மதிப்பெண் பெற்றிருக்க வேண்டும்
* குடும்ப ஆண்டு வருமானம் 1 லட்சத்திற்கும் குறைவாக இருக்க வேண்டும்
* வேறு எந்த அரசு உதவியும் பெற்றிருக்க கூடாது
* ஒரு குடும்பத்தில் 2 பேருக்கு மேல் விண்ணப்பிக்க கூடாது

பயன்கள் :
* கல்வி கட்டணம் அதிக பட்சமாக வருடத்திற்கு 3500 ரூபாய்
* சேர்கை கட்டணம் அதிகபட்சமாக 500 ரூபாய்
* விடுதி மற்றும் ஊக்க தொகைகள் உண்டு
* கிராமத்திலிருந்து நகரத்திற்கு படிக்க வரும் முஸ்லிம் மாணவிகளுக்கு தங்கும் விடுதி மற்றும் உணவு இலவசம்
* ஒதுக்கப்பட்டுள்ள நிதி தொகை 11.62 கோடி

சமர்பிக்கப்பட வேண்டிய சான்றிதழ்கள் :
* சாதி சான்றிதல் நகல் (xerox)
* பிற்படுத்தப்பட்டோர் என்பதற்கான சான்று (அரசு அலுவலர்களிடமிருந்து பெறப்பட வேண்டும் )
* வருமான சான்றிதல் (அரசு அலுவலர்களிடமிருந்து பெறப்பட வேண்டும் )

சமர்பிக்கப்பட வேண்டிய கடைசி நாள்:
புதிதாக விண்ணப்பிபவர்களுக்கு ஆகஸ்ட் 10

புதுப்பிக்கும் மாணவர்களுக்கு ஜூலை 26

கூடுதல் தகவல்கள் :
* புதிதாக இந்த உதவியை விண்ணப்பிப்பவர்கள் இணைக்கப்பட்டுள்ள (prematric_fresh_ appl) மற்றும் (prematric_claim) ஆகிய விண்ணப்பங்களை பூர்த்தி செய்யவும்
* ஏற்கனவே இந்த உதவியை பெற்றுகொண்டிருப்பவர்கள் புதிதாக விண்ணப்பிக்க தேவையில்லை , இணைக்கப்பட்டுள்ள புதுப்பித்தல் விண்ணப்பத்தை (Renewal form) (prematric_renewal_ appl) மற்றும் (prematric_claim) ஆகிய விண்ணப்பங்களை பூர்த்தி செய்து உங்கள் சலுகையை புதுப்பித்து கொள்ளலாம்
* பூர்த்தி செய்யப்பட வினப்பதை உங்கள் கல்வி நிலையங்கள் குறிப்பிட்ட நாட்களுக்குள் சமர்பிக்கவும் , தாமதமாக சமர்பிக்கப்படும் விண்ணப்பங்கள் நிராகரிக்கப்படும்

11, 12 , ITI, டிப்ளமோ , ஆசிரியர் பயிற்சி , பட்ட படிப்பு , பட்ட மேற்படிப்பு , ஆராய்ச்சி படிப்பு (Ph.D)

தகுதிகள் :
* கடைசியாக எழுதிய இறுதி தேர்வில் குறைந்தது 50% மதிப்பெண் பெற்றிருக்க வேண்டும்
* குடும்ப ஆண்டு வருமானம் 2 லட்சத்திற்கும் குறைவாக இருக்க வேண்டும்
* வேறு எந்த அரசு உதவியும் பெற்றிருக்க கூடாது

பயன்கள் :
* கல்வி கட்டணம் அதிக பட்சமாக வருடத்திற்கு 3000 முதல் 7000 வரை
* 30% கல்வி உதவி பெண்களுக்கு வழங்கப்படும்

* விடுதி மற்றும் ஊக்க தொகைகள் உண்டு

* கிராமத்திலிருந்து நகரத்திற்கு படிக்க வரும் முஸ்லிம் மாணவிகளுக்கு தங்கும் விடுதி மற்றும் உணவு இலவசம்
* ஒதுக்கப்பட்டுள்ள நிதி தொகை 11.60 கோடி

சமர்பிக்கப்பட வேண்டிய சான்றிதழ்கள் :
* சாதி சான்றிதல்

* பிற்படுத்தப்பட்டோர் என்பதற்கான சான்று (அரசு அலுவலர்களிடமிருந்து பெறப்பட வேண்டும் )
* வருமான சான்றிதல் (அரசு அலுவலர்களிடமிருந்து பெறப்பட வேண்டும் )

புதுப்பிக்கும் மாணவர்களுக்கு ஜூலை 26

கூடுதல் தகவல்கள் :

* புதிதாக இந்த உதவியை விண்ணப்பிப்பவர்கள் இணைக்கப்பட்டுள்ள (prematric_fresh_ appl) மற்றும் (prematric_claim) ஆகிய விண்ணப்பங்களை பூர்த்தி செய்யவும்
* ஏற்கனவே இந்த உதவியை பெற்றுகொண்டிருப்பவர்கள் புதிதாக விண்ணப்பிக்க தேவையில்லை , புதுப்பித்தல் விண்ணப்பம் (Renewal form) (prematric_renewal_ appl) மற்றும் (prematric_claim) ஆகிய விண்ணப்பங்களை பூர்த்தி செய்து உங்கள் சலுகையை புதுப்பித்து கொள்ளலாம்

* பூர்த்தி செய்யப்பட வினப்பதை உங்கள் கல்வி நிலையங்கள் குறிப்பிட்ட நாட்களுக்குள் சமர்பிக்கவும் , தாமதமாக சமர்பிக்கப்படும் விண்ணப்பங்கள் நிராகரிக்கப்படும்

தொழிற்படிப்புகள் ( Engineering )

தகுதிகள் :
* கடைசியாக எழுதிய இறுதி தேர்வில் குறைந்தது 50% மதிப்பெண் பெற்றிருக்க வேண்டும்

* குடும்ப ஆண்டு வருமானம் 2.5 லட்சத்திற்கும் குறைவாக இருக்க வேண்டும்

* வேறு எந்த அரசு உதவியும் பெற்றிருக்க கூடாது

பயன்கள் :

* கல்வி கட்டணம் அதிக பட்சமாக வருடத்திற்கு 20000 ரூபாய் அல்லது முழு கட்டணம் (இரண்டில் குறைந்தது )
* IIT (சென்னை ), NIT(திருச்சி ) , Indian Institute of Tech and Design managment (காஞ்சிபுரம் ), national Institute of fashion Technology ஆகிய கல்வி கூடங்களில் பயிலும் மாணவர்களுக்கு முழு கல்வி உதவி வழங்கப்படும்

* 30% கல்வி உதவி பெண்களுக்கு வழங்கப்படும்

* விடுதி மற்றும் ஊக்க தொகைகள் வருடத்திற்கு 10000 வரை

* கிராமத்திலிருந்து நகரத்திற்கு படிக்க வரும் முஸ்லிம் மாணவிகளுக்கு தங்கும் விடுதி மற்றும் உணவு இலவசம்

* ஒதுக்கப்பட்டுள்ள நிதி தொகை 8 கோடி

சமர்பிக்கப்பட வேண்டிய சான்றிதழ்கள் :
* சாதி சான்றிதல்

* உங்கள் மதிப்பெண் சான்றிதல் (Marksheet) நகல்களை (Xerox) இணைத்து அனுப்புவது சிறந்தது

சமர்பிக்கப்பட வேண்டிய கடைசி நாள்:
புதிதாக விண்ணப்பிபவர்களுக்கு ஆகஸ்ட் 10
புதுப்பிக்கும் மாணவர்களுக்கு ஜூலை 26

கூடுதல் தகவல்கள் :
* புதிதாக இந்த உதவியை விண்ணப்பிப்பவர்கள் இணைக்கப்பட்டுள்ள (MCM_Appln_form) விண்ணப்பத்தை பூர்த்தி செய்யவும்
* ஏற்கனவே இந்த உதவியை பெற்றுகொண்டிருப்பவர்கள் புதிதாக விண்ணப்பிக்க தேவையில்லை , புதுப்பித்தல் விண்ணப்பத்தை (mcm_renewal_ claim) பூர்த்தி செய்து உங்கள் சலுகையை புதுப்பித்து கொள்ளலாம்
* பூர்த்தி செய்யப்பட விண்ணப்பத்தை உங்கள் கல்வி நிலையங்கள் குறிப்பிட்ட நாட்களுக்குள் சமர்பிக்கவும் , தாமதமாக சமர்பிக்கப்படும் விண்ணப்பங்கள் நிராகரிக்கப்படும்

மேலும் விவரங்களுக்கு இந்த இணையதளத்தை பார்க்கவும் : http://www.tn. gov.in/bcmbcmw/ welfschemes_ minorities. htm

மூன்றாண்டு B.L. விண்ணப்பங்கள்

2010-06-17T21:09:00.001+05:30

2010 வருடத்திற்கான அரசு சட்ட கல்லூரியில் மூன்றாண்டு B.L., படிப்பில் சேர்வதற்காக விண்ணப்பங்கள் வழங்கப்பட்டு வருகின்றன.எனவே பட்டபடிப்பு(டிகிரி) முடித்த 30 வயதுக்குட்பட்ட மாணவர்கள் உடனடியாக தங்கள் அருகில் உள்ள சட்ட கல்லூரிகளில் (சென்னை,திருச்சி,நெல்லை,மதுரை,செங்கல்பட்டு,கோவை,சேலம்(தனியார்)விண்ணப்பத்தை பெற்று உடனடியாக விண்ணபிக்குமாறு கேட்டு கொள்கிறோம்.கடைசி தேதி 20.07.2010,தகுதியுள்ள ஏழை முஸ்லிம் மாணவர்களுக்கு கல்விக் கட்டணமும் வழங்கப் படும்.மேலும் விவரங்களுக்கு தமுமுக மானவரணியை தொடர்பு கொள்ளவும்.

காஞ்சி மு. ஜைனுல் ஆபிதீன். M.A.,B.L
(மாநில மாணவரணி செயலாளர்)
செல் - 99942 92932

B.A.B.L., ஐந்து ஆண்டு படிப்புக்கு விண்ணப்பங்கள்

2010-06-07T22:07:00.001+05:30

2010 வருடத்திற்கான அரசு சட்ட கல்லூரியில் ஐந்து ஆண்டு B.A.B.L., படிப்பில் சேர்வதற்காக விண்ணப்பங்கள் வழங்கப்பட்டு வருகின்றன.எனவே பனிரெண்டாம் வகுப்பு (+2 )முடித்த ,21 வயதுக்குட்பட்ட மாணவர்கள் உடனடியாக தங்கள் அருகில் உள்ள சட்ட கல்லூரிகளில் (சென்னை,திருச்சி,நெல்லை,மதுரை,செங்கல்பட்டு,கோவை,சேலம்,மற்றும் புதுச்சேரி)விண்ணப்பத்தை பெற்று உடனடியாக விண்ணபிக்குமாறு கேட்டு கொள்கிறோம்.மேலும் விவரங்களுக்கு தமுமுக மானவரணியை தொடர்பு கொள்ளவும்.

வழக்கறிஞராக வேண்டுமா?

2010-06-07T21:50:00.001+05:30

காஞ்சி மு. ஜைனுல் ஆபிதீன். M.A.,B.L
(மாநில மாணவரணி செயலாளர்)
செல் - 99942 92932

மாநிலத்தில் முதலிடம் பெற்ற மாணவி ஜாஸ்மினுக்கு தமுமுக கவுரவிப்பு!

2010-05-27T11:42:00.000+05:30

பத்தாம் வகுப்பு தேர்வில் 500 க்கு 495 பெற்று மாநிலத்தில் முதலிடம் பெற்ற நெல்லை மாணவி ஜாஸ்மினுக்கு தமுமுக நிர்வாகிகள் நேரில் சென்று பதக்கம் அளித்து வாழ்த்து தெரிவித்தனர்.மேலும் தமுமுக தலைவர் பேரா.ஜவாஹிருல்லாஹ் அவர்களும் போனில் தொடர்பு கொண்டு தனது வாழ்த்தை தெரிவித்தார்.மேலும் பத்தாம் வகுப்பு தேர்வில் இந்தாண்டு 500/493மதிப்பெண் பெற்று பாத்திமா என்ற பெண் மாநிலத்தில் மூன்றாவது இடம் பிடித்துள்ளார் என்பது குறிப்பிடத்தக்கது.

குடும்பத்தின் முதல் பட்டதாரிக்கு இலவச கல்வி! தமிழக அரசு அறிவிப்பு!

2010-05-27T11:32:00.001+05:30

குடும்பத்தில் முதல் பட்டதாரியான மாணவர்கள் தொழிற்கல்வி பயிலும் போது, கல்விக் கட்டணத்தை அரசே ஏற்பது தொடர்பான அரசாணை பிறப்பிக்கப்பட்டுள்ளது.மாணவர்கள் தொழிற்படிப்பிற்கு விண்ணப்பிக்கும் போது, உறுதிமொழிப் படிவம் மற்றும் வருவாய்த் துறையில், 'குடும்பத்தில் முதல் பட்டதாரி' என சான்றிதழ் பெற்று விண்ணப்பத்துடன் சமர்ப்பிக்க வேண்டும் என தெரிவிக்கப்பட்டுள்ளது.

'அரசு மற்றும் தனியார் பொறியியல், மருத்துவம், பல் மருத்துவம், வேளாண்மை, கால்நடை, சட்டக் கல்லூரிகளில் கவுன்சிரிங் மூலம் சேரும் மாணவர்களுக்கு, அவர்களது குடும்பத்தில் இதுவரை யாரும் பட்டதாரிகள் இல்லையெனில், தொழிற்கல்வி படிப்பை ஊக்குவிக்க சாதி பாகுபாடின்றி, வருமானத்தைக் கணக்கில் எடுத்துக் கொள்ளாமல், வரும் கல்வியாண்டு முதல் கல்விக் கட்டணம் முழுவதையும் அரசே ஏற்றுக் கொள்ளும்' என, ஜனவரியில் சட்டசபை கவர்னர் உரையில் அறிவிக்கப்பட்டது. இதற்கான அரசாணை வெளியிடப்பட்டுள்ளது.

உயர்கல்வித் துறை செயலர் கணேசன் வெளியிட்டுள்ள அரசாணையில் கூறியிருப்பதாவது:

வரும் 2010லி11ம் கல்வியாண்டு முதல், பட்டதாரிகளே இல்லாத குடும்பங்களைச் சேர்ந்த தொழிற்கல்வி பயிலும் மாணவ, மாணவியரின் கல்விக் கட்டணச் செலவை அரசே ஏற்கும்.கல்விக் கட்டணம், அரசு, அரசு உதவி பெறும் கல்லூரி களுக்கு அரசால் நிர்ணயிக்கப்பட்ட கட்டணத்தையும், தனியார் கல்லூரிகளுக்கு ஓய்வு பெற்ற நீதிபதி தலைமையிலான குழு நிர்ணயிக்கும் கட்டணத்தையும், பல்கலைக் கழக பாடப் பிரிவுகளுக்கு பல்கலைக் கழகம் நிர்ணயிக்கும் கட்டணத்தையும் குறிக்கும்.

கவுன்சிரிங் முறையில் அரசு, அரசு உதவி பெறும் மற்றும் தனியார் தொழிற்கல்லூரிகளில் பயிலும் தமிழகத்தைச் சேர்ந்த, பட்டதாரி இல்லாத குடும்பத்தைச் சேர்ந்த மாணவர்களுக்கே இத்திட்டம் பொருந்தும். முந்தைய ஆண்டுகளில் சேர்ந்து படித்து வரும் மாணவர்களுக்கு இத்திட்டம் பொருந்தாது.

குடும்ப நபர்கள் என்பது, தாய், தந்தை, அவர்களது பெற்றோர், மாணவர்களின் உடன்பிறப்புகளை குறிக்கும்.

தங்கள் குடும்பத்தில் பட்டதாரிகளே இல்லை என்பதை உறுதி செய்யும் வகையில், மாணவர்கள் வசிக்கும் பகுதியின் வருவாய்த் துறை தலைமையிடத்து துணை வட்டாட்சியர் தகுதிக்கு குறையாத அலுவலரிடம் சான்றிதழ் பெற்று அளிக்க வேண்டும்.
மாணவர்கள் தொழிற்கல்வி சேர்க்கைக்கான விண்ணப்பத்தை சமர்ப்பிக்கும் போது, விண்ணப்பத்துடன் குடும்பத்தில் முதல் பட்டப்படிப்பு படிக்கும் மாணவர் என்ற சான்றிதழையும், உறுதிமொழிப் பத்திரத்தையும் அளிக்க வேண்டும்.

சான்றிதழ்களை சரி பார்த்து, தவறான சான்றிதழ்கள் அளிக்கும் மாணவர்கள் மற்றும் பெற்றோர் மீது, மாணவர் எந்த வகையான தொழிற்கல்வி பயில அனுமதிக்கப்பட்டாரோ அதை அனுமதித்த அலுவலர் ஃ அமைப்பு நடவடிக்கை எடுக்க வேண்டும்.

மாணவரின் கல்விக் கட்டணத்தை கல்வி நிறுவனம் அரசிடமிருந்து பெற, அக்கல்வி நிறுவனம் எந்தத் துறையின் கீழ் வருகிறதோ அந்த துறையின் இயக்குனரகத்திற்கு விண்ணப்பிக்க வேண்டும்.

'குடும்பத்தில் பட்டதாரி எவரும் இல்லை' என்ற சான்றிதழுடன், மாணவரும், பெற்றோரும் கூட்டாக உறுதிமொழி அளிக்க வேண்டும்.

இந்த உறுதிமொழிச் சான்றிதழ் தவறு என தெரிய வந்தால், தவறான தகவல் அளித்ததற்காக மாணவர்கள் மீது குற்றவியல் நடவடிக்கை எடுக்கப்படும்.மாணவர்களுக்கு அளிக்கப்பட்ட சலுகைகள், மூன்று மடங்காக மாணவர் அல்லது பெற்றோரிடமிருந்து வசூலிக்கப்படும்.

உறுதிமொழி வரைவுப் படிவம், வருவாய்த் துறையிடம் பெற வேண்டிய சான்றிதழ் படிவம் ஆகியவை தொழிற்கல்விக்கான மாணவர் சேர்க்கை விண்ணப்பப் படிவத்துடன் அளிக்கப்படும். இவ்வாறு அரசாணையில் குறிப்பிடப்பட்டுள்ளது.

40 சதவீதம் பேர் பயனடைவர்

சென்னை அண்ணா பல்கலைக் கழகத்தில் நடைபெறும் பொறியியல் கவுன்சிரிங்கில் கலந்து கொள்ள மாணவர்களிடமிருந்து விண்ணப்பங்கள் பெறப்படுகிறது.

கடந்த ஆண்டுகளில் பெறப்பட்ட விண்ணப்பங்களில், மாணவர்கள் குடும்பத்தில் முதல் பட்டதாரியா என்ற விவரமும் கேட்கப்பட்டது. அதன்படி, 40 சதவீத மாணவர்கள் குடும்பத்தில் முதல் பட்டதாரிகள் என தெரிய வந்துள்ளது.சென்னை அண்ணா பல்கலைக் கழகத்தில் படிக்கும் மாணவர்களிடம் சேகரிக்கப்பட்ட தகவரிலும் 40 சதவீத மாணவர்கள், குடும்பத்தில் முதல் பட்டதாரிகள் என தெரிய வந்துள்ளது. இதர தொழிற்கல்வி படிப்புகளிலும் இதே நிலையே இருக்கும் என எதிர்பார்க்கப்படுகிறது.

இதனால், பொறியியல், மருத்துவம், பல் மருத்துவம், வேளாண்மை, கால்நடை, சட்டம் ஆகிய தொழிற்கல்வி படிப்புகளில் சேருபவர்களில் 40 சதவீதம் பேர் குடும்பத்தில் முதல் பட்டதாரியாக இருப்பர் என்றும், தமிழக அரசின் இச்சலுகை மூலம் ஆண்டுதோறும் 40 ஆயிரம் முதல் 50 ஆயிரம் மாணவர்கள் பயனடைவர் என்றும் எதிர்பார்க்கப்படுகிறது.

குடும்பத்தில் முதல் பட்டதாரி என்ற விவரம் ஆவணங்களுடன் கேட்கப்படுவதால், இந்த எண்ணிக்கை சற்று குறையவும் வாய்ப்புள்ளது.

புளியங்குடியில் மாணவர்களுக்கான கோடைகால பயிற்சி முகாம்

2010-05-27T11:26:00.000+05:30

நெல்லை மாவட்டம் புளியங்குடி நகர தமுமுக சார்பில் பள்ளிக்கூட மாணவர்களுக்கான கோடைகால இஸ்லாமிய பயிற்சி முகாம் மே 11, 12, 13 ஆகிய மூன்று நாட்கள் புளியங்குடியில் நடைபெற்றது. மனிதநேய மக்கள் கட்சி நெல்லை மாவட்ட துணைச் செயலாளர் எம். சுல்தான் மைதீன் தலைமையிலும், தமுமுக நகர பொருளாளர் பி.என்.எம்.எஸ். செய்யது மேற்பார்வையிலும் நடைபெற்றது. இம்முகாமில் மவ்லவி காசிம் பிர்தவ்ஸி, தமுமுக நெல்லை மாவட்டப் பொருளாளர் புளியங்குடி எஸ். செய்யது அலி, மஸ்ஜிதுர் ரஹ்மான் இஸ்மாயில் பிர்தவ்ஸி, சகோதரர் அப்துல் காதர் ஆகியோர் வகுப்பெடுத்தனர். இம்முகாமில் சுமார் 50 மாணவர்கள் கலந்துகொண்டு பயனடைந்தனர்.

அரசின் கல்விக் கட்டண நிர்ணயம் கண்டிப்பான நடைமுறைக்கு வருமா?

2010-05-27T11:00:00.001+05:30

'கற்கை நன்றே கற்கை நன்றே
பிச்சைப் புகினும் கற்கை நன்றே'
(பிச்சையெடுக்கும் நிலை வந்தாலும் கற்பதே நன்று)
என்றார் அவ்வையார்.

கல்வி ஒரு சேவையாகவும், எளியோரை உயர்த்தும் ஏணியாகவும் இருந்த நிலைமாறி கல்வி, கொள்ளையடிப்பதற்கான குறுக்குவழியாக மாறிவிட்ட நிலையால், கல்வி கற்பதற்காக, பிச்சை பெறும் அவலநிலை வளர்ந்தது.கல்வி நிறுவனங்கள் நன்கொடை என்ற பெயரில் வாங்கும் வன்கொடைக் கொடுமை வரதட்சணைக் கொடுமையை விட மோசமானது.

காமராஜர் மதிய உணவுத் திட்டதைக் கொண்டுஙிவந்தார். காரணம், கல்வி குறித்த விழிப்புணர்வில்லாத ஏழை எளிய பாமர மக்கள் தங்கள் பிள்ளைகளைப் பள்ளிக்கு அனுப்பாமல், பணிக்கு அனுப்பும் அவலத்தைப் பார்த்தார். ஒரு வேளை உணவு கிடைத்தாலாவது படிக்க வருவார்கள் என்பதால் மதிய உணவுத் திட்டம் கொண்டு வந்தார். அப்படியும் மாணவர்கள் பெருமளவில் வரவில்லை.

பிள்ளைகளில் வரும் வருமானத்தைக் கூடுத்திற் கொண்டு பெற்றோர்கள் பலரும் பள்ளிக்கும் பிள்ளைகளை அனுப்பவில்லை என்பதை உணர்ந்து, பள்ளிக் கூடங்களிலேயே கைவினைப் பொருட்கள் தயாரித்தல் போன்ற பகுதி நேரப் பணிகளை ஏற்படுத்தி, படிக்கவரும் பிள்ளைகளுக்கு வருமானம் கிடைக்கவும் வகை செய்தார் கர்மவீரர் காமராசர். இதனால் ஏழை எளியோருக்குக் கல்வி எட்டும் கணியானது.

இன்றோ, வணிகமயமானக் கல்வி ஏழைகளுக்கு எட்டாக் கனியாகிவிட்டது. கல்வியின் பெயரால் நடக்கும் சமூகச் சுரண்டல் நாளுக்கு நாள் வளர்ந்து கொண்டுதான் வந்தது. நலம்புரி அரசாங்கம், இந்தக் கொடுமையை இந்த அளவுக்கு முற்றவிட்டிருக்கக் கூடாது. ஆயினும், தாமதமாகவேனும் தமிழக அரசு மிகச் சரியான ஒரு நிலைபாட்டை எடுத்துள்ளது. தனியார் பள்ளிகளின் கட்டணத்தை முறைப்படுத்த ஓய்வுபெற்ற நீதிபதி கோவிந்தராஜன் தலைமையிலான குழுவை தமிழக அரசு நியமித்து, குழுவின் அறிக்கையைப் பெற்று, தனியார் பள்ளிக் கட்டணங்களை முறைப்படுத்தியுள்ளது.

தனியார் கல்வி நிறுவனங்களின் கூடுதல் கட்டணங்களுக்கு எதிராக தமிழக அரசு உறுதியான நடவடிக்கைகளை எடுத்திருக்கிறது. உச்சநீதிமன்றமும் தமிழக அரசுக்கு ஆதரவாகவும், தனியார் கல்வி நிறுவனங்களின் கூடுதல் கட்டணங்களுக்கு எதிராகவும் தீர்ப்பளித்துள்ளது. இதனால் பெற்றோர்கள் பெரும் மகிழ்ச்சியடைந்துள்ளனர். இதனிடையே முக்கியப்புள்ளிகளுக்கும்&முதலாளிகளுக்கும் இடையே 60 கோடி ரூபாய் பேரம் நடப்பதாக வரும் செய்திகளால் அவர்கள் கலக்கமடைந்துள்ளனர்.

இவர்களின் மிரட்டலுக்குப் பணியாத தமிழக அரசு பேரத்துக்கு பணிந்துவிடக்கூடாது. உறுதியான நடவடிக்கைகள் மூலம் அரசு நிர்ணயித்த கட்டணத்தை மட்டுமே தனியார் நிறுவனங்கள் பின்பற்றும்படி நிர்பந்திக்க வேண்டும். இதன் மூலம் மக்களின் பாராட்டுகளைப் பெற முடியும்.

தமிழகத்தில் 10,943 தனியார் பள்ளிக்கூடங்கள் உள்ளன. இவற்றின் உள்கட்டமைப்பு, மாணவர்களின் எண்ணிக்கைக்கு ஏற்ப நான்கு வகையான கட்டண முறைகள் நீதிபதி கோவிந்தராஜன் தலைமையிலான கட்டணக்குழு கடந்த 7&ம் தேதி அறிவித்தது. பெற்றோர்களும், மாணவர்களும் ஷ்ஷ்ஷ்.ஜீணீறீறீவீளீணீறீஸ்வீ.நீஷீனீ என்ற இணையதளத்திற்குச் சென்று உங்கள் ஊரில் செயல்படும் தனியார் கல்வி நிறுவனங்களுக்கு கொடுக்கப்பட்டிருக்கும் கட்டண விபரங்களை தெரிந்துக் கொள்ள வேண்டும். சில பள்ளிக் கூடங்களில் அரசு கட்டணத்தைப் பெற்றுக் கொண்டு அதற்கு மட்டும் பில் தருவார்கள். கூடுதலாக கட்டணத்தை பெற்றுக் கொண்டு அதற்கு பில் தர மாட்டார்கள். பேருந்து கட்டணம், விடுதி கட்டணங்களை உயர்த்தி தங்கள் கூடுதல் லாபங்களை அதன் வழியாக பெற முயற்சிப்பார்கள். இதனை பெற்றோர்&ஆசிரியர் சங்கங்களும், சமூக அமைப்புகளும் கண்காணித்து கலெக்டர் அலுவலகங்களுக்கு, மாவட்ட கல்வித்துறை அதிகாரிகளுக்கும் தகவல் கொடுக்க வேண்டும்.

லட்சிய தாகம் கொண்ட மாணவர்களை அழைக்கிறது த.மு.மு.க மாணவரணி!

2010-04-18T14:31:00.003+05:30

சமுதாய சிந்தனையும், கொள்கை உறுதியும் கொண்ட இளைஞர்களுக்கு ஓர் அரிய வாய்ப்பு! உங்கள் திறமைகளை பட்டை தீட்டிக்கொள்ளவும், சமூக மார்க்க விஷயங்களை பற்றி புரிதலை ஏற்படுத்தவும் ஜூன் 3,4,5,6 (நான்கு நாட்கள்) மாணவரணி சார்பில் குளுகுளு மலைப்பிரதேசம் ஒன்றில் சிறப்பு பயிற்சி முகாம் நடத்தப்பட உள்ளது.

முகவரி:
மாணவரணி பயிற்சி முகாம் 2010

7, வடமரைக்காயர் தெரு, மண்ணடி, சென்னை.1.

செல் : 9994292932, 9841678783

காவல்துறை துணை ஆய்வாளர் பணிக்கு விண்ணப்பம் செய்யும் முஸ்லிம் இளைஞர்களுக்கு தமுமுக டிரஸ்ட் சார்பில் பயிற்சி வகுப்புகள்

2010-04-14T20:18:00.001+05:30

தமிழகக் காவல்துறையில் உதவி ஆய்வாளர்களுக்கான (S.I) 1095 காலிஇடங்கள் விரைவில் நிரப்பட உள்ளன. இதற்கான விளம்பரங்கள் 1.4.2010 தேதியிட்ட நாளேடுகள் அனைத்திலும் வெளியிடப்பட்டுள்ளது. பிற்படுத்தப்பட்ட முஸ்லிம்களுக்கு 3.5 விழுக்காடு இடஒதுக்கீடு உள்ளது. தகுதியுள்ளோர் பொதுப்பிரிவிலும் இடம்பெற வாய்ப்புண்டு.

ஊதியம் விவரம் 9,300;34,800; தரஊதியம் 4,300

விண்ணப்பங்கள் வந்து சேரவேண்டிய கடைசி நாள்: 3.5.2010 மாலை 5.45;க்குள்

எழுத்துத்தேர்வு நடைபெறும் நாள்: 3.7.2010 கடைசி 9.00 மணி

தகுதிகள்

1) 1.7.2010 அன்று 20 வயது நிறைபெற்றவராக இருக்க வேண்டும். (30.6.1990 அன்று அல்லது அதற்கு முன்பு பிறந்திருக்க வேண்டும்)

2) 28 வயதிற்கு மேற்பட்டவராக இருக்க வேண்டும் (1.7.1982 அன்று அல்லது அதற்கு பிறகு பிறந்திருக்க வேண்டும்.)

உடல் அளவுகள்

1) உயரம் குறைந்த பட்சம் 170 செ.மீ மார்பளவு 81 செ.மீ சாதாரண நிலையில் மூச்சடக்கிய மார்பு விரிவாக்கம் 5 செ.மீ

கல்வித்தகுதி

ஏதேனும் ஒரு பட்டப்படிப்பு

விண்ணப்பங்கள் கிடைக்குமிடம்

விண்ணப்பபடிவங்களை தெரிவு செய்யப்பட்ட உதவி அஞ்சல் நிலையங்களில் இருந்து மட்டுமே பெற வேண்டும். விலை ரூ.30/லி& நகல் படிவமோ, வேறு இடங்களில் பெறப்படும் படிவமோ ஏற்றுக் கொள்ளப்பட மாட்டாது. தெரிவு செய்யப்பட்ட அஞ்சலக விவரங்களை என்ற Tn.gov.in/usrb இணைய தளத்தில் தெரிந்து கொள்ளலாம்.

விண்ணப்பதாரர்கள் தேர்வுக்கட்டணம் ரூ.230/ ஐ அஞ்சலகத்தில் செலுத்தி அதற்கான ரசீதை பெற்று பூர்த்தி செய்யப்பட்ட விண்ணப்பத்தில் ஒட்டி அனுப்ப வேண்டும்.

3.5.2010க்குள் விண்ணப்பங்கள் வந்து சேர வேண்டிய முகவரி

தலைவர்,
தமிழ்நாடு சீருடைப்பணியாளர் தேர்வுக் குழுமம்,
எண்.807, இரண்டாம் தளம், பீ.டி.லீ. செங்கல்வராய நாயக்கர் மாளிகை
அண்ணாசாலை, சென்னை.600 002.

த.மு.மு.க அறக்கட்டளையின் முக்கிய அறிவிப்பு

காவல்உதவி (S.I) ஆய்வாளர் பணியிடத் தேர்வுக்காக த.மு.மு.க அறக்கட்டளை சார்பில் மே மாதம் முழுவதும் தீவிரமான பயிற்சி வகுப்புகளை நடத்த உள்ளது.

எழுத்துத் தேர்வுக்கு 70 மதிப்பெண்கள்

உடற்கூசிறு தகுதிக்கு 20 மதிப்பெண்கள்

நேர்முகத் தேர்வுக்கு 10 மதிப்பெண்கள் என்ற முறையில் நடைபெற உள்ள இத்தேர்வுகளில் பங்கேற்க விண்ணப்பித்துள்ள முஸ்லிம் விண்ணப்பதாரர்கள் தங்களின் விண்ணப்ப நகலுடன் WWW.TMMK.IN என்ற இணையதளத்தில் உள்ள படிவத்தை நிரப்பி, அனுப்பி வையுங்கள் பயிற்சி குறித்த விவரம் உங்களுக்கு தெரிவிக்கப்படும்.

தலைவர்
த.மு.மு.க தலைமையகம்
7, வடமரைக்காயர் தெரு, மண்ணடி,
சென்னை . 01.

கடிதஉறை மேல், 'காவல் உதவி ஆய்வாளர் தேர்வு பயிற்சிக்காக'' என எழுதுங்கள்.

சிறுபான்மை மாணவர்களுக்கான கல்வி உதவி!

2010-04-05T12:14:00.000+05:30

சிறுபான்மை மாணவர்களுக்கான கல்வி உதவி ! உடனே விண்ணப்பிக்கவும் !

மமக வின் மதுக்கடை மறியல் போரில் மாணவர்கள் திரளாக பங்கேற்பு

2010-03-08T22:13:00.000+05:30

மதுக்கடைகளை மூடக்கோரி தமிழகம் முழுவதும் மதுக்கடைகள் முன்பு மமக நடத்திய மறியல் போரின்போது ஏராளமான மாணவர்கள் கலந்து கொண்டனர்.தமுமுக மாணவரணி சார்பாக மதுக்கடை மறியல் போராட்டத்தில் மாணவர்கள் கலந்து கொள்ள வேண்டும் என்று பிரச்சாரம் செய்யப்பட்டது.மாநில மாணவரணி செயலாளர் வழக்கறிஞர் ஜைனுல் ஆபிதீன் வேலூரில் நடந்த மறியல் போராட்டதிற்கு தலைமை தாங்கினார்.மாநில பிரதிநிதி ஷமீம் அஹ்மத் அருப்புகோட்டையிலும் புதுமடம் அனிஸ் ஆவடியிலும் நடந்த போராட்டத்திற்கு தலைமை தாங்கினர்.

சிதம்பரம் அண்ணாமலைப் பல்கலைக் கழக மாணவர் படுகொலைக்கு நீதி விசாரணை வேண்டும்

2010-03-05T12:37:00.001+05:30

சிதம்பரம் அண்ணாமலைப் பல்கலைக் கழக மாணவர் படுகொலைக்கு நீதி விசாரணை வேண்டும்! தமுமுக மாணவரணி கோரிக்கை!

தமுமுக மாணவரணி செயலாளர் வழக்கறிஞர் மு.ஜைனுல் ஆபிதீன் வெளியிடும் அறிக்கை.

சிதம்பரம் அண்ணாமலைப் பல்கலைக் கழகத்தில் படித்து வரும் இன்ஜினியரிங் மாணவர் கவுதம்குமார் 28ம் தேதி விபத்தில் படுகாயமடைந்தார். அவருக்கு பல்கலைக்கழக மருத்துவ கல்லூரி மருத்துவமனையில் முறையாக சிகிச்சை அளித்திருந்தால் மாணவரை காப்பாற்றி இருக்க முடியும். இச்சம்பவம் குறித்து இரவில் துணை வேந்தரிடம் முறையிட சென்ற மாணவர்களை துணைவேந்தர் சந்தித்து பேசியிருந்தால் மூன்று மாணவர்களின் உயிரிழப்பை தவிர்த்திருக்க முடியும். ஆனால் பல்கலைக்கழக நிர்வாகம் போலீசை ஏவி மாணவர்கள் மீது தடியடி நடத்தியுள்ளது. இத்தாக்குதலில் சில மாணவர்கள் அங்குள்ள ஓடையில் விழுந்துள்ளனர். மூன்று மாணவர்கள் இறந்துள்ளனர். அண்ணாமலைப் பல்கலைக் கழகம் மற்றும் காவல் துறையின் இச்செயலை தமுமுக மாணவரணி வன்மையாக கண்டிக்கிறது. இறந்து போன மாணவர்களின் குடும்பத்தினருக்கு தனது ஆழந்த துயரத்தை மாணவரணி தெரிவித்து கொள்கிறது.மேலும் நான்கு மாணவர்களின் உயிரிழப்பிற்கு காரணமான பல்கலைக்கழக துணை வேந்தர் மற்றும் மருத்துவமனை நிர்வாகம்,தடியடி நடத்திய காவல் துறை மீது சட்டப்படியான நடவடிக்கை எடுக்க வேண்டும். இச்சம்பவம் குறித்து மத்திய புலானய்வு துறை மூலம் விசாரணை செய்வதற்கு தமிழக அரசு உத்தரவிட வேண்டும் என மாணவரணி கேட்டு கொள்கிறது.

மதுவுக்கு எதிராக மாணவ சமுதாயமே அணி திரள்வோம் !

2010-03-04T23:24:00.002+05:30

தமிழகத்தில் அரசின் மதுக்கடைகள் மூலமாக மது விற்பனை பெருகிக் கொண்ட போகிறது. மது குடிப்பவர்களின் எண்ணிக்கையும் அதிகரித்துக் கொண்டே இருக்கிறது. மது குடிப்பவர்களின் வரிசையில் இப்போது மாணவ சமுதாயமும் இணைந்திருக்கிறது. டாஸ்மாக் கடைகளில் அலைமோதும் கூட்டத்தில் பள்ளி மற்றும் கல்லூரி மாணவர்களையும் காண முடிகிறது.

நண்பர்களின் திருமணம், பிறந்த நாள் விழா தேர்வுகளில் பாஸானாலும், பெயிலானாலும் மது குடிக்க வேண்டும் என்ற எண்ணமும் இன்றைக்கு மாணவ இளைஞர்களிடையே பெருகியுள்ளது.

சமீபத்தில் எடுக்கப்பட்ட புள்ளி விபரங்களின்படி 30 சதவீத மாணவர்கள் மதுவுக்கு அடிமையாகி உள்ளதாக செய்திகள் வருகின்றன.

நாட்டின் எதிர்கால தூண்கள், சமுதாயத்தை வழிநடத்தி செல்ல இருக்கும் எதிர்கால தலைவர்கள் மெல்ல மெல்ல மதுவுக்கு அடிமையாகி வரும் கொடூரம் தடுத்து நிறுத்தப்பட வேண்டும்.

உடல் நலனையும், மன நலனையும் பாதிக்கும் மதுவின் தீமைகளிலிருந்து மாணவ சமுதாயம் விடுதலை அடைய வேண்டும்.

வகுப்பறையில் மது குடித்து விட்டு பள்ளியிலிருந்தே விரட்டப்பட்டு இன்று கல்வியை இழந்து நிற்கும் மாணவனை போன்று இனி வேறு யாரும் உருவாகிவிடக் கூடாது.

மதுவின் தீமைகளை பற்றி அறிந்ததும் அதில் வரும் வருமானத்திற்காக இன்று கல்விக் கூடங்கள் அருகிலேயே மதுக்கடைகளை அரசு திறந்து வைத்திருக்கிறது.மாணவர்களை வழிகெடுக்கும் டாஸ்மாக் மதுக்கடைகளை உடனடியாக இழுத்து மூடவேண்டும். அது மட்டுமல்ல தமிழகத்தில் மதுக்கடைகள் அனைத்தும் மூடப்பட்டு மது இல்லாத மாநிலமாக தமிழகம் மாற வேண்டும்.

மாணவச் சமுதாயத்தை சீரழிக்கும் மதுக்கடைகளை இழுத்து மூட மாணவர்களே அணி திரள்வோம்.

எதிர்கால தலைமுறை மதுவின் வாடை அறியாத தலைமுறையாக மாற மார்ச் 7 அன்று மனிதநேய மக்கள் கட்சி நடத்தும் மதுக்கடை மறியல் போரில் பங்கேற்ப்போம்.

-இவண் தமுமுக மாணவரணி

குறிப்பு : மதுக்கடை மறியல் நடைபெறும் இடங்கள்

முதுகுளத்தூரில் மாணவரணி சார்பாக தேர்வை எதிர்கொள்வது எப்படி?

2010-03-03T21:40:00.000+05:30

ராமநாதபுரம் மாவட்டம்(கிழக்கு) முதுகுளத்தூரில் மாணவரணி சார்பாக தேர்வை எதிர்கொள்வது எப்படி? என்ற தலைப்பில் பத்தாம் வகுப்பு மற்றும் +2 மாணவர்களுக்கு சிறப்பு நிகழ்ச்சி 21.02.2010 ஞாயிற்று கிழமை அன்று நடைபெற்றது.முன்னாள் மாநில மாணவரணி பொருளாளர் விஞ்ஜானி சம்சுதீன்,பேரா.இஸ்மாயில்,மற்றும் ஜாகிர் ஹுசைன் ஆகியோர் மாணவர்களிடையே உரையாற்றினர்.பதட்டபடாமல் தேர்வு எழுதுவது எப்படி,பாடங்களை நினைவில் வைத்து கொள்வது எப்படி போன்ற பயனுள்ள விசயங்களை மாணவர்களுக்கு விளக்கினர்.நிகழ்ச்சி ஏற்பாட்டை முன்னாள் மாவட்ட மாணவரணி செயலாளர் அஜீஸ் சிறப்பாக செய்திருந்தார்.

டானிஷ் பொறியியல் கல்லூரி மாணவர்கள் சந்திப்பு

2010-03-03T13:07:00.006+05:30

தாம்பரத்தில் கடந்த சனிக்கிழமை(27.02.2010)நடைபெற்றது.கல்லூரியில் மாணவரணியை வலுப்படுத்த வேண்டிய அவசியம் மற்றும் கல்வியில் கவனம் செலுத்த வேண்டியது குறித்தும் அதே நேரத்தில் என்னென்ன செயல்பாடுகளை செய்யவேண்டும் என்பது குறித்து மாணவரணி மாநில செயலாளர் ஜைனுல் ஆபிதீன் உரையாற்றினார்.காஞ்சி மாவட்ட மாணவரணி செயலாளர் அசார் முன்னிலை வகித்தார்.தமுமுக உறுப்பினர் அட்டைகளும் மாணவர்களுக்கு வழங்கப்பட்டது.நிகழ்ச்சியை டானிஷ் பொறியியல் கல்லூரி ஒருங்கிணைப்பாளர் ரியாஸ் மற்றும் ஷேய்க் ஆகியோர் ஒருங்கிணைத்தனர்.

சென்னையில் மாணவர்களின் உணர்ச்சிமிகு பேரணி!தமுமுக மாணவரணி பங்கேற்ப்பு !

2010-02-24T21:52:00.001+05:30

மத்திய மனிதவள மேம்-பாட்டுத் துறை அமைச்சகத்தின் சார்பில் மத்திய அமைச்சர் கபில்சிபல் கொண்டுவந்துள்ள தேசிய உயர்கல்வி ஆணைய மசோதா இந்தியாவில் உள்ள அனைத்து பிற்-படுத்தப்பட்ட, தாழ்த்தப்பட்ட ஒடுக்கப்பட்ட மாணவ சமுதாயத்திற்கு பேரிடியாக அமைந்துள்ளதை எதிர்த்து, திக,தமுமுக மாணவரணி,விடுதலை சிறுத்தைகள் உட்பட மாணவர் அமைப்புகள் ஒன்றிணைந்து அனைத்து மாணவர் கூட்டமைப்பு ஒன்றை உருவாக்கினர்.அனைத்து மாணவர் கூட்டமைப்பின் சார்-பில் மாபெரும் பேரணி நேற்று சென்னையில் மாலை (23.2.2010) சென்னையில் எழுச்சி-யுடன் நடைபெற்றது.

அண்ணா சாலையில் மாணவர்கள் திரண்டனர்

இந்தியாவில் மீண்டும் மனுதர்ம கல்வித் திட்டத்தை புகுத்தும் மத்திய அமைச்சர் கபில்சிபலைக் கண்டித்தும், உயர்கல்வி தேசிய ஆணைய மசோதாவை எதிர்த்தும் நேற்று மாலை 4 மணிக்கு சென்னை அண்ணா சாலையில் அனைத்து மாணவர் பேரவை சார்-பில் மாணவர்கள் மன்றோ சிலை அருகில் கூடினர்.

ஒடுக்கப்பட்ட, கிராமப்-புற மாணவர்களின் முன்னேற்றத்தைத் தடுக்கும் உயர்கல்வி தேசிய ஆணைய மசோதாவை-யும், மத்திய மனுதர்ம அமைச்சர் கபில்சிபலைக் கண்டித்தும் அரை மணி நேரம் ஒலி முழக்கமிட்டனர்.

பின்னர் அனைத்து மாணவர் கூட்டமைப்பினரான திராவிட மாணவர் கழகம், விடுதலை சிறுத்தைகள் மாணவர் பிரிவு, தமுமுக மாணவரணி, முஸ்லிம் லீக், சட்டக் கல்லூரி மாணவர்கள், புதுக்கல்லூரி மாணவர்-கள், நந்தனம் கல்லூரி மாணவர்கள், பச்சையப்-பன் கல்லூரி மாணவர்-கள் என மாணவர்கள் பேரணி-யாகப் புறப்படத் தயாராக இருந்தனர்.

திராவிடர் கழக பொதுச்-செயலாளர் கவிஞர் கலி.-பூங்குன்றன் மாணவர்களின் பேரணி தொடங்கி வைக்கும் முகமாக மாண-வர்களை வாழ்த்தியும், அனைத்து மாணவர் கூட்டமைப்பின் நோக்கத்தை விளக்கியும் பேசினார்.அவரது உரையில் கூறியதாவது:இன்றைக்குத் தேசிய உயர்கல்வி ஆணைய மசோதாவை எதிர்த்தும், மத்திய மனித வள மேம்பாட்டுத்துறை அமைச்ச-ரைக் கண்டித்தும் மாண-வர்கள் பேரணியாகப் புறப்பட்டு அவர்களு-டைய கோரிக்கைகளை வலி-யுறுத்த உள்ளனர்.மத்திய மனிதவள மேம்பாட்டுத்துறை அமைச்சர் கபில்சிபல் அவர்கள் ஒரு புதிய கல்விக் கொள்கைத் திட்-டத்தை அறிவித்திருக்கிறார்.தாழ்த்தப்பட்ட, பிற்-படுத்தப்பட்ட, கிராமப்புற மாணவர்கள் கல்வியில் முன்னேறவிடாமல் தடுக்க ஒரு புதிய சட்டத்தை, திட்டமிட்டு ஒரு சதிச் செயலை கபில்சிபல் உருவாக்கியிருக்கிறார்.நீண்ட காலமாக நாம் போராடிப் பெற்ற இடஒதுக்கீடு, சமூகநீதி தத்-துவத்தை குழிதோண்டிப் புதைக்கக் கூடிய திட்டம்-தான் இந்த கல்வித் திட்டமாகும்.தமிழ்நாட்டில் இருபத்-திரண்டு ஆண்டுகளாக நாம் போராடி, விரட்டப்-பட்ட நுழைவுத் தேர்வு முறையை இந்தக் கல்வித் திட்டத்தின்மூலம் கொண்டு-வந்து ஒடுக்கப்-பட்ட மாணவர்களை கல்வியில் முன்னேற விடா-மல் தடுக்க ஒரு புதிய யுக்-தியைக் கையாண்டிருக்-கின்-றார். அனைத்து மாண-வர்களும் ஒன்று சேர்ந்து இந்தத் திட்-டத்தை இந்த ஆபத்தை முறியடித்தாக வேண்டும்.அன்று பெரியார் போராடினார்.மாணவர் சமுதாயம் இந்த பேரபாயத்தை உணர்ந்து இதை முறி-யடித்தாகவேண்டும். அப்பொழுதுதான் தாழ்த்-தப்பட்ட, பிற்படுத்தப்-பட்ட, கிராமப்புற மாணவ-மாணவிகள் நம்முடைய உரிமைகளைப் பெற முடியும்.எனவே, அனைத்து மாணவர் அமைப்பின் சார்பில் இன்றைக்குத் தொடங்கப்பட்டிருக்கின்ற போராட்டம் இது ஒரு தொடக்கம்தான். வெற்றி கிட்டும்வரை இந்த மாபெரும் போராட்டம் தொடரும். இவ்வாறு கலி.-பூங்குன்றன் பேசினார்.

மமக பொதுசெயலாளர் அப்துல் சமத் மற்றும் மாணவரணி செயலாளர் ஜைனுல் ஆபிதீன்

மனிதநேய மக்கள் கட்சியின் மாநில பொதுச்செயலாளர் அப்துல்சமது, பேசும்போது பெரியார் உருவாக்கிய சமூக நீதி போராட்டத்தை நாம் தொடர்ந்து நடத்த வேண்டும்.மத்திய அரசின் இந்த கயமைத்தனத்தை எதிர்த்து மாணவர்கள் நடத்தும் இந்த பேரணி போராட்டம் வெறும் தொடக்கம்தான் இன்னும் முழு வீச்சில் இப்போராட்டம் எழுச்சி பெரும் என்றார்.விடுதலை சிறுத்தைகள் அமைப்பின் மத்திய சென்னை மாவட்ட செயலாளர் வீரமுத்து, திராவிடர் கழக மாநில மாணவரணி அமைப்பாளர் ரஞ்சித்குமார் ஆகியோர் பேசினர். புரட்சிகர இளை-ஞர் முன்னணி அமைப்பைச் சார்ந்த வீராளன் தலைமையிலும் மாணவர்-கள் பங்கேற்றனர். மாணவர்கள் பேரணி மன்றோ சிலையிலிருந்து புறப்பட்டு சென்னை அண்ணா சாலையில் உள்ள தந்தை பெரியார் சிலை வரை ஆவேசத்துடன் ஒலி முழக்கங்களுடன் சென்று பின்னர் மாலை 5.00 மணி அளவில் புதிய தலைமை செயலகத்தை அடைந்தது.உடனே கபில் சிபலின் கொடும்பாவியாக அட்டைகளை மாணவர்கள் கொளுத்த காவல துறை உடனடியாக மாணவர்களை கலைந்து செல்ல கோரியது.எனினும் மாணவர்கள் அங்கேயே ஆர்பாட்டத்தில் இறங்கினர்.மாணவர் அமைப்புகளின் நிர்வாகிகள் கண்டன உரை ஆற்றினர்.தமுமுக மாணவரணி செயலாளர் ஜைனுல் ஆபிதீன்,விடுதலை சிறுத்தைகள் மாணவர் பொறுப்பாளர் இளங்கோ,புரட்சிகர இளைஞர் முன்னணி தோழர் சிவா ஆகியோர் எழுச்சியோடு பேரணியின் நோக்கத்தை எடுத்துரைத்து தொடர்ந்து போராட்டம் நடக்கும் என்று அறைகூவல் விடுத்தனர்.இறுதியாக மாணவர் கூட்டமைப்-பின் ஒருங்கிணைப்பாளர் ச. பிரின்ஸ் இறுதியாக நன்றி கூறினார்.

ஆம்பூரில் மாணவரணி ஆலோசனை கூட்டம்

2010-02-14T20:53:00.001+05:30

வேலூர் மாவட்டம் ஆம்பூரில் தமுமுக மாணவரணியின் ஆலோசனை கூட்டம் கடந்த குடியரசு தினம் 26-01-2010 அன்று நடந்தது.வாணியம்பாடி,திருப்பத்தூர்,ஆம்பூர் ஆகிய பகுதிகளில் இருந்து மாணவர்கள் வந்திருந்தனர்.மாநில மாணவரணி செயலாளர் வழக்கறிஞர் காஞ்சி. ஜைனுல் ஆபிதீன் சிறப்புரை ஆற்றினர்.வேலூர் மாவட்டத்தில் மாணவரணி வளர்ச்சி குறித்தும் விவாதிக்கப்பட்டது.இக்கூட்டத்தை மாணவரணி ஒருங்கிணைப்பாளர் திருப்பத்தூர் அன்சாரி சிறப்பாக ஒருங்கிணைத்தார்.மாவட்ட தமுமுக துணை செயலாளர் ஆம்பூர் நசிர்,தொண்டரணி துணை செயலாளர் சனாவுல்லாஹ்,மிஷ்பாஹ் ஆகியோர் முன்னிலை வகித்தனர்.

முஸ்லிம் மாணவர் தாடி வைக்கத் தடை

2010-02-05T17:52:00.000+05:30

கடலூரில் உள்ள செயின்ட் ஜோசப் கலை மற்றும் அறிவியல் கல்லூரியில் படித்துவருகிறார். அதே ஊரைச் சேர்ந்த மாலிக் முஹம்மது என்பவர். வழக்கம் போல 15.1.2010 அன்றும் கல்லூரி சென்றவரை கல்லூரி நிர்வாகம் அவரை தடுத்து நிறுத்தி தாடி வைத்து கல்லூரி வர அனுமதியில்லை என்று கூறியது. மாணவர் மாலிக், தாடி வைப்பது தமது மத உணர்வு என எவ்வளவோ எடுத்துரைத்தும் கல்லூரியில் நுழைய மறுக்கப்பட்டு, பெற்றோருடன் வந்து மாறுதல் சான்றிதழ் பெற்றுச் செல்லும்படி பணிக்கப்பட்டார்.அதிர்ச்சி அடைந்த மாணவர் தரப்பு, தமுமுகவின் மாவட்ட துணைச் செயலாளர் மன்சூரை தொடர்பு கொண்டு தகவலை தெரிவிக்க, அவர் மாவட்டச் செயலாளர் ஷேக் தாவூதை தொடர்பு கொண்டு தகவலை தெரிவித்தார்.

மாவட்டச் செயலாளர் ஷேக் தாவூத் தலைமையிலான குழு மாணவ னிடம் கடிதமாகப் பெற்றுக் கொண்டு, கல்லூரி முதல்வர் திரு. ரட்சகனை தொடர்பு கொண்டு மாணவனை அனுமதிக்கும்படி கோரிக்கை வைத்தனர். ஆனால், கல்லூரியின் சட்டப்படி (?) தாடி வைக்க அனுமதி கிடையாது என மறுத்துவிட்டார். இதனிடையில், கடந்த 16.1.2010 அன்று லால்பேட்டைக்கு வருகைதந்த தமுமுக மாநில பொதுச் செயலாளர் ஹைதர் அலி அவர்களை சந்தித்து நடந்ததை எடுத்துரைத்தனர். 18.1.2010 அன்று எஸ்.பி.சி.ஐ.டி. பிரிவு உதயசங்கரை நேரில் சந்தித்து புகார் தெரிவித்தனர்.

இறுதியாக மாணவனை அழைத்து தாடி எடுத்து விடும்படி அறிவுறுத்திய கல்லூரி நிர்வாகத்திடம், தாடியை எடுக்க முடியாது என மாணவன் மாலிக் தெரிவித்தார். இதனிடையில் கடந்த 20.1.2010 அன்று மாணவனுக்கு சஸ்பென்ட் ஆர்டர் கொடுக்கப்பட்டது. தமுமுக மாவட்டச் செயலாளர் ஷேக் தாவூத் தலைமையிலான குழு மீண்டும் பேச்சு வார்த்தை நடத்தியும் பலனில்லாத நிலையில்,kallorஇ நிர்வாகத்தை எதிர்த்து போராட்டம் நடத்த முடிவு செய்யப்பட்டது. பத்திரிக்கையாளர்களைக் கூட்டி போராட்ட அறிவிப்பு செய்யப்பட்டது. இதையடுத்து பதறிபோன கல்லூரி நிர்வாகம் மாணவனை மீண்டும் சேர்த்துக் கொள்ள அனுமதி அளித்துள்ளது.

நமக்கான உரிமைகள் மறுக்கப்படும்போது போராடுவதை தவிர வேறு வழி ஏது.

சென்னை மாநகரில் த.மு.மு.க. மாணவரணி ஆலோசனை கூட்டம்

2010-01-27T21:29:00.000+05:30

சென்னை மாநகரில் த.மு.மு.க மாணவரணியை வலுப்படுத்த மாணவரணி ஆலோசனைக் கூட்டம் த.மு.மு.க. தலைமையகத்தில் கடந்த 03.01.2010 அன்று நடைபெற்றது. மாநில மாணவரணி செயலாளர் ஜைனுல் ஆபிதீன் மாணவரணி பொருளாளர் மாயவரம் அமீன் ஆகியோர் தலைமை தாங்கினர். வடசென்னை மாவட்ட மாணவரணி செயலாளர் அமீன், தென் சென்னை மாவட்ட மாணவரணி செயலாளர் முத்துப்பேட்டை பரீத் ஆகியோர் முன்னிலை வகித்தனர். சென்னை புதுக்கல்லூரி மற்றும் சென்னையின் பல்வேறு பகுதியிலிருந்தும் மாணவரணி பிரதிநிதிகள் பங்கு கொண்டனர்.

சென்னை மாநகரில் மாணவரணி கிளைகளை வலுப்படுத்துவது, வாராந்திர சந்திப்புகளை நடத்துவது, கல்லூரிகளில் கிளை அமைப்பது குறித்து விவாதிக்கப்பட்டு, தீர்மானிக்கப்பட்டது. இக்கூட்டத்தில் 30 மாணவ பிரதிநிதிகள் பங்கு கொண்டனர்.

விளையாட்டுப் போட்டியில் தங்கப்பதக்கம் வென்ற த.மு.மு.க. மாணவரணி

2010-01-27T21:27:00.001+05:30

திருச்சிராப்பள்ளியில் நடந்த பாரதிதாசன் பல்கலைக்கழகத்தின் கல்லூரிகளுக்கு இடையிலான விளையாட்டுப் போட்டியில் 10.12.2009 அன்று திருச்சியில் நடைபெற்றது. இதில் நாகை மாவட்டம் பொறையார் கல்லூரியின் சார்பாக கலந்து கொண்ட மாணவன் எம்.பஷீர் அஹ்மத் 110 மீட்டர் தடைதாண்டும் ஒட்டத்தில் முதலிடம் பெற்று தங்கப்பதக்கம் வென்றுள்ளார். 20 ஆண்டுகளுக்கு பிறகு இக்கல்லூரி இப்பிரிவில் தங்கம் வென்றுள்ளது. குறிப்பிடத்தக்கது. பஷீர் அஹ்மத் த.மு.மு.க. மாணவரணியை சேர்ந்தவர் என்பதும் படிப்பிலும் சிறந்த மாணவர் என்பதும் குறிப்பிடத்தக்கது.

மரைன் இன்ஜினியரிங்கில் தங்கப்பதக்கம் முஸ்லிம் மாணவர் சாதனை

2010-01-27T21:24:00.000+05:30

சென்னை அண்ணா பல்கலைக்கழக மரைன் இன்ஜினியரிங் பிரிவில் பல்கலைக்கழக அளவில் முதடம் பெற்று தங்கம் வென்றுள்ளார் பொறையாரைச் சேர்ந்த ஷேய்க் அலாவுதீன் அவர்களின் மகன் முஹம்மது நைனா. இவர் கீழக்கரை முஹம்மது சதக் இன்ஜினியரிங் கல்லூரி மாணவர் ஆவார். பல்கலைக்கழக அளவில் 87 சதவீத மதிப்பெண்கள் பெற்றுள்ளார் முஹம்மது நைனா.

பாஜக தலைவரின் சிறுபான்மை விரோத போக்கு வன்மையாக கண்டிக்கத்தக்கது. த.மு.மு.க. மாணவரணி கண்டனம்!

2010-01-27T20:48:00.002+05:30

த.மு.மு.க. மாணவரணி செயலாளர் வழக்கறிஞர் மு.ஜைனுல் ஆபிதீன் வெளியிடும் அறிக்கை.

தமிழக அரசு சிறுபான்மை மாணவர்களின் கல்வி உதவி தொகைக்காக 26.22 கோடி ரூபாய்கள் ஒதுக்கி உள்ளதாகவும் அவை நடப்பாண்டில் சிறுபான்மை மாணவர்களின் கல்வி உதவி தொகையாக வழங்கப்படும் என்று அறிவித்துள்ளது வரவேற்க்கதக்கது. ஆனால் இந்த உதவி தொகைக்கான அறிவிப்புகள் பெரும்பாலான கல்வி நிறுவனங்களுக்கு அரசு மூலம் முறையாக போய் சேராததால் கல்வி நிறுவனங்கள் மாணவர்களை அலைகழிக்கின்றன.மேலும் பல்வேறு ஆவணங்களையும் கேட்பதால் மாணவர்களுக்கு பொருளாதார செலவும் ஏற்படுகிறது.எனவே அரசு இவ்வறிவிப்பினை முறையாக அனைத்து கல்வி நிறுவனங்களுக்கும் அனுப்பவும் மாணவர்கள் விண்ணப்பங்களை சிரமமில்லாத முறையில் அனுப்பவும் ஏற்பாடு செய்ய வேண்டும்.

அதே போல் குடும்பத்தில் முதல் பட்டதாரி மாணவரின் கல்வி செலவுகளை அரசே ஏற்று கொள்ளும் என அறிவித்துள்ள கலைஞர் அவர்களின் அறிவிப்பு ஏழை மக்களின் கல்வி கனவை நனவாக்கும் அருமையான திட்டம் ஆகும்.இந்த திட்டத்தை த.மு.மு.க. மாணவரணி வரவேற்று தமிழக அரசுக்கு நன்றி தெரிவித்து கொள்கிறது.

சிறுபான்மை மாணவர்களுக்கு என்று தனியே கல்வி உதவி தருவது கூடாது என்று மதவெறியோடு அறிக்கை வெளி இட்டுள்ள பொன்.ராதா கிருஷ்ணனை த.மு.மு.க. மாணவரணி வன்மையாக கண்டிக்கிறது. இந்து மாணவர்களுக்கு S.E,S.T,B.C,M.B.C என்று பல்வேறு பிரிவுகளின் கீழ் கல்வி உதவி தொகை வழங்கப்படும்போது சிறுபான்மை மாணவர்களுக்கு ஏன் வழங்க கூடாது. அவர்கள் இந்த நாட்டின் குடிமக்கள் இல்லையா. இந்திய அரசமைப்பு சட்டமே சிறுபான்மை மக்களின் கல்விக்கு சிறப்புரிமை அளிக்க சொல் இருக்கும் போது ராதாகிருஷ்ணன் போன்றவர்கள் அரசமைப்பு சட்டத்துக்கு எதிராக பேசுவது வன்மையாக கண்டிக்கத்தக்கது.

ஏதோ சிறுபான்மை மாணவர்களுக்கு மட்டுமே கல்வி உதவி தொகை வழங்கி வருவதாகவும் மற்ற யாருக்குமே வழங்கபடுவதில்லை என்ற பொய் பிரசாரத்தை மேற்கொண்டு வருகிறார் அவர். மேலும் இந்த உதவி தொகையை பெறும்போது ஏற்கனவே பிற்படுத்தப்பட்ட பிரிவின் கீழ் வரும் அரசு உதவி தொகையை பெற முடியாது.எனவே இந்த உதவி தொகை அவர்களுக்கு சிறப்பாக ஒதுக்கப்படும் சலுகை அல்ல. வறுமை கோட்டுக்கு கீழே உள்ள அனைத்து மாணவர்களுக்கும் உதவி தொகைவழங்க வேண்டுமாம். இதை தான் பல்வேறு சாதி பிரிவுகளின் அடிப்படையில் அரசு ஏற்கனவே கொடுத்து வருகிறதே. அப்படி என்றால் தாழ்த்தப்பட்ட மிகவும் பிற்படுத்தப்பட்ட மலைவாழ் மாணவர்களுக்கு கொடுக்கப்பட்டு வரும் கல்வி உதவி தொகைகளை நிறுத்தி அனைத்து மாணவர்களுக்கும் பொருளாதார அடிப்படையில் மட்டுமே உதவிகள் வழங்கபடவேண்டும் என்று சொல்கிறாரா? இதை முதல் பா.ஜ.க ஆளும் மாநிலங்களில் அமுல் படுத்த அவர் கோருவாரா?

எதையும் மதவெறி கண்ணோட்டத்தில் பார்க்கும் நிலையை பா.ஜ.க. கைவிட வேண்டும். தேவை இல்லாமல் சிறுபான்மை மாணவர்களின் கல்வி விசயத்தில் பொன்.ராதா கிருஷ்ணன் மூக்கை நுழைத்தால் தமிழகம் முழுவதும் சிறுபான்மை மாணவர்களை திரட்டி பா.ஜ.க. அலுவலகத்தை முற்றுகையிடும் போராட்டத்தை த.மு.மு.க. மாணவரணி மேற்கொள்ளும் என எச்சரிக்கிறோம்.

சமச்சீர் பாடத்திட்டம்: தமுமுக மாணவரணி கோரிக்கை

2009-12-31T20:04:00.000+05:30

சமச்சீர் கல்வி பாடத்திட்டம் தொடர்பாக பாடத் திட்டக்குழு மற்றும கல்வி அமைச்சருக்கு மாநில மாணவரணிச் செயலாளர் எம். ஜைனுல் ஆபிதின் அனுப்பிய கோரிக்கை கடிதம்

தமிழகத்தில் செயல்பட்டு வரும் பல்வேறு பாடத்திட்டங்களை ஒருங்கிணைத்து சமச்சீர் கல்வி என்ற திட்ட அடிப்படையில் ஒரே கல்வித் திட்டமாக மாற்ற தமிழக அரசு முடிவு செய்துள்ளது! இதனடிப்படையில் ஸ்டேட் போர்டு, மெட்ரிக், ஆங்கிலோ-இந்தியன், ஓரியண்டல் ஆகிய பாடத்திட்டங்களை தவிர்த்து ஒரே பாடத்திட்டமாக தமிழ் மற்றும் ஆங்கில வழி பாடங்களை தயார் செய்யும் பணி நடைபெற்று வருகிறது. அரசின் ஊக்ஷளுநு பாடத்திட்டத்தில் எவ்வித மாற்றமும் இருக்காது. மற்ற முறைகளில் பயிலும் மாணவர்கள் இனி மெட்ரிக், தமிழ் வழி என்ற எந்த பாகுபாடும் இல்லாமல் ஒரே பாடங்களை தமிழ் மற்றும் ஆங்கில வழியில் பயிலலாம்.

இதற்கான 1 ம் வகுப்பு முதல் 10 வகுப்பு வரையிலான பாடத்திட்டங்களை தயார் செய்து இணைய தளத்தில் வெளியிட்டுள்ளனர். இப்பாடத்திட்டங்களில் இந்து மதத்தை குறை கூறி எழுதப்பட்டுள்ளதாக சிலர் பிரச்சினையை கிளப்பினர். அவ்வாறு எதுவும் இல்லை என அதிகாரிகளும், கல்வித்துறை அமைச்சரும் மறுத்துள்ளனர்.

இந்நிலையில் சமச்சீர் பாடத்திட்ட பகுதிகளை பார்த்து விட்டு தமுமுக மாணவரணி செயலாளர் வழக்கறிஞர் ஜைனுல் ஆபிதீன் சமச்சீர் கல்வி பாடத்திட்ட இயக்குனருக்கு கடிதம் ஒன்றை அனுப்பியுள்ளார். அதில் வழக்கம் போல 10 ம் வகுப்பு முதல் பத்தாம் வகுப்பு வரையிலான தமிழ் பாடங்களில் செய்யுள் பகுதியில் இந்து மற்றும் கிறித்தவ கடவுள் பாடல்களை இடம் பெறச் செய்யும் ஆசிரியர்கள் இஸ்லாமிய வழிபாட்டு பாடல்கள் பகுதியில் வழக்கம் போல சீறாப்புராணம் நூலில் ஏதாவது ஒரு பாடலை எடுத்து போடும் வேலையை செய்து வருகின்றனர். ஆனால் வழிபாட்டு பாடல்கள் பகுதியில் அல்லா என்ற தலைப்பில் திருக்குர்ஆனின் சூரத்துல் இக்லாஸ் எனப்படும் 112 அத்தியாயத்தில் அல்லாஹ்வின் தன்மைகளைப் பற்றி கூறும் அத்தியாயத்தை இடம் பெற செய்ய வேண்டும். இதே போல ஒவ்வோரு வகுப்புகளின் தமிழ் பாட நூல்களின் செய்யுள் பகுதியில் கண்டிப்பாக குறிப்பிட்ட திருக்குர் ஆன் வசனங்களின் தமிழாக்கத்தையும் அல்லது நபிகள் நாயகத்தின் பொன்மொழிகளையும் மட்டுமே இடம் பெற செய்ய வேண்டும்.

மேலும் துணைப்பாடங்களில் வரலாறு பகுதியில் பல்வேறு தலைவர்களின் வரலாறுகள் கூறப்படுகின்றன. இஸ்லாமியப் பெரியவர்களை பற்றிய எவ்வித குறிப்பும் இல்லை.(அப்துல் கலாம் விதிவிலக்கு) எனவே உலக சீர்த்திருத்தவாதிகளிலேயே முதலிடத்தை பெற்ற நபிகள் நாயகம் அவர்களின் வரலாற்றையும், தமிழகத்தில் தலைசிறந்த அரசியல்வாதிகளில் ஒருவரும், முஸ்லிம் சமூக தலைவர்களின் ஒருவருமான காயிதேமில்லத் அவர்களின் வரலாறையும் இடம் பெற செய்ய வேண்டும்.

மேலும் இஸ்லாமிய வருகை என்ற பகுதியில் முஸ்லிம் மன்னர்களின் ஆட்சி முறை தொடர்பாக கருத்து வேறுபாடு இல்லாத நியாயமான வரலாற்றை குறிப்பிட வேண்டும்.

முஸ்லிம் என்பதற்கு பதிலாக முஹம்மதியர் என்ற பதந்தை தயவு செய்து சேர்க்க வேண்டாம் எனவும் இஸ்லாமிய வரலாறு மற்றும் கொள்கைகள் தொடர்பாக தகவல்கள் தேவைப்பட்டால் தமுமுக மாணவரணி தந்த தயாராக இருக்கிறது என்றும் அக்கடிதத்தில் குறிப்பிடப்பட்டு இருக்கிறது.

இதுவரை புரட்டு வரலாறையே படித்துக் கொண்டிருந்த மாணவர்கள் சமச்சீர் பாடத்திட்டம் மூலமாக உண்மை வரலாற்றை அறியவும், இஸ்லாம் மற்றும் முஸ்லிம்கள் தொடர்பான உண்மைத் தகவல்களை அனைத்து மாணவர்களும் படித்து சமூக நல்லிணக்கம் வளரவும் பாடத்திட்ட குழுவினர் முயற்சிக்க வேண்டும்.

மாணவர் சமுதாயத்தில் ஊடுறுவும் சங்பரிவார்

2009-12-20T21:26:00.001+05:30

-மு. ஜைனுல் ஆபிதீன்,
மாநில மாணவரணி செயலாளர்.

இந்திய நாட்டின் அனைத்து துறைகளிலும் இன்று சங்பரிவார் சக்திகள் ஊடுறுவி உள்ளன. தொடர்ச்சியான திட்டமிட்டவழிமுறைகளைக் கையாண்டு அரசு அதிகாரம், ஊடகத்துறை, காவல் துறை, இராணுவம், நீதித்துறை என சகல துறைகளிலும் ஊடுறுவியுள்ள இந்துத்துவ மதவாதம், நாட்டின் எதிர்காலத்தலைவர்கள் என்று கூறப்படும் மாணவ சமுதாயத்தையும் விட்டுவைக்க வில்லை. குறிப்பாகச் சொல்ல வேண்டு மென்றால், இந்து மாணவர்களை சங்பரிவார் தாய்க்கழகமான ஆர்.எஸ்.எஸ்.ஸில் இணைப்பதற்கு பல்வேறு பெரும் முயற்சிகள் ஆர்.எஸ்.எஸ். தொடங்கப்பட்ட 1925 முதலே நடை பெற்று வருகின்றன.

நாட்டில் நடந்த பல்வேறு அரசியல் மற்றும் ஒடுக்கப்பட்ட மக்களின் எழுச்சி களுக்குப் பின்னால் இருந்த மாணவர் சக்தியின் பலத்தை உணர்ந்த இந்துத் துவ கும்பல் மாணவர் சக்தியை வளைத் தெடுக்க திட்டம் தீட்டினர். பல பள்ளி, கல்லூரி மாணவர்களுக்கு ஷாகா பயிற்சி அளிக்கப்பட்டது. இளம் வயதில் எதையும் செய்து முடிக்கலாம் என்ற மனோதைரியமும், வீர சாகசங் களின் மீது ஆர்வமும் கொண்ட மாணவப் பருவத்தினரை, தனது ஷாகாக்களில் வீர விளையாட்டுக்கள் கற்றுக் கொடுப்பதன் மூலம் வசியப்படுத்தி முஸ்ம் வெறுப்பு ணர்வை விதைக்கும் அரும் பணியை செவ்வனே செய்துவந்தது ஆர்.எஸ்.எஸ்.ஏற்கனவே பணியாற்றி வந்த பார்ப்பன, உயர்சாதி பள்ளிக்கூட, கல்லூரி, பல்கலைக்கழக ஆசிரியர்கள் தங்கள் கல்வி நிறுவனத்தில் படிக்கும் மாணவர்கள் மத்தியில் சங்பரிவார கொள் கைகளை பரப்புவதில் மும்முரமாக ஈடுபட்டனர்.

கல்லூரி ஆசிரியராக இருந்த ஆர்.எஸ்.எஸ். ஊழியர் ஷாகாவுக்கு வரும் மாணவர்களுக்கு செயல்முறை வகுப்புகளுக்கு அதிக மதிப்பெண் அளித்தும், விடுப்பு அளித்தும் உதவியிருக்கிறார். இதனால் மாணவர்கள் ஷாகாவில் கலந்துகொள்ள ஆர்வம் காட்டினார்களாம்.ஆர்.எஸ்.எஸ். இயக்கத் தலைவர் ஒருவர் விஜயபாரதம் இதழில் எழுதிய தனது சுயசரிதையில் இதை கூறியிருக்கிறார்.

இதுபோன்ற குறுக்கு வழிகளில் மாணவர்களிடையே உட்புகுந்த சங்கும்பல் 1961ல் A.B.V.P. (அகில பாரதீய வித்யார்த்தி பரிஷத்) எனும் அகில இந்திய அளவில் மாணவர் அமைப்பை உண்டாக்கியது. இதன் மூலம் நாட்டின் பல் வேறு புகழ்பெற்ற கல்வி நிறுவனங்களில் ஆர்.எஸ்.எஸ். ஊடுறுவியது. இடது சாரி, புரட்சிகர சிந்தனைகளால் மட்டுமே ஈர்க்கப்பட்டுவந்த மாணவர் சமூகம் தீவிர வலதுசாரி பார்ப்பனீய கருத்துக்களுக்கும் செவிசாய்க்க ஆரம்பித்தது S.F.I போன்ற இடதுசாரி மாண வர் இயக்கங்களின் கோட்டையாக இருந்த டெல்லி ஜவஹர்லால் நேரு பல்கலைக்கழகத்தின் மாணவர் தேர்தல்களில் வெற்றிபெறும் அளவுக்கு இந்த A.B.V.P. வளர ஆரம்பித்தது.

மாணவர் தேர்தல்களில் வெற்றி பெறுவதற்கு பணத்தையும், இதர வஸ்துக்களையும் இறக்கி விடுவதோடு, வன்முறையில் இறங்குவதற்கும் A.B.V.P. தயங்குவதே இல்லை. மத்தியப் பிரதேசத்தில் தங்கள் அமைப்பு கல்லூரித் தேர்தல் வெற்றிபெற வேண்டும் என்பதற்காக கல்லூரிப் பேராசிரியர் சபர்வாலை குத்திக் கொலை செய்த A.B.V.P நிர்வாகிகள் கைது செய்யப்பட்டனர். கல்லூரிகளில் வன்முறையில் ஈடுபட்டதாக பல A.B.V.P. நிர்வாகிகள் கைது செய்யப் பட்டுள்ளனர்.கேரளா, டெல்லி, குஜராத், கர்நாடகா, ஆந்திரப் பிரதேசம் என மாணவர்களை தங்கள் விஷ வலையில் வளைத்துப் போட்டு விசுவரூபம் எடுத்து வருகிறது A.B.V.P.

தமிழகத்தில் பெரிய அளவில் இவர்களால் வளர முடியவில்லை என்றாலும், சிறுபான்மைக் கல்லூரிகளில். பள்ளிகளில் கிளை பரப்ப முயற்சிகள் மேற்கொண்டு வருகின்றார்கள். சென்னை பச்சையப்பன் கல்லூரியை தளமாகக் கொண்டு இயங்கிவரும் A.B.V.P.யால் சென்னை கல்லூரிச் சுவர்களில் JOIN A.B.V.P. என்று எழுதுமளவுக்குத்தான் இயக்கத்தைக் கொண்டு செல்ல முடிந்திருக்கின்றது. எனினும் மாணவர்களிடையே இயக்கத்தைக் கொண்டு செல்வதில் பலவகையான முயற்சிகளை மேற் கொண்டு வருகிறது A.B.V.P.

கல்வி நிறுவனங்களை நடத்தும் முஸ்லிம் மற்றும் சிறுபான்மை அமைப்புகள் கவனமாக இருக்க வேண்டிய அதேநேரத்தில், சமுதாய அமைப்புகள், மாணவர் அமைப்புகளை வலுப்படுத்த கவனம் செலுத்த வேண்டும். அமைப்புகளின் ஓர் அணி என்றில்லாமல் மாணவர் பிரச்சினைகளில் மட்டுமே கவனம் செலுத்தும் சுயேச்சையான அமைப்பாக மாணவர் இயக்கத்தைக் கட்டமைக்க வேண்டும். இளம் வயதிலேயே கொள்கைத் தெளிவும் போராட்டக் குணமும் கொண்ட ஓர் தலைமுறையை உருவாக்க வேண்டும். அப்போதுதான் காவிகளின் ஆக்டோபஸ் கரங்களை அறுத்தெரிய முடியும்.

டிசம்பர் 6 போராட்டத்தில் தமுமுக மாணவரணியினர் !

2009-12-09T12:29:00.003+05:30

டிசம்பர் 6 போராட்டத்தில் தமுமுக மாணவரணியினர் !

தமுமுக மாணவரணியினர் டிசம்பர் போராட்டத்தில் எழுச்சியோடு கலந்து கொண்டனர்.மாநில மாணவரணி செயலாளர் ஜைனுல் ஆபிதீன் ஈரோட்டிலும் மாணவரணி பொருளாளர் மாயவரம் அமீன் சேலத்திலும் மாணவரணி பிரதிநிதி ஷமீம் அஹ்மத் காரைகாலிலும்,தாம்பரம் அசார் அரியலூரிலும் கண்டன உரையாற்றினர்.ஏராளமான பள்ளி கல்லூரி மாணவர்கள் பாபரி மஸ்ஜித் மீட்பு போராட்டங்களில் கலந்து கொண்டனர்.மாணவரணி சார்பில் ஆர்பாட்ட இடங்களில் போஸ்டர்கள்,டிஜிட்டல் பேனர்கள் வைக்கப்பட்டு இருந்தன.

வந்தே மாதாரம் பாடலை தமிழக அரசின் பாடப்புத்தகங்களி ருந்து நீக்குக! தமுமுக மாணவரணி கோரிக்கை!

2009-11-17T13:48:00.004+05:30

தமுமுக மாணவரணி செயலாளர் வழக்கறிஞர் மு.ஜைனுல்ஆபிதீன் வெளியிட்ட அறிக்கை

இந்திய நாட்டின் அங்கீகரிக்கப்பட்ட தேசிய கீதங்களாக ஜன கன மன என்ற வங்க மொழிப் பாடலும், அல்லாமா இக்பால் இயற்றிய சாரே ஜஹான்ஸே அச்சா என்ற உருது மொழிப்பாடலும் பயன்படுத்தப்பட்டு வரும் வேளையில் முஸ்லிம்களுக்கு எதிராக எழுதப்பட்ட ஆனந்த மடம் என்ற நாவலில் வரும் 'வந்தே மாதரம்' என்ற பாடல் காங்கிரஸில் அன்றைக்கு இருந்த இந்து மகா சபா போன்ற சங்பரிவார அமைப்புகளின் ஆதரவாளர்களால் நயவஞ்சகமாக விடுதலை போரில் திணிக்கப்பட்டது.

1937ல் காங்கிரஸால் அமைக்கப்பட்ட முதல் இடைக்கால அரசின் போது தமிழகத்தில் (சென்னை மாகாணம்) அமைந்த ராஜாஜி தலைமையிலான முதல் அரசின் சட்டசபை கூட்டத் தொடரில் வந்தே மாதரம் பாடலை பாடி சபை நடவடிக்கைகளை துவங்கியதை அன்றைய முஸ்லிம் லீக் உட்பட முஸ்லிம் அமைப்புகளும், பெரியார் தலைமையிலான நீதிக்கட்சியும் கடுமையாக எதிர்த்ததின் விளைவாக சட்ட சபையில் அப்பாடல் பாடுவது நிறுத்தப்பட்டது.

விடுதலைப் போராட்ட காலத்திருந்தே முஸ்லிம்களால் தொடர்ச்சியாக எதிர்க்கப்பட்டு வரும் தாய் நாட்டை ஹிந்துக்கள் வணங்கும் தெய்வமாக உருவகப்படுத்தும் வந்தே மாதரம் பாடலை முஸ்லிம்கள் பாட மறுப்பது அரசியல் சாசன சட்டம் அளித்துள்ள உரிமை. உச்ச நீதிமன்றமும் வந்தே மாதரம் பாடலை பாடுவது கட்டாயமல்ல என தீர்ப்பு வழங்கியுள்ளது.

இந்நிலையில் மதச்சார்பற்ற நாட்டில் ஒரு மத வழிப்பாட்டு பாடலை சிறுபான்மை மதத்தினர் மீது திணிக்க நினைப்பது அப்பட்டமான மதவெறி சூழ்ச்சியாகும். சமஸ்கிருதத்தில் எழுதப்பட்ட வந்தே மாதரம் பாடலை தமிழுணர்வாளர்கள் மிகுந்த தமிழ்நாட்டில் தமிழறிஞர் கலைஞர் ஆட்சியில் தமிழ்ப்பாட புத்தகங்களில் அச்சிட்டு வருவது வேதனைக்குரியது.

தமிழக அரசின் பாட புத்தகங்களில் தேச பக்தி பாடல் என்று தலைப்பிட்டு வெளியிடப்படும் வந்தே மாதரம் பாடலை உடனடியாக நீக்க வேண்டும் என்று தமுமுக மாணவரணி கோருகிறது. வரக்கூடிய கல்வி ஆண்டில் இப்பாடல் அச்சிடப்பட்ட புத்தகங்கள் வெளியிடப்பட்டால் மாணவர்களை திரட்டி போராட்டங்கள் நடத்த மாணவரணி தயங்காது என்பதையும் தெரிவித்துக்கொள்கிறது.

பெரம்பலூரில் தமுமுக மாணவரணியின் பண்பொழுக்க பயிற்ச்சி முகாம்

2009-10-08T22:48:00.005+05:30

தமுமுக மாணவரணி சார்பாக பெரம்பலூர் மாவட்ட மாணவர்களுக்கான பண்பொழுக்க பெரம்பலூர் பயிற்சி முகாம் பெரம்பலூர் ஜே.கே மஹாலில் 28.10.09திங்களன்று நடைபெற்றது. இம்முகாமிற்கு மாவட்ட மாணவரணி செயலாளர் இல்யாஸ் தலைமை வகித்தார். மாநில மாணவரணி செயலாளர் வழக்கறிஞர் ஜைனுல் ஆபிதீன், விடுதலை சிறுத்தைகள் அமைப்பின் வழக்கறிஞர் பேரா. முருகையன், அப்துல் காதிர் நூரி, அச்சிறுபாக்கம் ஷாஜஹான், பெரம்பலூர் மாவட்ட செயலாளர் தாஹிர் பாட்சா ஆகியோர் மாணவர்களுக்கு பல்வேறு தலைப்புகளில் வகுப்பெடுத்தனர். இம்முகாமில் 60க்கும் மேற்பட்ட மாணவர்கள் கலந்து கொண்டு பலன் பெற்றனர். மாவட்ட செயலாளர் தாஹிர், மாவட்ட தலைவர் பாபு, துணை செயலாளர் ஜீலானி, ஜஹாங்கீர் மற்றும் நிர்வாகிகள் முகாமிற்கான ஏற்பாடுகளை சிறப்பாக செய்திருந்தனர்.

விபச்சாரிகளுக்கு புர்காவா ? காவல்துறைக்கு கண்டனம் ?

2009-10-05T09:13:00.003+05:30

பர்தாவுடன் ஆஜரான பஜாரிகள்

விபச்சாரிகளுக்கு புர்கா அணிவித்து முஸ்லிம் பெண்களை இழிவு படுத்தும் காவல்துறையின் போக்கைக் கண்டித்து காவல்துறை ஆணையரிடம் தமுமுக மனு
(தமுமுக மாநிலச் செயலாளர் பேரா.ஜெ.ஹாஜா கனி வெளியிடும் பத்திரிக்கை அறிக்கை:)

விபச்சார வழக்கில் கைது செய்யப்பட்ட நடிகை புவனேஸ்வரி மற்றும் சில விபச்சாரப் பெண்கள், முஸ்லிம் பெண்கள் கண்ணியத்துடன் அணிகின்ற புர்காவை அணிந்த நிலையில் நீதிமன்றத்தில் ஆஜர்படுத்தப்படும் படங்கள் பத்திரிக்கைகளில் வெளியாகி உள்ளன. மேலும், விபச்சார வழக்கில் கைதாகும் கழிசடைப் பெண்களுக்கு முஸ்லிம் பெண்களுக்கே உரிய கண்ணியமான புர்காவை அணிவித்து, அழைத்து வரும் கயமைத்தனம் தொடர்ந்து நடைபெற்று வருகிறது. இது பத்திரிக்கைகளிலும் வெளிவருகிறது.

இதனால் முஸ்லிம் சமுதாயப் பெண்கள் பெரும் மன உளைச்சலுக்கும், வேதனைக்கும் உள்ளாகியுள்ளனர். புர்கா அணிந்து செல்லும் பெண்கள் கேலி செய்யப்படும் வாய்ப்பும் இதனால் உருவாகியுள்ளது. விபச்சாரிகளுக்கு புர்கா அணிவிக்கும் தரங்கெட்ட செயலைத் தடுத்து நிறுத்துமாறு தமிழக முதல்வருக்கும், தமுமுக தலைவர் பேரா. டாக்டர் எம்.ஹெச்.ஜவாஹிருல்லாஹ் கடிதம் எழுதியுள்ளார் சென்னை மாநகர காவல்துறை ஆணையரிடம் தமுமுக மாநிலச் செயலாளர் , பி.எஸ்.ஷாகுல் ஹமீத், வடசென்னை மாவட்ட செயலாளர் ஏ.செய்யது அபூதாஹிர் ஆகியோர் தமுமுக சார்பில் புகார் மனு அளித்துள்ளனர்.

கேரளாவில் மருத்துவக் கல்லூரி நுழைவுத் தேர்வில் முஸ்லிம் மாணவர்கள் சாதனை !

2009-09-10T21:53:00.003+05:30

கேரளாவில் மருத்துவக் கல்லூரி நுழைவுத் தேர்வில் முஸ்லிம் மாணவர்கள் குறிப்பிடத்தக்க சாதனையை நிகழ்த்தியுள்ளனர்.1000 ரேங்குகளில் டாப் ரேங்குகளை பிடித்தவர்களில் 25 சதவீதத்தினர் முஸ்லிம் மாணவர்கள் என்பது குறிப்பிடத்தக்கது. 254 முஸ்லிம் மாணவர்களில் 24 முஸ்லிம் மாணவர்கள் முதல் 100 இடங்களுக்குள் இடம் பெற்றுள்ளனர். முதல் 500 இடங் களில் 131 முஸ்லிம் மாணவர்கள் இடம்பெற்றுள்ளனர் என்பது திருப்தி மிகுந்த செய்தியாகும்.

சமீபகால வரலாற்றில் இது மிகவும் குறிப்பிடத்தக்க நிகழ்வாகும். கல்வித் துறையில் கேரள முஸ்லிம் மாணவர்கள் குறிப்பாக மலப்புரம் முஸ்லிம் மாணவர்கள் சிறந்து விளங்கிவருவதாக கோழிக் கோடு ஃபரூக் கல்லூரியின் முன்னாள் முதல்வர் பேராசியர் யு.முஹம்மது தெரிவித்தார்.27 சதவீத முஸ்லிம் மக்களில் கல்வி முன்னேற்றம் 10 சதவீதம் என்ற அளவில் இருந்தது. தற்போது விழிப்புணர்வு ஏற்பட்டிருக்கிறது. பயிற்சி வகுப்புகள் அதிகரித்திருப்பதும் ஸ்காலர்ஷிப்புகள் அதிக அளவு பெருகிவருவதும் இந்த மாற்றத்திற்கான காரணமாக இருக்கலாம் என்றும் கருதப்படுகிறது. இரண்டு மூன்று ஆண்டுகளில் இது ஒரு குறிப்பிடத்தக்க மாற்றம் என்றும் பேரா.முஹம்மது குறிப்பிடுகிறார்.

மலபார் பகுதி மாணவர்கள் இவ்வாண்டு மருத்துவம் மற்றும் பொறியியல் நுழைவுத் தேர்வுகளில் முன்னிலை வகிக்கின்றனர். கோழிக்கோடு மாவட்ட முஸ்லிம் மாணவர்கள் பொறியியல் நுழைவுத் தேர்வுகளில் முதலிடத்தையும், மருத்துவத்தில் நுழைவுத் தேர்வுகளில் இரண்டாமிடத்தையும் பெற்றுள்ளனர்.மருத்துவ நுழைவுத் தேர்வில் டாப் 1000 ரேங்குகள் பெற்றவர்களில் 146 முஸ்லிம் மாணவர்கள் கோழிக்கோடு மாவட்டத்தைச் சேர்ந்தவர்கள். பொறியியல் நுழைவுத்தேர்வுகளில் டாப் 1000 ரேங்குகளில் 134 இடங்களை கோழிக்கோடு மாவட்டத்தைச் சேர்ந்த முஸ்லிம் மாணவர்கள் இடம்பெற்றனர்.

மாநில அளவில் மருத்துவ நுழைவுத் தேர்வில் டாப் 1000 ரேங்குகளில் மலப்புரம் மாவட்டத்தைச் சேர்ந்த 138 முஸ்லிம் மாணவர்கள் ரேங்க் பெற்றனர். பொறியியல் நுழைவுத் தேர்வில் டாப் 1000 ரேங்குகளில் 110 இடங்களை மலப்புரம் முஸ்லிம் மாணவர்கள் பெற்றுள்ளனர்.இது நிச்சயம் பாராட்டி ஊக்கப்படுத் தப்பட வேண்டிய ஒன்று என யூனிட்டி ஃபார் சோஷியல் டெவலப்மென்ட்டின் பொதுச் செயலாளர் பரீது பாவாகான் தெரிவித்தார்.

முஸ்லிம் சிறைவாசிகளை விடுதலை செய்க! தமுமுக மாணவரணி சார்பில் தமிழக முதல்வருக்கு தந்தி மற்றும் அஞ்சலட்டை மூலம் கோரிக்கை மனு.

2009-09-10T21:14:00.003+05:30

தமிழக அரசே !

வரும் அண்ணா பிறந்த நாளன்று 10 ஆண்டுகள் சிறை தண்டனை முடித்த முஸ்லிம் ஆயுள் சிறை கைதிகளை மற்ற சிறை கைதிகளை விடுதலை செய்வது போல் பாரபட்சம் இல்லாமல் விடுதலை செய்க!

விசாரணை சிறைவாசிகளாய் 10 ஆண்டுகளுக்கு மேல் வாடி வரும் முஸ்லிம் சிறைவாசிகளை உடனடியாக பிணையில் விடுதலை செய்க!

இவண்.
த.மு.மு.க மாணவரணி.

மேற்கண்ட வாசகங்கள் அடங்கிய அஞ்சலட்டைகள் மற்றும் தந்திகளை கீழ்க்கண்ட முகவரிக்கு அனுப்புமாறு மாணவரணி தோழர்கள் மற்றும் பொதுமக்களை கேட்டு கொள்கிறோம்.
மாண்புமிகு தமிழக முதல்வர்
தலைமைச் செயலகம்
சென்னை .9

தமுமுக மாணவரணி சார்பில் காஷ்மீர் புத்தக வெளியீட்டு விழா

2009-09-03T22:12:00.002+05:30

காஷ்மீர் பிரச்சினை பற்றிப் பேசினாலே அது பாகிஸ்தானுக்கு ஆதரவான தேசவிரோதச் செயல் என்று கருதுவதை மத்திய ஆட்சியாளர்கள் மாற்றிக் கொண்டுள்ள வேண்டும் என்று சென்னையில் நடைபெற்ற 'காஷ்மீர்: என்ன நடக்கிறது அங்கே?'' என்ற புத்தக வெளியீட்டு விழா நிகழ்ச்சியில் வலியுறுத்தப்பட்டது.

பேராசிரியர் அ. மார்க்ஸ் குழுவினர், காஷ்மீருக்கு நேரில் சென்று, அந்த மக்களோடு உரையாடி, பல்வேறு தகவல்களை சேகரித்தனர். அந்தத் தகவல்களின் அடிப்படையில் ''காஷ்மீர்: என்ன நடக்கிறது அங்கே?'' என்ற தலைப்பில் மக்கள் உரிமையில் தொடர் கட்டுரை வெளிவந்தது. இதனை புத்தகமாக வடிவமைத்து வெளியிடப்பட்டது. இதனை தமிழ்நாடு முஸ்லிம் முன்னேற்றக் கழகத்தின் மாணவரணி சார்பாக சென்னையில் ஆகஸ்ட் 19 அன்று வெளியிடப்பட்டது.

புத்தகத்தை வெளியிட்டு பேசிய தமுமுக தலைவர் பேராசிரியர் எம்.ஹெச். ஜவாஹிருல்லாஹ், ''ஜவஹர்லால் நேரு இயல்பு நிலை திரும்பியபின் காஷ்மீர் மக்களின் கருத்தறிய 'வாக்கெடுப்பு' நடத்தப்படும் என்று அளித்த வாக்குறுதி நிறைவேற்றப்படவில்லை. இதுபோன்ற ஜனநாயக மீறல்கள்தான் அங்கே தீவிரவாதம் தலைதூக்குவதற்குக் காரணமாக அமைந்தன'' என்றார்.

ஏற்புரை வழங்கிய அ. மார்க்ஸ், ''இந்திய அரசு காஷ்மீர் பிரச்சினையாகப் பார்க்காமல், மக்கள் பிரச்சினையாகப் பார்க்க வேண்டும். ஆயுதப் போராட்டங் களின் நோக்கம் உன்னதமாக இருந்தாலும், அதன் சுமை எளிய மக்களின் மேல்தான் விழுகிறது. உலகம் முழுவதும் ஆயுதப் போராட்டங்கள் கைவிடப்பட்டு வருகின்றனர், அல்லது முறியடிக்கப்பட்டு வருகின்றனர். இந்தப் பின்னணியில் காஷ்மீரில் அரசியல் தீர்வுக்கு முன்வருகிற சக்திகளோடு பேச அரசு தயாராக இருக்க வேண்டும். அதற்கு முதல் தேவையாக ராணுவம் திரும்பப் பெறப்பட வேண்டும், சிறப்பு ஆயுதச் சட்டம் விலக்கிக் கொள்ளப்பட வேண்டும்'' என்றார்.

தமுமுக மாணவரணி செயலாளர் எம்.ஜைனுல் ஆபிதீன் தலைமையில் நடந்த இந்த நிகழ்ச்சியில் ம.ம.க. பொதுச் செயலாளர் ப.அப்துல் சமது, தமுமுக மாநிலச் செயலாளர் ஜெ. ஹாஜாகனி, மக்கள் உரிமைக் கூட்டமைப்பின் சுகுமாரன் உள் ளிட்ட ஏராளமானோர் கலந்து கொண்டனர்.

நன்றி- தீக்கதிர்

தமுமுக தலைமையகத்தில் சுதந்திர தின கொடி ஏற்றும் நிகழ்ச்சி

2009-08-19T13:03:00.005+05:30

63வது சுதந்திதர தினத்தை முன்னிட்டு தமுமுக தலைமையகத்தில் மனிதநேய மக்கள் கட்சியின் பொதுச் செயலாளர் அப்துல் சமது கொடியேற்றினார். இதில் தமுமுக தொண்டரணிச் செயலாளர் முகம்மது ரபி, தென் சென்னை, வட சென்னை மாவட்ட பகுதி, வட்ட நிர்வாகிகள் தலைமைக் கழக ஊழியர்கள், மக்கள் உரிமை ஊழியர்கள் ஆகியோர் கலந்து கொண்டனர்.இதே போல் தமிழகமெங்கும் தமுமுக மற்றும் மமக சார்பில் கொடி ஏற்றும் நிகழ்ச்சிகளும் இரத்த தான முகாம்களும் நடைபெற்றன.

ஏழை மாணவர்களின் வாழ்வு வளம் பெற உதவுங்கள்.

2009-06-24T23:03:00.004+05:30

தமிழகத்தில் பிளஸ்-2 மற்றும் 10ம் வகுப்பு தேர்வு முடிவுகள் வெளிவந்து விட்டன. பிளஸ்லி2வில் மாநில அளவில் முஸ்லிம் மாணவிகள் பலர் முதலிடம் பெற்றுள்ளனர். மாணவர்கள் முதலிடம் பெறவில்லையெனினும் அதிக மதிப் பெண்கள் பெற்று தேர்ச்சியடைந்துள்ள னர். முஸ்லிம் மாணவர்கள் பலரும் பி.இ., எம்.பி.பி.எஸ்., டிப்ளோமோ மற்றும் இதர படிப்புகளில் சேர்வதற்கு ஆர்வமாக உள்ளனர். சமுதாயத்தில் கல்வியின் அவசியம் உணரப் பட்டுள்ளதால் கல்வி கற்க விரும்பும் மாணவர்களின் எண் ணிக்கை அதிகரித்துள்ளது. ஆனால் லாபத்தை மட்டுமே நோக்கமாக கொண்ட கல்வி வியாபாரிகளாலும், அரசின் கண்டு கொள்ளாத போக்கி னாலும் ஏழை மாணவர்கள் கல்வி பயில முடியாத சூழ்நிலை ஏற்பட்டுள்ளது.

ஆயிரத்துக்கும் மேற்பட்ட மதிப்பெண்கள் பெற்ற மாணவர்கள் கூட பொறியியல் படிப்புக்கு அரசு நிர்ணயித்திருக்கும் கல்விக் கட்டணத்தை கட்டுவதற்கு வழியில்லாமல் கலைக் கல்லூரிகளிலும் கூட கூட சேர முடியாத அவலம் உருவாகியுள்ளது.சிறுபான்மை என்ற பெயரால் பொறியியல் கல்லூரிகள் நடத்தும் முஸ்லிம் தனவந்தர்கள் பெயருக்கு சில மாணவர்களுக்கு சலுகை அளித்து விட்டு நன்கொடை என்ற பெயரில் பெரும் கொள்ளை அடித்து வருகின்றனர்.

தமிழகத்தில் முஸ்லிம்கள் அரசு ஆதரவுடன் நடத்தும் சில கலைக் கல்லூரிகள் முஸ்லிம் மாணவர்களுக்கு சலுகை காட்டு கின்றன. ஆனால் பொறியியல் மற்றும் இதர கல்வி நிறு வனங்கள் பணம் ஒன்றையே குறிக் கோளாக செயல்பட்டு வருகின்றன.
இதனால் மதிப்பெண் பெற்றும் வசதியில்லாத மாணவர்கள் படும் பாடு சொல்லிமாளாது. எப்படியாவது அலைந்து திரிந்து முதல் வருட கட்டணத்தை கட்டி விட்டு அடுத்தடுத்த வருட கல்வி கட்டணங்களை கட்ட முடியாமல் படிப்பை பாதியில் விட்ட மாணவர்கள் பல பேர் உள்ளனர்.

பணமில்லாததால் தகுதியிருந்தும் கல்வியை இழக்கக் கூடிய இளைய சமுதாயம் பெருகினால் அது சமுதாயத்துக்கு மட்டுமல்ல, நாட்டுக்கே இழுக்கு. சில சமயம் நாட்டுக்கே கேடாகவும் மாறலாம். எனவே நல்லுள்ளம் கொண்ட சகோதரர்கள், வசதி படைத்தவர்கள் கல்விக்காக உங்கள் நிதிகளை வாரி வழங்குங்கள், தகுதியான மாணவர்களுக்கு உங்கள் நிதிகள் பகிர்ந்தளிக்கப் படும்.கடந்த பல வருடங்களாக கல்வி உதவிகளை வழங்கி வரும் தமுமுகவுக்கு உங்கள் நன்கொடைகளை அனுப்பி ஏழை மாணவர்களின் வாழ்வு வளம் பெற உதவுங்கள்.
தமுமுக தலைமையகம்
7. வடமரைக்காயர் தெரு,
மண்ணடி,சென்னை.

கல்விக்கு கை கொடுப்போம்

2009-06-12T12:43:00.004+05:30

நமது மாணவ மாணவிகள் பலர் பத்தாம் வகுப்பு மற்றும் வகுப்புகளில் நல்ல மதிபெண்கள் பெற்றும் பொருளாதார பிரச்சினையால் மேற்படிப்பு படிக்க முடியாமல் தவித்து வருகின்றனர்.சிறுபான்மை அரசு உதவி பெரும் கலை கல்லுரிகளில் மட்டுமே ஏழை முஸ்லிம் மாணவர்கள் பயில்வதற்கு பிரச்னை இல்லை.மற்றபடி பொறியியல் மற்றும் ப்ரொபசனல் கோர்ஸ் களில் சேர்வதற்கு பெரும் சிரமபடுகின்றனர். அரசு ஒதுக்கீட்டில் இடம் கிடைத்தாலும் கல்வி கட்டணம் அதிகமாக உள்ளதால் பொறியியல் மற்றும் பாலிடெக்னிக் கல்லூரிகளில் சேர முடியாமல் தவித்து வருகின்றனர்.எனவே நல்லுள்ளம் கொண்ட சமுதாய சிந்தனையாளர்கள் உங்கள் உதவிகள் ஏழை மாணவர்களுக்கு அளிக்க கோரி தமுமுக மாணவரணி கோருகிறது.

தொடர்புக்கு :

காஞ்சி ஜைனுல் ஆபிதீன் எம்.ஏ.பி.எல், தமுமுக மாணவரணி செயலாளர்
செல் எண் 99942 92932

உங்கள் கல்வி உதவிகளை தமுமுக தலைமையகத்துக்கும் அனுப்பலாம்.
தொடர்பு முகவரி
தமுமுக
7 வடமரைக்காயர் தெரு.மன்னடி .சென்னை.600001

மனிதநேய மக்கள் கட்சிக்கு புதிய இணைதளம்

2009-06-12T12:40:00.001+05:30

மனிதநேய மக்கள் கட்சியின் இணைதளத்தை (www.mmkindia.com) இன்று மனிதநேய மக்கள் கட்சியின் பொதுச் செயலாளர் பி. அப்துல் சமது துவக்கி வைத்தார். இந்த இணையதளத்தில் தேர்தல் செய்திகள், படங்கள், வீடியோக்கள், அறிக்கைகள் ஆகியவற்றை உடனுக்குடன் அப்டேட் செய்யப்பட்டு வருகின்றது. அப்போது மனிதநேய மக்கள் கட்சியின் ஊடகப் பொறுப்பாளர் ஜைனுல் ஆபிதீன், மக்கள் உரிமை பொறுப்பாசிரியர் அபூசாலிஹ், தமுமுக மாணவரணி துணைச் செயலாளர் மாலிக் மற்றும் அலாவுதீன் ஆகியோர் உடன் இருந்தனர். இணையதளத்தை ராமேஸ்வரம் ராஃபி நிர்வகித்து வருகிறார்.

ஊடகங்களை வெல்லுவோம் வாருங்கள்!

2009-06-12T12:37:00.001+05:30

-புகாரியின் புதல்வன்
இன்று இன்பர்மேஷன் டெக்னாலஜி என்று சொல்லப்படக்கூடிய ஐ.டி துறைக்கு நிகராக வருமானத்தை அளிக்கக் கூடிய துறையாக மீடியா துறை இருந்து வருகிறது. ஆனால் இன்றைய அமெரிக்கா பொருளாதார வீழ்ச்சிக்கு பின்னர் உலகளவிலும் ஐ.டி துறை பின்ன டைவு அடைந்திருப்பதையும், பிரபல மான ஐ.டி நிறுவனங்களே தங்களின் ஊழியர்களை அன்றாடம் வெளியே அனுப்பி வருகிறது. ஆனால் அதற்கு பகரமாக ஊடகத்துறையின் வளர்ச்சி ராக்கெட் வேகத்தில் சென்று கொண்டிருக்கின்றது.இந்த ஊடகத்துறையின் தொடர்பாக முதலில் என்னென்ன கல்விகள் தமிழகத்தில் இருந்து வருகின்றது என்று பார்க்கலாம்.

விஷுவல் கம்யூனிகேசன், ஜெர்னலிசம், எலக்ட்ரானிக்ஸ் மீடியா, மாஸ் மீடியா அண்ட் கம்யூனிகேசன்ஸ் ஆகிய படிப்புகளை தமிழ கத்தில் பல்வேறு பல் கலைக் கழகங்கள் மற்றும் சுயநிதி கல்லூரிகளில் பயிற்று விக்கப்பட்டு வருகின்றன.

விஷுவல் கம்யூனி கேஷன்ஸ் மற்றும் எலக்ட்ரானிக்ஸ் மீடியா ஆகிய இரண்டு படிப்பு களும் பி.எஸ்.சி., மற்றும் எம்.எஸ்.சி படிப்புகளாக வழங்கப்பட்டு வருகின்றன. பி.எஸ்.சி படிப்பதற்கு பிளஸ் டூவில் எந்த குருப் படித்தவர்களும் இதில் சேரலாம். அது போலவே இளநிலை பட்டம் முடித்தவர்கள் யார் வேண்டுமானாலும் எம்.எஸ்.சி விஸ்காம் மற்றும் எலக்ட்ரானிக்ஸ் மீடியாவைப் படிக்கலாம்.

இந்த விஸ்காம் மற்றும் எலக்ட்ரானிக்ஸ் மீடியா படிப்புகளில் இணை யதள வடிவமைப்பு, தொலைக்காட்சி நிகழ்ச்சி தயாரிப்பு, மல்டி மீடியா, அனிமினேஷன் ஆகியவை பாடத்திட்டங் களாகும். இதனை படித்து முடித்து விட்டால் தொலைக்காட்சிகள், வானொலிகள், விளம்பர தயாரிப்பு நிறுவனங்கள் மட்டுமில்லாமல் பல்வேறு அனைத்து ஊடகங்களிலும் நுழைவதற்கு இந்த படிப்புகள் ஒரு விசிடிங் கார்டு போன்று ஆகும். இதனைப் படித்து விட்டு வேலையில் சேர்பவர் களுக்கு ஆரம்ப நிலை சம்பளமே குறைந்தது ரூ.10,000க்கு மேல் கிடைக் கும். மேலும் வளைகுடா நாடுகளில் இந்த படிப்பு களுக்கு மவுசு அதிகமாக உள்ளது. ஊதியமும் மாதத்திற்கு லகரங்களில் கிடைக்கும்.

ஜெர்னலிசம் மற்றும் மாஸ் கம்யூனிகேஷன் படிப்புகளைப் பொறுத்த மட்டிலும் பத்திரிக்கை துறையில் நுழைய விரும்புபவர்கள் இதனை தேர்ந் தெடுக்கலாம். ஆரம்ப நிலை ஊதியமாக குறைந்தது ரூ.7,000 கிடைக்கும். இதுவே ஆங்கில ஊடகங்களாயின் ஆரம்ப நிலை ஊதியமே ரூ. 20,000க்கு குறையாது.மேற்கண்ட ஊடகப் படிப்புகளை தேர்ந்தெடுத்து படிக்க விரும்புபவர்கள் ஏதேனும் ஒருதுறையை முன்னரே தேர்ந்தெடுத்து அதில் சிறப்பு பயிற்சி பெறுவதே நன்று. படிக்கும் போதே பகுதி நேரம் வேலையை தேர்ந்தெடுக்கும் வசதியும் இந்தப் படிப்புகளில் உண்டு.

இந்த படிப்பினை வழங்கும் கல்வி நிறுவனங்கள்..

1) புதுக்கல்லூரி, சென்னை2) லயோலோ கல்லூரி, சென்னை3) சதக் கல்லூரி, சென்னை4) அண்ணா பல்கலைக் கழகம்5) சென்னை பல்கலைக் கழகம்6) காமராஜர் பல்கலைக் கழகம்7) ஏசியன் இன்ஸ்டிடியூட் ஆஃப் ஜெர்னலிசம், சென்னை

வழக்கறிஞராக வேண்டுமா?

2009-06-12T12:32:00.002+05:30

சமூகத்தில் நடக்கும் அநீதிகளைத் தட்டிக் கேட்கவும், மனித உரிமைகளைக் காத்திடவும் துடிப்புள்ள வழக்கறிஞராக ஆசையா? உங்களுக்கு உதவ தமுமுக மாணவரணி தயாராக இருக்கிறது.சட்டக் கல்வி பயில விரும்பும் மாணவர்களுக்கு ஆலோசனையும், தகுதியுள்ள ஏழை மாணவர்களுக்கு கடந்த மூன்று ஆண்டுகளாக கல்விக் கட்டணமும் இலவசமாய் வழங்கப்பட்டு வருகின்றன.
தொடர்புக்கு :
காஞ்சி மு. ஜைனுல் ஆபிதீன். M.A.,B.L
(மாநில மாணவரணி செயலாளர்)
செல் - 99942 92932

டிசம்பர் 6ல் ரயில் மறியல் போராட்டம் ஏன்? தமுமுக மாணவரனியின் தமிழகம் தழுவிய பிரச்சர இயக்கம்

2008-12-02T13:50:00.004+05:30

1992, டிசம்பர் 6ல் அயோத்தியில் சங்பரிவார சக்திகளால் தரைமட்டமாக்கப்பட்ட பாபர் மஸ்ஜித் நிலத்தை மீண்டும் முஸ்லிம்களிடம் ஒப்படைக்க கோரி 1995 முதல் பல்வேறு ஜனநாயக போராட்டங்களை தமுமுக நடத்தி வருகிறது. வரும் டிசம்பர் 6 அன்று தமிழ்நாடு முஸ்லிம் முன்னேற்ற கழகம்,

பாப்ரி மஸ்ஜித் நிலத்தை முஸ்லிம்களிடம் ஒப்படைக்க வேண்டும்.

பாப்ரி மஸ்ஜித் இடிப்பு குற்றவாளிகளான அத்வானி, உமாபாரதி, அசோக் சிங்கால் போன்ற குற்றவாளிகளை கைது செய்ய வேண்டும்.

மாலேகான் மற்றும் நாட்டில் நடைபெற்ற பல்வேறு குண்டு வெடிப்புகளுக்கு காரணமான சங்பரிவார் குற்றவாளிகளை கைது செய்ய வேண்டும்.
என்ற கோரிக்கைகளை வலியுறுத்தி தமிழகம் முழுவதும் ரயில் மறியல் போராட்டங்களை நடத்த இருக்கிறது. இப்போராட்டத்தை மக்கள் போராட்டமாக, எழுச்சி மிகுந்த போராட்டமாக தமுமுக மாணவரணி சார்பில் தமிழகம் தழுவிய பிரச்சார இயக்கம் நடத்தப்பட்டு வருகிறது.
டிசம்பர் 6ல் மற்றும் கழக பேச்சாளர்கள் கலந்து கொள்ளும் இக் கூட்டங்கள் தெரு முனை பிரச்சார கூட்டக்களா நடைபெற்று வருகின்றன.

கலந்துக் கொள்ளும் பேச்சாளர்கள்

காஞ்சி ஜைனுல் ஆபிதீன், மாயவரம் அமீன், முத்துப்பேட்டை மாலிக், வட சென்னை ஜமால், அமீன் அஹ்மத், திருச்சி காஜா, கோவை அசார், புளியங்குடி இஸ்மாயில் ஷேக் மைதீன், ராம்நாட் பாதுஷா, ஆஷிக், அஜீஸ் கோபி முஹம்மது அலி மற்றும் கழக பேச்சாளர்கள்.

ராயபுரம், பூங்கா நகர், பெரம்பூர், ஆர்.கே.நகர், புதுப்பேட்டை, ஆயிரம் விளக்கு, பல்லாவரம் கன்டோண்மென்ட், வண்டலூர், அனகாபுத்தூர், பனையூர், விளம்பூர், ஆலந்தூர், காஞ்சிபுரம், கோவை, ராம்நாடு (வ) ராம்நாட் (தெ) வேலூர் இன்னும் பல்வேறு இடங்களில் பிரச்சாரத்திற்கு அழைக்க தொடர்பு கொள்க. 98416 78783, 9840115001

பள்ளிக்கூடத்தில் ஆர்.எஸ்.எஸ். பயங்கரவாத பயிற்சி!பொதுமக்கள் மீது கொலைவெறித் தாக்குதல்

2008-11-21T01:35:00.000+05:30

பள்ளிக்கூடத்தில் ஆர்.எஸ்.எஸ். பயங்கரவாத பயிற்சி!

பொதுமக்கள் மீது கொலைவெறித் தாக்குதல்

காஞ்சிபுரத்தை அடுத்த ஓரிக்கை கிராமத்தில் உள்ளது பாரதிதாசன் மெட்ரிகுலேஷன் பள்ளிக்கூடம். இந்தப் பள்ளியில் சுமார் 3500க்கும் மேற்பட்ட மாணவர்கள் படித்து வருகிறார்கள்.கடந்த நவம்பர் 8ம் தேதி இப்பள்ளிக்கு விடுமுறை நாள். ஆனால் 9ம் வகுப்பு முதல் 12ம் வகுப்பு படிக்கும் மாணவர் களுக்கு சிறப்பு வகுப்பு என்ற பெயரில் அழைக்கப்பட்டனர்.

சிறப்பு வகுப்பு நடத்துவதில் ஆர்வம் காட்டுவது போல தன்னை காட்டிக் கொண்ட பாரதிதாசன் மெட்ரிக் பள்ளி நிர்வாகிகள் அன்றைய தினம் பள்ளியில் ஆர்.எஸ்.எஸ். அமைப்பினர் கருத்தரங் கம் மற்றும் பயிற்சி முகாம் நடத்த அனுமதித்திருந்தனர்.

இந்த முகாமில் பங்கேற்க பல்வேறு ஊர்களில் இருந்தும் சுமார் 400க்கும் மேற் பட்ட ஆர்.எஸ்.எஸ்.காரர்கள் வந்திருந்தனர்.

பள்ளிக்கூடத்தில் ஆர்.எஸ்.எஸ். கருத்தரங்கம் மற்றும் பயிற்சி முகாமை நடத்த அப்பகுதியைச் சேர்ந்த தமுமுக, கம்யூனிஸ்ட் கட்சி, விடுதலைச் சிறுத்தை கள் கட்சி பிரமுகர்கள் எதிர்ப்பு தெரி வித்தனர்.

காலை 10 மணிக்கு ஆர்.எஸ்.எஸ். பயிற்சி முகாம் நடந்து கொண்டிருந்த பள்ளி முன்பு எதிர்ப்பாளர்கள் திரண்டனர். பள்ளி நிர்வாகி அருண்குமாரிடம் சென்று மத துவேஷத்தை வளர்க்கும் ஆர்.எஸ்.எஸ். பயிற்சி முகாம் நடத்த அனுமதித்தது தவறு. நீங்கள் எப்படி அவர்கள் பயிற்சி முகாமுக்கு அனுமதிக்கலாம் என்று வாக்குவாதத்தில் ஈடுபட்டனர்.

இதைத் தொடர்ந்து ஆர்.எஸ்.எஸ். முகாமில் பங்கெடுக்க வந்தவர்களில் ஒரு பிரிவினர், தமுமுக, கம்யூனிஸ்ட் கட்சி, விடுதலைச் சிறுத்தைகள் கட்சியினரை பயங்கர ஆயுதங்களால் கடுமையாகத் தாக்கினார்கள்.

இதில் தமுமுகவைச் சார்ந்த பாஷா, கம்யூனிஸ்ட் கட்சியைச் சேர்ந்த முத்துக் குமார், கமலநாதன், விடுதலைச் சிறுத்தை கள் கட்சியைச் சேர்ந்த டேவிட், நாராயணன், வெங்கடேசன் ஆகியோர் ஆர்.எஸ்.எஸ்.ஸின் கண்மூடித்தனமான தாக்குதலில் படுகாயம் அடைந்தனர்.

படுகாயம் அடைந்தவர்கள் அரசு மருத்துவமனையில் அனுமதிக்கப்பட்ட னர். இதில் பாஷா பாய் சென்னை அரசு மருத்துவமனையில் தீவிர சிகிச்சைப் பிரிவில் அனுமதிக்கப்பட்டுள்ளார். மேலும் நால்வர் காஞ்சிபுரம் அரசு மருத்துவமனை யில் தீவிர சிகிச்சைப் பிரிவில் அனுமதிக்கப் பட்டனர்.

ஆர்.எஸ்.எஸ். பயங்கரவாதிகளைக் கண்டித்து அப்பகுதி பொதுமக்கள் பள்ளி முன்பு திரண்டு, தாக்குதலைக் கண்டித்து கோஷங்கள் எழுப்பினர்.

இதனால் கோபம் அடைந்த ஆர்.எஸ்.எஸ். குண்டர்கள் நூற்றுக்கும் மேற்பட்டோர் பள்ளிக்கூடத்தில் இருந்து பயங்கர ஆயுதங்களுடன் வெளியே வந்து கோஷங்களை எழுப்பியவர்கள் மீது கடுமையானத் தாக்குதலை நடத்தினார் கள். இதனால் பொதுமக்கள் அங்குமிங் கும் சிதறி ஓடினார்கள். இதன்காரண மாக அப்பகுதி கலவர பூமியானது.

கலவரத்தைப் பார்த்த பள்ளியில் இருந்த மாணவர் மாணவிகள் அதிர்ச்சி யடைந்தனர். பள்ளியில் ஆர்.எஸ்.எஸ். காரர்களுக்கும் பொதுமக்களும் மத்தி யில் பெரும் மோதல் ஏற்பட்டது. அப் பகுதியே கலவரச் சூழலில் உள்ளது என அறிந்த மாணவர்களின் பெற்றோர்கள் பெரும் அதிர்ச்சி அடைந்தனர். அவர் களும் பள்ளிக்கூடம் முன்பு திரள ஆரம்பித்தனர்.

தாக்குதல் சம்பவத்தை அறிந்த காவல்துறை அதிகாரிகள் சம்பவ இடத்தை நேரில் பார்வையிட்டனர். இதையடுத்து போலீசார் பெருமளவில் குவிக்கப்பட்டனர்.

மாணவர்களின் பெற்றோரும் ஆர்.எஸ்.எஸ்.ஸின் பயிற்சி முகாமிற்கு பள்ளி நிர்வாகம் அனுமதி அளித்ததைக் கண்டித்தனர். காவல்துறை அதிகாரிக ளிடம் தமுமுகவினர், கம்யூனிஸ்ட் கட்சியினர், விடுதலை சிறுத்தைகள், மாணவர்களின் பெற்றோர் என அனை வரும் ஆர்.எஸ்.எஸ்.காரர்களை பள்ளி யில் இருந்து உடனே வெளியேற்ற வேண்டும், இல்லையென்றால் சட்டம் ஒழுங்கு சீர்குலைவுக்கு பள்ளி நிர்வாக மும் காவல்துறையும்தான் பொறுப்பேற்க வேண்டிவரும் என எச்சரித்தனர்.

இதையடுத்து காவல்துறை அதிகாரி கள் சமுத்திரக்கனி மற்றும் முனியப்பன், வருவாய் கோட்டாட்சியர் முருகைய்யா, தாசில்தார் நடராஜன், ஆய்வாளர் பாலு ஆகியோர் பள்ளி நிர்வாகிகளிடம், ஆர்.எஸ்.எஸ்.காரர்களை உடனே வெளி யேற்ற வேண்டும் என உத்தரவிட்டனர். இதையடுத்து ஆர்.எஸ்.எஸ்.காரர்கள் பள்ளியை விட்டு வெளியேற்றப்பட்டனர்.

ஆர்.எஸ்.எஸ். பயிற்சி முகாமுக்காக இடமளித்த பள்ளி நிர்வாகிகள் மீதும் வன்முறையில் ஈடுபட்டவர்கள் மீதும் நடவடிக்கை எடுக்க வேண்டும் என கம்யூனிஸ்ட் கட்சியைச் சார்ந்த கமல நாதன் காவல் நிலையத்தில் புகார் மனுவை அளித்தார். இதனை வலியுறுத்தி விடுதலைச் சிறுத்தைகள் சார்பில் மாவட் டச் செயலாளர் விடுதலை செழியன் தலைமையில் நடைபெற்ற ஆர்ப்பாட்டத் தில் வழக்கறிஞர் பார்வேந்தன் உட்பட ஏராளமான விடுதலை சிறுத்தைகள் கலந்து கொண்டனர்.

காஞ்சி மாவட்ட துணைச் செயலாளர் மீராசா தலைமையில் தமுமுகவினர் பள்ளி நிர்வாகத்திற்கு எதிராக கோஷம் எழுப்பியபடி பள்ளியை முற்றுகையிட்ட னர். நகரச் செயலாளர் தாஜுதீன், கம்யூனிஸ்ட் கட்சியின் முத்துக்குமார் உட்பட பலரும் இதில் பங்கேற்றனர்.

இந்த நிகழ்வுகளால் அப்பகுதியில் கடைகள் அடைக்கப்பட்டு பதற்றம் நிலவியது.

இதனிடையே பள்ளி நிர்வாகி அருண் குமார் உட்பட மூன்று பேர் கைது செய்யப் பட்டனர்.

பெரும் வன்முறையில் ஈடுபட்ட ஆர்.எஸ்.எஸ்.காரர்களில் 4 பேரை மட்டும் போலீசார் கைது செய்துள்ளனர்.

நாட்டில் அமைதியைக் குலைக்கும் சங் பரிவார் அமைப்புகளை ஊக்குவிக்கும் பள்ளிகளை காவல்துறை தீவிரமாகக் கண்காணிக்க வேண்டும், சம்பந்தப் பட்டவர்கள் மீது கடுமையான நடவடிக்கை எடுக்கவேண்டும் என்பதே மக்களின் விருப்பம்.

பெற்றோர்களே உஷார்...

இளம் பருவத்திலேயே மாணவர்களுக்கு மதச்சார்பற்ற கொள்கையையும் மனிதநேய சிந்தனையையும் வளர்க்க வேண்டிய பள்ளி நிர்வாகங்கள் மதத் துவேஷ கருத்துக்களையும், வன்முறையையும் வளர்த்து இந்த தேசத்தின் விடுதலைக்குப் போராடிய தேசத் தலைவர் மகாத்மா காந்தியை சுட்டுப் படுகொலை செய்த கோட்சே கூட்டம் இந்த நாட்டில் தனது செயல் பாடுகளால் மக்கள் விரோத, தேச நலனுக்கு எதிரான நடவடிக்கைகளில் ஈடுபட்டு மூன்று முறை தடை செய்யப் பட்ட இயக்கமான ஆர்.எஸ்.எஸ். ஸுக்கு ஆதரவாகவும், மாணவர்கள் மத்தியில் இவ்வியக்கத்தை அறிமுகப் படுத்தும் முயற்சியில் ஈடுபட்டும் வருகின்றனர். பெற்றோர்கள் மேற்படி நடவடிக்கைகளில் ஈடுபடும் பள்ளியைக் கண்காணித்து கல்வித் துறைக் கும், காவல்துறை அதிகாரிகளுக்கும் புகார்களை அனுப்ப வேண்டும்.

மாணவர் அணி இஃப்தார் நிகழ்ச்சிகள்

2008-11-04T22:25:00.000+05:30

கல்லூரி மாணவர்கள் மற்றும் இளை ஞர்களை ஒருங்கிணைத்து சமுதாய, மார்க்க விஷயங்கள் பற்றிய விழிப் புணர்வை ஊட்டும் கருத்துத் தளங்களாக இஃப்தார் நிகழ்ச்சிகளை மாணவர் அணி 3 ஆண்டுகளாக ஒருங்கிணைத்து வருகிறது. இந்த வருடமும் தமுமுக மாணவரணி சார்பில் தமிழகத்தின் பல்வேறு இடங்களில் இஃப்தார் நிகழ்ச்சிகள் நடைபெற்றன.
கோவையில் கல்லூரி மாணவர்கள் மட்டுமே கலந்துகொண்ட இஃப்தார் நிகழ்ச்சி 19.09.2008 அன்று சிங்கா நல்லூரில் நடைபெற்றது. மாணவரணி செயலாளர் ஜைனுல் ஆபிதீன் சிறப்புரை ஆற்றினார். நிகழ்ச்சிக்கு கோவை மாவட்ட மாணவர் அணி செயலாளர் அசாருதீன், மாணவ ஒருங்கிணைப் பாளர் ஷேக், இஸ்மாயில் ஆகியோர் சிறப்பான ஏற்பாடுகளை செய்திருந்தனர்.

ஈரோடு மாவட்ட மாணவர் அணி சார்பில் சத்திய மங்கலத்தில் 20.09.2008 இஃப்தார் நிகழ்ச்சி நடைபெற்றது. மாவட்ட தலைவர் சையத் அஹ்மத் பாரூக் தலைமை தாங்கினார். மாநில செயலாளர் ஜைனுல் ஆபிதீன், தலைமை கழக பேச்சாளர் சையத் அலி சிறப்புரை யாற்றினார். ஏராளமானோர் கலந்து கொண்ட இந்நிகழ்ச்சியை மாவட்ட மாணவரணி செயலாளர் இக்பால் சிறப்பாக ஒருங்கிணைத்தார்.

ஈரோடு மாவட்டம் கோபியில் மாணவரணி சார்பில் 21.09.2008 அன்று இஃப்தார் நிகழ்ச்சி நடைபெற்றது. ஏராளமான மாணவர்கள் கலந்து கொண்டனர். மாவட்ட மாணவரணி துணைச் செயலாளர் கோபி முஹம்மது அலி நிகழ்ச்சியை ஒருங்கிணைத்தார்.

17.09.2008 அன்று காஞ்சி மாவட்டம் மேடவாக்கம் காயிதே மில்லத் கல்லூரி யில் மாணவர் சந்திப்பு நடைபெற்றது. மாணவரணி செயலாளர் ஜைனுல் ஆபிதீன், பொருளாளர் மாயவரம் அமீன் கலந்து கொண்டு சிறப்புரையாற்றினர். அமானி நிகழ்ச்சியை ஒருங்கிணைத் தார்.
19.09.2008 அன்று நாகை (வ) மாவட்டம் ஆத்தூரில் நடைபெற்ற மாணவரணி இஃப்தார் நிகழ்ச்சியில் மாவட்ட மாணவரணி பொருளாளர் பாசித் உரையாற்றினார். 21.09.2008 அன்று நாகை (வ) மாவட்ட மாணவர் அணி சார்பாக ஆக்கூரில் இஃப்தார் நிகழ்ச்சி நடைபெற்றது. ஏராளமான மாணவர்கள் கலந்து கொண்ட இந் நிகழ்ச்சியை மாவட்ட மாணவரணி செயலாளர் அன்சாரி ஒருங்கிணைத்தார்.

சென்னையில் 26.09.2008 அன்று மாணவரணி சார்பாக செரியன் நகரில் இஃப்தார் நிகழ்ச்சி நடைபெற்றது. மாணவரணி செயலாளர் ஜைனுல் ஆபி தீன், மாநில உலமா அணி செயலாளர் மவ்லவி யூசுப் எஸ்.பி. ஆகியோர் உரையாற்றினர். வடசென்னை மாவட்ட ஜமால், அமீன் ஆகியோர் நிகழ்ச்சியை ஒருங்கிணைத்தனர்.

காஞ்சிபுரம் மாவட்டம் மாமல்ல புரத்தில் 19.09.2008 அன்று காஞ்சி மாவட்ட மாணவரணி சார்பில் இஃப்தார் நிகழ்ச்சி நடைபெற்றது. தமுமுக தலைவர் பேரா.இக்பால், பேரா.நாஸர்தீன், பேரா. ரபீக், பேரா.ஹாஜாகனி, மாணவரணி செயலாளர் ஜைனுல் ஆபிதீன் ஆகியோர் கலந்து கொண்டார்கள். இஃப்தாருக் கான ஏற்பாடுகளை மாயவரம் அமீன் தலைமையில் மாமல்லபுரம் கிளை நிர்வாகிகள் சிறப்பாக செய்திருந்தனர்.

நெல்லை மாவட்டம் புளியங்குடியில் நகர மாணவரணி சார்பில் 26.09.2008 அன்று இஃப்தார் நிகழ்ச்சி நடைபெற்றது. திரளான மாணவர்கள் கலந்து கொண்ட இந்நிகழ்ச்சியில் முன்னாள் மாணவரணி துணை செயலாளரும், நெல்லை மாவட்ட பொருளாளருமான சையது அலி உரை யாற்றினார். நகர மாணவரணி செயலாளர் அஷ்ரப் பிலால், சலீம் ராஜா ஆகியோர் நிகழ்ச்சிக்கான ஏற்பாடுகளை சிறப்பாக செய்திருந்தனர்.

திருச்சியில் 10.09.2008 அன்று திருச்சி மாவட்ட மாணவரணி சார்பில் இஃப்தார் நிகழ்ச்சி நடைபெற்றது. ஜமால் முஹம்மது கல்லூரி மற்றும் எம்.ஐ.இ.டி. கல்லூரி மாணவர்கள் உட்பட ஏராளமான மாணவர்கள் கலந்துகொண்டனர். புளியங்குடி சையது அலி சிறப்புரை யாற்றினார். மாவட்ட தலைவர் ஹக்கீம், செயலாளர் பாபு, பொருளாளர் பைஜ் ஆகியோர் முன்னிலை வகித்தனர். மாவட்ட நிர்வாகிகள் உதவியோடு சட்டக் கல்லூரி மாணவர் காஜா நிகழ்ச்சியை ஒருங்கிணைத்தார்.

மாணவர் ராஜா மஸ்தான் வழக்கு சி.பி.சி.ஐ.டி.க்கு மாற்றம்

2008-10-21T18:44:00.000+05:30

பரமக்குடியில் மாணவர் ராஜா மஸ்தான் மர்மமான முறையில் இறந்த வழக்கு பரமக்குடி காவல் நிலைய விசாரணையில் இருந்து சி.பி.சி.ஐ.டி.க்கு மாற்றி தமிழக முதல்வர் உத்தரவிட்டுள்ளார்.

பரமக்குடியில் 10 வகுப்புப் படித்துக் கொண்டிருந்த மாணவர் ராஜா மஸ்தான் கடந்த மாதம் மர்மமான முறையில் இறந்தார். ராஜா மஸ்தான் கொலைச் செய்யப்பட்டுள்ளார் என்று கூறி தமிழ்நாடு முஸ்லிம் முன்னேற்றக் கழகம் உட்பட பல முஸ்லிம் அமைப்புகள் தொடர் போராட்டங்களில் ஈடுபட்டன. பரமக்குடி காவல்துறை ஆய்வாளர் அழகு உண்மையான குற்றவாளிகளைக் காப் பாற்றும் வகையில் செயல்பட்டு வந்தார். இச்சூழலில் தமிழக முதல்வருக்கு தமிழ் நாடு முஸ்லிம் முன்னேற்றக் கழகத்தின் தலைவர் பேராசிரியர் ஜவாஹிருல்லாஹ் எழுதிய கடிதத்தில் இந்த வழக்கை சி.பி.சி.ஐ.டி. காவல்துறைக்கு மாற்ற வேண்டும் என்று கோரியதுடன், உயர் அதிகாரிகளிடமும் இதனை வலியுறுத் தினார். இதனைத் தொடர்ந்து இந்த வழக்கு சி.பி.சி.ஐ.டி. காவல்துறைக்கு மாற்றி தமிழக முதல்வர் உத்தரவிட்டார்.

தமுமுக மீது களங்கம்: மன்னிப்பு கேட்டார் காதர் மைதீன்!

2008-10-14T13:06:00.002+05:30

பாசிச ஏடான `துக்ளக்’ வார இதழுக்கு முஸ்லிம் லீக் தலைவரும் வேலூர் பாராளுமன்ற உறுப்பினருமான கே.எம். காதர் மைதீன் பேட்டி ஒன்று அளித்திருந்தார். தமிழக முஸ்லிம்களின் மாபெரும் இயக்கமான தமுமுகவை தீவிரவாத இயக்கமான லஷ்கர்-இ-தொய்பாவுடன் ஒப்பிட்டு, காழ்ப்புணர்ச் சியுடன் கூடிய காதர் மைதீனின் நேர்காணல் 27.8.08 தேதியிட்ட இதழில் வெளியானது.

இது சமுதாயத்தில் மிகப்பெரிய அதிர்ச்சி அலையை உண்டாக்கியது.பல தரப்பிலிருந்தும் கண்டனக் குரல்கள் எழுந்தன.எனினும் தனது கருத்துக் களுக்கு காதர் மைதீன் விளக்கமோ, வருத்தமோ தெரிவிக்கவில்லை. எனவே தமுமுக சார்பில் வழக்கறிஞர்கள் காஞ்சி ஜைனுல் ஆபிதீன் (மாநில மாணவரணிச் செயலாளர்), கே.விஜயகுமார் ஆகியோர், தமுமுக பற்றிய கருத்துக்களுக்கு விளக்கம் அளிக்குமாறும் இல்லையேல் அவதூறு வழக்கு தொடரப்படும் என காதர் மைதீனுக்கு நோட்டீஸ் அனுப்பினர்.

இதையடுத்து காதர் மைதீன் தனது வழக்கறிஞர் மூலமாக கடிதம் ஒன்றை அனுப்பி இருந்தார். அதில், "நான் கூறிய கருத்துக்கள் தவறாக சித்தரிக்கப்பட்டுள்ளன. நான் எந்த நிலையிலும் தமுமுக குறித்து தவறாகக் கூறவில்லை, அப்படி ஏதேனும் கருத்துக்கள் தமுமுகவினரை பாதித்திருந்தால் அதற்காக நான் மிகவும் வருந்துகிறேன்’’ என்று அக்கடிதத்தில் குறிப்பிட்டுள்ளார்.

தனது கருத்துக்களுக்கு வருத்தம் தெரிவித்துள்ளதால் அவர் மீது தொடர இருந்த அவதூறு வழக்கு நிறுத்தப்பட்டது. எனினும் பொது ஊடகங்களில் பேட்டி அளிக்கும் சமுதாயத் தலைவர்கள் சகோதர அமைப்புகள் பற்றி கண்ணியத் துடன் பேச வேண்டும். நமது வார்த்தைகள் எதிரிகளுக்கு ஊக்கம் அளித்து விடக் கூடாது என்பதை உணர்ந்தால் சரி.

எழுச்சியுடன் நிறைவடைந்த மாணவரணி மண்டல பயிற்சி முகாம்கள்

2008-10-14T12:38:00.006+05:30

தமுமுக மாணவரணி சார்பில் ஜூன் மாதம் ஊட்டியில் நடைபெற்ற மாநில அளவிலான இரண்டு நாள் பயிற்சி முகாமைத் தொடர்ந்து தமிழகம் முழு வதும் மாவட்டங்களை ஆறு மண்டலங் களாகப் பிரித்து மண்டல பயிற்சி முகாம்களை நடத்த மாணவரணி சார்பில் முடிவெடுக்கப்பட்டது.

நாகை மண்டலம்

நாகை (வ), நாகை (தெ), காரைக்கால், திருவாரூர் மாவட்டங்களைச் சேர்ந்த மாணவர்கள் பங்குகொண்ட மாண வரணி மண்டலப் பயிற்சி முகாம் 27.07.2008 அன்று நாகை மாவட்டம் பொறையாரில் நடைபெற்றது. மாயவரம் அமீன் தலைமை யில் நடை பெற்ற இம்முகாமில் புளியங்குடி செய்யதலி, முத்துப்பேட்டை மாலிக், எஸ்.கே.எஸ். ஷமீம், புளியங்குடி ரிஃபாயி, வட சென்னை ஜமால் ஆகியோர் உரையாற்றி னர். திரளான மாணவர்கள் இம்முகாமில் பங்குகொண்டனர். நாகை மாவட்டத் தலைவர் ஆரிப், செயலாளர் ஜுபைர் ஆகியோர் சிறப்பு விருந்தினர் களாக கலந்து கொண்டனர்.

நெல்லை மண்டலம்

நெல்லை, தூத்துக்குடி, விருதுநகர், கன்னியாகுமரி ஆகிய மாவட்டங்களைச் சேர்ந்த மாணவர்கள் பங்குகொண்ட மண்டல முகாம் நெல்லை மாவட்டம் பாளையங்கோட்டையில் 3.8.08 அன்று நடைபெற்றது. மாயவரம் அமீன் தலை மையில் நடைபெற்ற இம்முகாமில் புளி யங்குடி செய்யது அலி, இஸ்மாயில், பாளை.ரபீக் ஆகியோர் உரையாற்றினர். நெல்லை மாவட்ட நிர்வாகிகள் சிறப்பு விருந்தினர்களாக கலந்து கொண்டு முகாமிற்கான ஏற்பாடுகளையும் செய்தனர்.

மதுரை மண்டலம்

மதுரை, இராம்நாடு (வ), இராம்நாடு (தெ), இராம்நாடு (ம), சிவகங்கை, தேனி மாவட்டங்களைச் சேர்ந்த மாணவர்கள் கலந்து கொணட மண்டல முகாம் மதுரையில் நடைபெற்றது. 10.8.08 அன்று நடைபெற்ற இம்முகாமிற்கு மாயவரம் அமீன் தலைமை தாங்கினார். புளியங்குடி செய்யதலி, ஜி.அத்தேஷ், அச்சிறுப்பாக்கம் ஷாஜஹான் ஆகியோர் உரையாற்றினர். மதுரை மாவட்ட நிர்வா கிகள் முகாமிற்கான ஏற்பாடுகளை சிறப்பாக செய்தனர்.

திருச்சி மண்டலம்

திருச்சி, தஞ்சை (வ), தஞ்சை (தெ), பெரம்பலூர் ஆகிய மாவட்டங்களைச் சேர்ந்த மாணவரணி மண்டல பயிற்சி முகாம் மாநில மாணவரணி செயலாளர் ஜைனுல் ஆபிதீன் தலைமையில் திருச்சி சிங்காரத் தோப்பு ஜெம் மஹாலில் 23.8.08 அன்று நடைபெற்றது. திருச்சி எம்.ஐ.ஈ.டி., ஜமால் முஹம்மது கல்லூரி மாணவர்களும் கலந்து கொண்ட இம் முகாமில் ஜி.அத்தேஷ், புளியங்குடி செய்யதலி, அச்சிறுபாக்கம் ஷாஜஹான் ஆகியோர் உரையாற்றினர். திருச்சி மாவட்டப் பொருளாளர் ஃபைஸ், முகா முக்கான ஏற்பாடுகளை சிறப்பான முறை யில் செய்திருந்தார். பெரம்பலூர் மற்றும் திருச்சி மாவட்ட மாநகர நிர்வாகிகள் சிறப்பு விருந்தினர்களாக கலந்து கொண் டனர்.

கோவை மண்டலம்

கோவை, நீலகிரி, ஈரோடு, சேலம் மாவட்டங் களைச் சேர்ந்த மாணவர் கள் கலந்து கொண்ட மாணவரணி மண்டலப் பயிற்சி முகாம் கோவை அல்அமீன் காலனி தமுமுக மர்கஸில் 24.8.08 அன்று நடைபெற்றது. மாநில மாணவரணி செயலாளர் ஜைனுல் ஆபிதீன் தலைமை யில் நடைபெற்ற இம்முகாமில் மாயவரம் அமீன், புளியங்குடி செய்யதலி, ஜி.அத் தேஷ், அச்சிறுபாக்கம் ஷாஜஹான் ஆகியோர் உரையாற்றினர். மாவட்டத் தலைவர் பஷீர், செயலாளர் ஷாஹுல் ஹமீத் மற்றும் கிளைக் கழக நிர்வாகிகள் சிறப்பு விருந்தினர்களாக பங்கேற்றனர். ஏராளமான மாணவர்கள் இம்முகாமில் கலந்து கொண்டனர்.

சென்னை மண்டலம்

வடசென்னை, தென்சென்னை, காஞ்சி, வேலூர், விழுப்புரம், தர்மபுரி, கிருஷ்ண கிரி மாவட்டங்களைச் சேர்ந்த மாணவர் கள் கலந்து கொண்ட மண்டல பயிற்சி முகாம் சென்னை ஆலந்தூர் இந்து பள்ளியில் 31.8.08 அன்று நடைபெற்றது. மாயவரம் அமீன் தலைமையில் நடை பெற்ற இம்முகாமில் மாநில மாணவரணி செயலாளர் ஜைனுல் ஆபிதீன், வட சென்னை ஜமால் ஆகியோர் உரை யாற்றினர். திரளான மாணவர்கள் கலந்து கொண்டனர். இம்முகாமுக்கான ஏற்பாடு களை ஆலந்தூர் நகர நிர்வாகிகள் சிறப் பாக செய்திருந்தனர். நகரத் தலைவர் பிலால், மாவட்ட துணைச் செயலாளர் அன்சார் ஆகியோர் சிறப்பு விருந்தினர் களாக கலந்து கொண்டனர்.

இம்முகாம்களின் மூலமாக பல்வேறு இளம் மாணவர்கள், இளைஞர்கள் சமுதாயத்தின் பிரச்சினைகள் - அதைத் தீர்க்கும் வழிமுறைகள், பத்திரிகைத் துறை மற்றும் இயக்கவாதிகளுக்கான செயல்பாடுகளை அறிந்து கொண்டனர். பல்வேறு தலைப்புகளில் விவாதங்களும், பட்டிமன்றங்களும் நடைபெற்றன. வட சென்னை ஜமால், அமீன், புளியங்குடி இஸ்மாயில், ஷேக், ஆயத்துல்லாஹ் போன்ற மாணவ பேச்சாளர்கள் இம் மண்டல முகாம்களில் பயிற்சி பெற்றனர். பத்திரிகையாளர்களாகவும், சமுதாயப் போராளிகளாகவும் உருவாக வேண்டும் என மாணவர்கள் பலர் விருப்பம் தெரி வித்தனர்.
மொத்தத்தில் தமுமுகவின் இளம் போராளிகளை தயார் செய்யும் களமாக இம்முகாம்கள் அமைந்தன என்றால் அது மிகையில்லை.

பரமக்குடி மாணவர் கொலை வழக்கை சி.பி.சி.ஐ.டி. விசாரணைக்கு உத்தரவிட வேண்டும்!தமிழக முதல்வருக்கு தமுமுக தலைவர் கடிதம்!!

2008-10-07T19:49:00.002+05:30

பரமக்குடி மாணவன் ராஜா மஸ்தான் கொலை வழக்கு தொடர்பாக தமிழ்நாடு முஸ்லிம் முன்னேற்றக் கழகத்தின் தலைவர் தமிழக முதல்வருக்கு பின்வரும் கடிதத்தை அனுப்பியுள்ளார்கள்.

பெறுநர்
மாண்புமிகு தமிழக முதல்வர்
டாக்டர் கலைஞர் அவர்கள்
தலைமைச் செயலகம்
சென்னை - 600 009.
மாண்புமிகு முதல்வர் அவர்களுக்கு,

பொருள்: இராமநாதபுரம் மாவட்டம் - எமனேஸ்வரம் மாணவன் படுகொலை - சி.பி.சி.ஐ.டி. விசாரணை கோரியும் ஆய்வாளர் அழகு மீது நடவடிக்கை எடுக்கக் கோரியும் - தொடர்பாக

-----

ராமநாதபுரம் மாவட்டம் பரமக்குடி எமனேஸ்வரத்தைச் சேர்ந்த 14 வயது மாணவன் ராஜா மஸ்தான். பரமக்குடியில் உள்ள ஹைரத்துல் ஜமாலி கீழ முஸ்லிம் மேனிலைப் பள்ளியில் 10ம் வகுப்பு படித்துவந்த இந்த மாணவனுக்கும் இதே பள்ளியில் படித்துக் கொண்டிருக்கும் முக்குலத்தோர் சமுதாயத்தைச் சேர்ந்த ஒப்பந்தக்காரர் கார்மேகத்தின் பேத்தி ராஜேஸ்வரிக்கும் காதல் மலர்ந்துள்ளது. இச்சூழலில் கடந்த செப்டம்பர் 18ம் தேதி மாணவன் ராஜா மஸ்தான் காணாமல் போயுள்ளான். செப்டம்பர் 20ம் தேதி வைகை ஆற்றில் கைகள் கட்டப்பட்ட நிலையில் உடல் முழுவதும் காயங்களுடன் ராஜா மஸ்தானின் உடல் கண்டெடுக்கப்பட்டது.

எமனேஸ்வரம் முஸ்லிம் ஜமாஅத்தினர், மாணவர் ராஜா மஸ்தான் அடித்து கொல்லப்பட்டு ஆற்றில் வீசப்பட்டுள்ளான் என்று சந்தேகப்படுகிறார்கள். இப்பிரச்சனையில் நீதி கோரி கடந்த செப்டம்பர் 23ம் தேதி அமைதிப் பேரணியும் நடத்தியுள்ளார்கள். ஆனால் காவல்துறை, மாணவர் ராஜா மஸ்தான் ஆற்றில் மூழ்கி தற்கொலை செய்துகொண்டான் என்று வழக்கை முடித்து விட்டார்கள்.

ராஜா மஸ்தான் மரணம் தொடர்பாக ராமநாதபுரம் காவல்துறையின் செயற்பாடுகள் குறிப்பாக மாவட்ட காவல் கண்காணிப்பாளர் மற்றும் பரமக்குடி காவல் ஆய்வாளர் அழகு ஆகியோரின் நடவடிக்கைகள் சிறுபான்மை மக்களிடையே கடும் அதிருப்தியை ஏற்படுத்தியுள்ளனர். கொலையை தற்கொலையாக மாற்றி கார்மேகம் உள்ளிட்டோரை காப்பாற்றும் வகையில் காவல்துறை செயல்பட்டு வருகின்றது என்று ராமநாதபுரம் முஸ்லிம்கள் கருதுகிறார்கள். இதற்கு அவர்கள் கூறும் காரணங்கள்:

1. சுமார் 20 நாட்களுக்கு முன்பு கார்மேகம், ராஜா மஸ்தானை தனது கூலியாட்களை வைத்து கடுமையாகத் தாக்கி “பேத்தியுடன் பழகுவதை நிறுத்திக் கொள், இல்லையேல் உன்னையும் உன் பெற்றோர்களையும் கொன்று விடுவோம்’’ என்று மிரட்டியுள்ளார்.

2. செப்டம்பர் 18 அன்று ராஜா மஸ்தானைக் காணவில்லை என்று கார்மேகத்திடம் தொலைபேசியில் கேட்டபோது, காவல்துறைக்கு போக வேண்டாம் என்று கார்மேகம் கேட்டுக் கொண்டுள்ளார்.

3. ராஜா மஸ்தானைக் காணவில்லை என்றும், கார்மேகம் மீது சந்தேகம் உள்ளது என்றும் எமனேஸ்வரம் காவல் நிலையத்தில் புகார் தெரிவித்த போது, கார்மேகத்தின் பெயரை நீக்கி புகார் அளிக்க காவலர்கள் வலியுறுத்தியுள்ளனர்.

4. பரமக்குடியில் வைகை ஆற்றில் ராஜா மஸ்தான் மூழ்கி இறந்தான் என்று காவல்துறை கூறுகிறது. ஆனால் அந்த ஆற்றில் முழங்கால் அளவே தண்ணீர் ஓடும் போது பையன் நீரில் மூழ்கி இறந்திருக்க வாய்ப்பில்லை.

5. காவல்துறை கூறுவது போல் ராஜா மஸ்தான் தற்கொலை செய்து கொண்டிருந்தால் தனது உடைகள் அனைத்தையும கழற்றிவிட்டு ஜட்டியுடன் மட்டும் தற்கொலை செய்திருக்க மாட்டான்.

6. வைகை நகர் என்ற பகுதியில் குடியிருந்த ராஜா மஸ்தானின் வீட்டிற்கு கிழக்கே 2 கி.மீ. தூரத்தில் உள்ள கருப்பணசாமி கோவில் எதிரில் உடைகள் ஆற்றுப் படுகையில் கண்டெடுக்கப்பட்டுள்ளன. இந்தப் பகுதிக்கு இம்மாணவன் ஒருபோதும் குளிக்க சென்றதில்லை என்று அவனது பெற்றோர்கள் கூறுகிறார்கள். மேலும் மதியம் 2 மணிக்கு குளிக்கச் செல்ல வேண்டிய அவசியமும் இல்லை என அவர்கள் கூறுகிறார்கள்.

7. ராஜா மஸ்தான் தனது நண்பர்கள் ஆறு பேர்களுடன் ஆற்றில் குளிக்கச் சென்ற போது அவன் மட்டும் மூழ்கி விட்டான் என்று காவல்துறை கூறுகின்றது. ராஜா உண்மையில் மூழ்கியிருந்தால் சக மாணவர்கள் கூக்குரலிட்டிருப்பார்கள். ஆனால் சம்பவம் நடைபெற்று அது பெரும் பரபரப்பை ஏற்படுத்திய பிறகு ஒரு வாரம் கழித்து ஒன்று போல் இந்த 5 மாணவர்களும் காவல்துறையிடம் வாக்குமூலம் அளித்திருப்பது பலத்த சந்தேகத்தை ஏற்படுத்தியுள்ளது.

8. காவல்துறையினரால் ராஜா மஸ்தானுடன் குளிக்கச் சென்றவர்கள் என்று காவல்துறை கூறும் 5 மாணவர்களில் ஒருவரான அஸ்லமின் பெற்றோர் உயர்நீதிமன்றத்தில் புகார் கொடுத்துள்ளனர். இறந்து போன மாணவரின் உடலை மீண்டும் பிரேத பரிசோதனை செய்திட சென்னை உயர்நீதிமன்றத்தின் மதுரை கிளை உத்தரவிட்டுள்ளது என்பதும் கவனிக்கத்தக்கது.

8. செப்டம்பர் 20 அன்று குற்றஞ்சாட்டப்பட்டுள்ள கார்மேகத்தை ஆய்வாளர் அழகு விசாரணை செய்த போது பிணம் கிடைத்து விட்டது என்ற தகவல் ஆய்வாளருக்கு கிடைத்த உடன் கார்மேகத்தை விசாரணையிலிருந்து விடுவிக்க, அவர் தலைமறைவாகி விட்டார்.

சுருக்கமாகச் சொல்ல வேண்டுமெனில் ராஜா மஸ்தான் இறப்பு தொடர்பாக உண்மையான குற்றவாளிகளைத் தப்பவிட ராமநாதபுரம் காவல்துறை உதவி செய்துள்ளது என்று அப்பகுதி முஸ்லிம்கள் பலமாக சந்தேகிக்கின்றார்கள். பரமக்குடி ஆய்வாளரின் நடவடிக்கைளும் இந்த சந்தேகத்தை வலுப்படுத்தும் வகையில் அமைந்துள்ளது. கடந்த 25ம் தேதி இரவு எமது கழகத்தின் ராமநாதபுரம் (மத்தி) மாவட்டப் பொருளாளர் சல்மான் வீட்டை தாக்கியவர்கள் மீது வழக்குப் பதிவு செய்ய ஆய்வாளர் மறுத்துள்ளார்.

ராமநாதபுரம் முஸ்லிம்களின் கோரிக்கை

1. மாணவர் ராஜா மஸ்தான் இறப்பு தொடர்பாக வழக்கு உடனடியாக சி.பி.சி.ஐ.டி. பிரிவிற்கு மாற்றப்பட வேண்டும். சந்தேகத்திற்குரிய இந்த மரணத்திற்கு காரணமாக இருந்த கார்மேகம் கைது செய்யப்பட வேண்டும்

2. ஆய்வாளர் அழகு உடனடியாக இடம் மாற்றம் செய்யப்படுவதுடன் அவர் மீது ஒழுங்கு நடவடிக்கை எடுக்கப்பட வேண்டும்.

3. மாணவர் ராஜா மஸ்தான் இறப்பு குறித்து நீதி கேட்டு பேரணி ஆர்ப்பாட்டம் நடத்திய எமனேஸ்வரம் ஜமாஅத் தலைவர்கள் மற்றும் தமுமுக உள்ளிட்ட அமைப்பு தலைவர்கள் மீது பதிவு செய்யப்பட்ட வழக்கு வாபஸ் பெறப்பட வேண்டும்.

இராமநாதபுரம் மாவட்ட மக்களின் இந்தக் கோரிக்கைகளை உடனே நிறைவேற்றுமாறு அன்புடன் தங்களைக் கேட்டுக் கொள்கிறேன்.

இந்தியா டுடே பத்திரிக்கை மீது வழக்கு

2008-09-24T00:07:00.003+05:30

இந்தியா டுடே வார இதழ் தனது 12-08-08 தேதியிட்ட சுரணையற்ற இந்தியா என்ற அட்டைப்பட இதழில் முஸ்லிம்களை தீவரவாதிகளாகவும். இஸ்லாத்தை பயங்கரவாத மார்க்கமாகவும் சித்தரித்து எழுதி இருந்தது. வழக்கமான சித்தரிப்புகளை விட மிக மோசமான நடையில் இருந்த இந்துத்துவா டுடேயின் எழுத்துக்களால் கொதித்தெழுந்த தமுமுக இந்தியா டுடெ பத்திரிக்கை அலுவலகம் முன்பு கண்டன ஆர்ப்பாட்டத்தை நடத்தியது. நூற்றுக் கணக்கான தொண்டர்கள் கைதாகினர். காஞ்சி மாவட்டம் மறைமலைநகரில் உள்ள இந்தியா டுடெ பேப்பர் மில் முன்பும் மாபெரும் ஆர்ப்பாட்டம் நடைபெற்றது. தமிழகத்தின் பல்வேறு இடங்களிலும் தமுமுக போராட்டங்களை நடத்தியது.

ஜனநாயக ரீதியிலான போராட்டங்கள் மட்டுமின்றி இந்தியா டுடெ மீது சட்ட ரீதியான நடவடிக்ககைகளை முன்னெடுக்க பல்வேறு பகுதிகளில் உள்ள தமுமுகவினரும் முயற்சிகள் மேற்கொண்டனர். இதன் முதல்படியாக காஞ்சிபுரம் ஜே.எம்-1 நீதிமன்றத்தில் தமுமுக காஞ்சி நகர செயற்குழு உறுப்பினர் எம். சுpத்திக் ஜமால் வழக்கு தொடர்ந்தார். வழக்கறிஞர்கள் கே. விஜயகுமார், எம். ஜைனுல் ஆபிதீன் (மாநில மாணவரணி செயலாளர்) ஆகியோர் மனுதாரர் சார்பாக ஆஜராகினர். வழக்கறிஞர்களின் வாதங்களை ஏற்ற நீதிபதி பக்தவச்சலம் அவர்கள் 28-08-08 அன்று வழக்கை ஏற்று மனுவை (C.M.P. No- 3287-08) விசாரித்து நடவடிக்கை எடுக்க சிவ காஞ்சி காவல் நிலைய ஆய்வாளருக்கு உத்தரவிட்டார். இதனால் இந்தியா டுடே ஆசிரியர் பிரபு சாவ்லா தமிழ் பதிப்பின் ஆசிரியர் ஆனந்த நட்ராஜன் உட்பட ஆறு பேர் மீது கிரிமினல் வழக்குகள் பதிவாகும் எனத் தெரிகிறது

முஸ்லிம் இளைஞர்களுக்கு ஓர் அழைப்பு!

2008-08-19T20:55:00.001+05:30

நாட்டில் நடக்கும் எந்தவொரு பயங்கரவாத செயலுக்கும் சிறு பான்மை முஸ்லிம்கள் மீது பழி போடுவது ஓர் வாடிக்கையாகி விட்டது. எங்கே குண்டு வெடிப் புகள் நடந்தாலும் உண்மைக் குற்றவாளிகளை கண்டு பிடிக்க துப்பற்ற, திறமையற்ற காவல் துறை மற்றும் பாதுகாப்பு நிறு வனங்கள் முஸ்லிம் அமைப்பு களையும், அப்பாவி முஸ்லிம் இளைஞர்களையும் காரணமாக்கு வதையும், கைது செய்வதையும் தங்கள் வழக்கமாக்கி கொண்டிருக் கின்றன. கையாலாகாத காவல் துறை சொல்லும் அனைத்தையும் கண், காது, மூக்கு வைத்து தங்கள் மனோ இச்சைக்கு ஏற்ப எழுதுவதையும், ஒளிபரப்புவதை யுமே வாடிக்கையாக கொண்டுள்ளன அச்சு மற்றும் காட்சி ஊடகங்கள்.

சமீபத்தில் நடந்த பெங்களூர் மற்றும் அஹ்மதாபாத் குண்டு வெடிப்புகளிலும் வழக்கம் போல முஸ்லிம்களை இணைத்து செய்தி கள் வெளியிட்ட மீடியாக்கள் தமிழகத்தில் தீவிரவாகிதள் கைது, குண்டு வைக்க சதி என்ற காவல் துறையின் வழக்கமான பல்ல வியை போட்டி போட்டு கொண்டு தங்கள் இஷ்டம் போல வெளி யிட்டு அரிப்பை தீர்த்துக் கொண் டன. காவல்துறை சொல்வதை அப்படியே வாந்தி எடுக்கும் இந்த மீடியாக்கள் மறுபுறம் கேட்க வேண்டும். குற்றம் சாட்டப்பட்ட வர்கள் தரப்பில் என்ன கூறப்படு கிறது என்பதையும் மக்களுக்கு தெரிவிக்க வேண்டும் என்ற சமூக அக்கறையில்லாமல் செயல் பட்டு வருகிறார்கள்.

குறிப்பாக முஸ்லிம் தீவிரவாதி கள், இஸ்லாமிய பயங்கரவாதிகள் என ஒரு சமூகத்தையும், மதத்தை யும் கொச்சைப்படுத்துவது கடும் கண்டனத்துக்குரியது மட்டுமல்ல, பத்திரிக்கை சட்டத்தின்படி தண்ட னைக்குரியது. ஆனால் எழுது வதற்கு முன்னால் தங்கள் மூளை யிலும், பேனா முனையிலும் போதை ஏற்றிக்கொள்ளும் ஊட கங்களுக்கு சரியான பாடத்தை முஸ்லிம் சமுதாயம் புகட்ட வேண் டியதிருக்கும் என எச்சரிக்கிறோம். மதுரையில் ஒரு நாளிதழுக்கு நேர்ந்த கதியை பார்த்தும் இவர் கள் திருந்தவில்லை. அந்தளவுக்கு போகாமல் ஜனநாயக ரீதியில் இது போன்று வக்கிரமாக எழுதும் ஊடகங்களின் அலுவலகங்களில் நூற்றுக்கணக்கில் திரண்டு உள் ளிருப்பு போராட்டம் நடத்த வேண்டிய சூழ்நிலை ஏற்படும் என தமிழகத்தின் அனைத்து ஊடகங்க ளையும் முஸ்லிம் சமுதாயத்தின் சார்பில் எச்சரிக்கிறோம்.

தமிழக ஊடகங்களில் இந்துத் துவா மற்றும் ஏகாதிபத்திய கைக் கூலிகளே நிறைந்திருக்கும் சூழ் நிலையில் பொதுவான நடுநிலை யான மாற்று அச்சு மற்றும் காட்சி ஊடகங்களை ஏற்படுத்த வேண் டியது முஸ்லிம்களின் அவசர மற்றும் முக்கிய கடமையாக இருக்கிறது. கேரள முஸ்லிம்களின் முன்மாதிரியை கொண்டு தமிழகத் தில் உடனடியாக இதற்கான வேலைகளை சமுதாய நலன் விரும்பிகள், செல்வந்தர்கள் முடுக்கி விடவேண்டும். ஊடகத் துறையில் பணியாற்றுவதற்கு முஸ்லிம் இளைஞர்கள் ஆர்வமுடனும் அர்ப்பணிப்புடனும் முன் வர வேண்டும். அப்போதுதான் ஊட கத்தில் இருக்கும் நச்சு விதைகளை கிள்ளி எறிய முடியும்.

தமிழ்நாடு முஸ்லிம் முன்னேற்றக் கழகத்தின் செயற்குழு

2008-07-11T17:15:00.002+05:30

தமிழ்நாடு முஸ்லிம் முன்னேற்றக் கழகத்தின் தலைமை செயற்குழுக்கூட்டம் தலைவர் பேராசிரியர் எம்.ஹெச். ஜவாஹிருல்லாஹ் தலைமையில் சென்னை மண்ணடி மரைக்காயர் லெப்பைத் தெருவில் உள்ள எஸ்.எம்.ஹெச். பேலசில் ஜுலை 4 அன்று நடைபெற்றது.

செயற்குழுவில் பொதுச் செயலாளர் ஹைதர் அலி, பொருளாளர் ஒ.யூ. ரஹ்மதுல்லாஹ், துணைப் பொதுச் செயலளார் ரிபாயி உள்பட செயற்குழு உறுப்பினர்கள் 150 பேர் பங்குக் கொண்டார்கள்.

தமுமுகவின் கொள்கை விளக்கப்பாடலான தமுமுக தலைமையிலே என்ற ஒலிநாடா கழகத்தின் நிறுவனர்களில் ஒருவரான சைய்யது நிசார் அஹ்மது வெளியிட்டார்.

இச்செயற்குழுவில் நிறைவேற்றப்பட்ட தீர்மானங்கள்

1. புதிய அரசியல் கட்சி (மக்கள் முன்னேற்றக் கழகம்)

தமிழ்நாடு முஸ்லிம் முன்னேற்ற கழகத்தின் ஆதரவுடன் புதியதொரு அரசியல்கட்சியை தொடங்குவதென்றும் இது தொடர்பாக மாநில தழுவிய மாநாட்டை நடத்தி புதிய கட்சியையும் அதன் நிர்வாகிகளையும் அறிவிப்பது என்று தீர்மாணிக்கப்பட்டது. இதற்கு மக்கள் முன்னேற்றக் கழகம் என்றும் பெயரிடப்படுகிறது.

2. முஸ்லிம் லீக் தலைவர் பனாத்வாலா மறைவிற்கு இரங்கல்

இந்தியன் யூனியன் முஸ்லிம் லீக் கட்சியின் தலைவரும் ஏழு முறை நாடாளுமன்றத்திற்கு தேர்ந்தெடுக்கப்பட்டவருமான குலாம் முஹம்மது பனாத்வாலா அவர்கள் மறைவிற்கு தமுமுகவின் செயற்குழு தனது ஆழ்ந்த இரங்கலை தெரிவித்துக் கொள்கிறது. முஸ்லிம் சமுதாயத்தின் உள்ளக்குமுறல்களை நாடாளுமன்றத்தில் வலிமையாக எடுத்துரைத்தவர் பனாத்வாலா அவர்கள். டெல்லியில் கடந்த 2007 மார்ச் 7 அன்று தமுமுக நடத்திய நாடாளுமன்றம் நோக்கிய பேரணியில் தனது சொந்த செலவில் பனாத்வாலா அவர்கள் பங்குக் கொண்டதை இச்செயற்குழு நன்றியுடன் நினைவு கூறுகின்றது. மாபெரும் தலைவரை இழந்து வாடும் அவரது குடும்பத்தினருக்கும் இந்திய யூனியன் முஸ்லிம் லீக் கட்சியின் சகோதரர்களுக்கும் இச்செயற் குழு தனது ஆழ்ந்த அனுதாபத்தைத் தெரிவித்துக் கொள்கிறது. மறைந்த பனாத்வாலா அவர்களுக்கு இறைவன் மறுமையின் நற்பேறுகளை அளப்பறிய அளவில் அளிக்க வேண்டும் என்று இச்செயற்குழு பிரார்த்தனை செய்கிறது.

3. அமெரிக்காவுடன் அணு உடன்பாடு வேண்டாம்

விடுதலைப் பெற்ற நாள் முதற்கொண்டு நமது நாடு தனது சொந்த காலில் நின்று பல துறைகளில் முன்னேற்றம் அடைந்துள்ளது. பொக்ரானில் அணுகுண்டு வெடித்ததும், ஸ்ரீஹரிகோட்டாவில் இருந்து செயற்கைக் கோள்களை அனுப்பியதும் நமது நாடு சொந்த முயற்சியில் செய்துள்ள சாதனைகளின் எடுத்துக்காட்டாகும். இதே போல் அணு ஆற்றலிலும் நமது நாடு வலிமை பெற இயலும். இந்நிலையில் நமது நாட்டின் இறையான்மையை அடகுவைத்து அமெரிக்காவுடன் இந்தியா அணுசக்தி தொடர்பான உடன்பாட்டைச் செய்து கொள்வதை தமிழ்நாடு முஸ்லிம் முன்னேற்றக் கழகம் வன்மையாக கண்டிக்கின்றது. 2004ல் நடைபெற்ற நாடாளுமன்றத் தேர்தலில் காங்கிரஸ் தனித்து போட்டியிட்டு வெற்றிப் பெறவில்லை. இடதுசாரி கட்சிகளின் ஆதரவுடன் ஆட்சியை அமைத்த காங்கிரஸ் கட்சி தன்னிச்சையாக அமெரிக்காவுடன் அணுசக்தி உடன்பாடு செய்து கொள்வதை இச்செயற்குழு வன்மையாக கண்டிப்பதுடன் உடனடியாக இந்த உடன்பாட்டை கைவிட வேண்டும் என்று கேட்டுக் கொள்கிறது.

4) கடந்த 2004 நாடாளுமன்றத் தேர்தலின் போது காங்கிரஸ் உள்ளிட்ட ஐக்கிய முற்போக்க கூட்டணி அரசில் இடம் பெற்றுள்ள காங்கிரஸ், திமுக உள்ளிட்ட கட்சிகள் அனைத்திந்திய அளவில் கல்வி மற்றும் வேலைவாய்ப்பில் முஸ்லிம்களுக்கு தனி இடஒதுக்கிடு அளிக்கப்படும் என்று வாக்குறுதி அளித்தனர். ஐக்கிய முற்போக்கு கூட்டணி அரசின் குறைந்த பட்ச செயல் திட்டத்திலும் இதே வாக்குறுதி அளிக்கப்பட்டது. மத்திய அரசு இடஒதுக்கீடு அளிப்பது தொடர்பாக நீதிபதி ரங்கநாத் மிஸ்ரா தலைமையில் ஆணையம் அமைக்கப்பட்டு அந்த ஆணையமும் மத்திய அரசிடம் 2007 மே 22 அன்று அறிக்கையை சமர்பித்து விட்டது, இருப்பினும் மத்திய அரசு இந்த அறிக்கையை இது வரை நாடாளமன்றத்தில் தாக்கல் செய்யவில்லை. உடனடியாக மிஸ்ரா ஆணையத்தின் பரிந்துரை அடிப்படையில் முஸ்லிம்களுக்கு மத்திய அரசுப் பதவிகளில் முதல் கட்டமாக 10 சதவீத தனி இடஒதுக்கீட்டை மத்தியில் ஆளும் ஐக்கிய முற்போக்கு கூட்டணி அரசு அளிக்க வேண்டும் என்று இச்செயற்குழு கோருகின்றது. ஆறு மாதத்திற்குள் அனைத்திந்திய அளவில் இடஒதுக்கீடு அளிக்காவிட்டால் நாடே ஸ்தம்பிக்கும் போராட்டத்தை தமுமுக நடத்தும் என்றும் இச்செயற்குழு அறிவிக்கிறது.

5) எட்டாண்டுகளுக்கும் மேலாக தமிழகச் சிறைகளில் இருக்கும் ஆயுள்கால முஸ்லிம் சிறைவாசிகளை, அண்ணா பிறந்தநாளையொட்டி, மற்ற கைதிகளை விடுதலை செய்வதுபோல, விடுதலை செய்ய வேண்டும் என இச்செயற்குழு தமிழக அரசை கேட்டுக் கொள்கிறது,

6) விசாரணைக் கைதியாக பத்தாண்டுகளுக்கும் மேலாக சிறையில் வாடிவரும் குணங்குடி ஆர்.எம்.ஹனிபா அவர்களை உடனடியாக பிணையில் விடுவிக்க தமிழக அரசு ஆவண செய்யவேண்டும் என இச்செயற்குழு வலியுறுத்துகிறது.

7) முஸ்லிம்களுக்கு அறிவிக்கப்பட்ட தனி இடஒதுக்கீட்டில் நிலவிய ரோஸ்டர் குழப்பமுறையை தமுமுகவின் கோரிக்கையை ஏற்று நிவர்த்தி செய்த தமிழக முதல்வர் டாக்டர்.கலைஞர் அவர்களுக்கு இச்செயற்குழு நெஞ்சார்ந்த நன்றியை தெரிவித்துக் கொள்கிறது.

8) தமுமுகவின் கோரிக்கையை ஏற்று சிறுபாண்மை மக்களுக்கு தனி இடஒதுக்கீடு வழங்கியதற்காக நடத்தப்பட்ட நன்றி அறிவிப்பு மாநட்டில் கலந்துக் கொண்ட தமிழக முதல்வர் டாக்டர் கலைஞர் அவர்கள் தமுமுகவின் சமூக சேவைகளை அங்கீகரிக்கும் பொருட்டு இரண்டு ஆம்புலென்ஸ்களை தனது சொந்த செலவில் வழங்குவதாக அறிவித்து, அறிவித்தபடியே வழங்கியற்காக இச்செயற்குழு தனது நன்றியை டாக்டர் கலைஞர் அவர்களுக்கு தெரிவித்துக் கொள்கிறது

9) புதுவை மாநிலத்தில் முஸ்லிம்களுக்கு தனி இடஒதுக்கீடு வழங்குவதில் ஆளுக்கட்சி காங்கிரஸ் அரசு தொடர்ந்து மெத்தனம் காட்டி வருகிறது. பல பேராட்டங்களை தமுமுக தொடர்ந்து நடத்தி வரும் நிலையில் அறிவிக்கப்படாத போராட்டங்களை அறிவிக்கப்படாத நாட்களில் ஜனநாயக வடிவில் தமுமுக புதிய முயற்சிகளை எடுக்கும் என்றும், தேவைப்பட்டால் எதிர்வரும் புதுவை சட்டமன்ற தேர்தலில் புதிய நிலைபாட்டை எடுக்கவும் தமுமுக தயங்காது என்றும் இச்செயற்குழு தெரிவித்துக் கொள்கிறது.

10) வேலூர் கோட்டை பள்ளிவாசலை தொழுகைக்காக திறந்துவிடக்கோரி தமுமுக பிரம்மாண்டமாக கவன ஈர்ப்பு முற்றுகையை நடத்தியது. மத்திய தொல்பொருல் ஆய்வுத்துறை உடனடியாக இதற்கு தீர்வு கண்டு, பள்ளிவாசலை தொழுகைக்கு திறந்துவிட நடவடிக்கை எடுக்க வேண்டும் என்று இச்செயற்குழு கேட்டுக்கொள்கிறது.

11. தமிழக அரசு பிற்படுத்தப்பட்ட முஸ்லிம்களுக்கு அளித்துள்ள 3.5 சதவிகித இடஒதுக்கீட்டை தமிழகத்தில் சில மேல்நிலைப் பள்ளிகளும் உயர்கல்வி நிறுவனங்களும் நடைமுறைப்படுத்த மறுத்து வருகின்றன. தமிழக அரசு இத்தகைய கல்வி நிறுவனங்கள் மீது நடவடிக்கை எடுக்க வேண்டும் என்று இச்செயற்குழு கோருகின்றது.

12. மக்களை வஞ்சிக்கும் விலைவாசி

அனைத்து அத்தியாவசிய பொருட்களின் விலைகள் கடுமையாக உயர்ந்துள்ளதால் அனைத்துத் தரப்பு மக்களும் கடுமையான பாதிப்பிற்கு இலக்காகியுள்ளார்கள். இந்த கடுமையான விலையேற்றத்தின் காரணமாக மத்திய மாநில அரசுகள் மீது மக்கள் கடும் கோபம் கொண்டுள்ளார்கள். ஆன்லைன் வர்த்தகத்திற்கு தடை உட்பட போர்கால வேகத்தில் நடவடிக்கை எடுத்து இந்த கடுமையான விலைவாசியை கட்டுப்படுத்த மத்திய அரசு நடவடிக்கை எடுக்க வேண்டும் என்று இச்செயற்குழு கோருகின்றது. விலைவாசி உயர்வை கட்டுப்படுத்த மத்திய அரசு உடனடியாக நடவடிக்கை எடுக்க தவறினால் வரும் நாடாளுமன்றத் தேர்தலில் மக்களின் அதிருப்தியை ஆளும் ஐக்கிய முற்போக்கு கூட்டணி சந்திக்க நேரிடும் என்று இச்செயற்குழு எச்சரிக்கின்றது.

13, சிறுபான்மை அந்தஸ்து பெற்று நடந்து வரும் சிறுபான்மை தொழில் கல்வி நிலையங்களில் சிறுபான்மை சமூக மாணவர்களிடம் நன்கொடை என்ற பெயரில் கொள்ளை அடிக்கும் கல்வி நிறுவனங்களை இச்செயற்குழு வன்மையாக கண்டிக்கின்றது. சிறுபான்மை சமூகத்தை முன்னேற்ற வேண்டும் என்பதற்காக அரசு இக்கல்வி நிறுவனங்களுக்கு சிறுபான்மை அந்தஸ்து அளிக்கின்றது. இதனை தவறான முறையில் இக்கல்வி நிறுவனங்கள் பயன்படுத்துவதை உடனடியாக இந்நிறுவனங்கள் தடுத்து நிறுத்த வேண்டும். நிலைமை சீரடையாவிட்டால் தமிழக அரசு இக்கல்வி நிறுவனங்களில் உள்ள 50 சதவிகித இடங்களை கவுன்சிலிங் மூலம் அந்தந்த சிறுபான்மை சமூக மாணவர்களுக்கு அளிக்க நடவடிக்கை மேற்கொள்ள வேண்டுமென இச்செயற்குழு கேட்டுக் கொள்கிறது.

14) 2007 ஆகஸ்ட் 14 அன்று தென்காசியில் நடந்த ஆறு படுகொலை நடந்த பிறகு தென்காசியில் அப்பாவிகள் மீது போடப்பட்ட பொய் வழக்குகள் வாபஸ் பெறப்பட வேண்டும் என்று இச்செயற்குழு கேட்டுக்கொள்கிறது.

15. தமிழக அரசு ஒவ்வொரு மாவட்டத்திலும் முஸ்லிம் பெண்கள் நல்வாழ்வு சங்கத்தை அமைக்க உத்தரவிட்டது. இந்த சங்கத்திற்கு அளிக்கப்படும் நன்கொடைக்கு இணையாக அரசும் நிதி அளிக்கும் என்று முதலில் அறிவிக்கப்பட்டது. இத்தகைய சங்கம் முதலில் சென்னையில் நீண்ட காலத்திற்கு முன்பு அமைக்கப்பட்டது. ஆனால் தற்போது தமிழக அரசு இச்சங்கத்திற்கு பொதுமக்களுக்கு எவ்வளவு நன்கொடை அளித்த போதினும் தமிழக அரசின் பங்களிப்பு ரு5 லட்சத்திற்கு மேல் அளிக்கப்பட மாட்டாது என்று வரம்பு அமைத்திருப்பது வருந்தத்தக்கது. தமிழக முதல்வல் இம்முடிவை மறுபரீசிலனை செய்த முன்பு போல் பொதுமக்கள் அளிக்கும் நன்கொடைக்கு இணையாக தொகை அளிக்கப்பட வேண்டும் என்று இச்செயற்குழு கேட்டுக்கொள்கிறது.

16. தமிழ்நாடு அரசு சிறுபான்மை பொருளாதார மேம்பாடு கழகத்தின் சார்பாக பள்ளி மாணவர்களுக்கு கல்வி உதவி தொகை அளிக்கும் திட்டம் நடைமுறையில் உள்ளது. ஆனால் பல பள்ளிக்கூட முதல்வர்கள் சிறுபான்மை மாணவர்களின் உதவி தொகை விண்ணப்பத்தை மேலதிகாரிகளுக்கு அனுப்புவதற்கே மறுத்து வருகிறார்கள். தமிழக பள்ளிக்கல்வி துறை இது குறித்து உடனடியாக நடவடிக்கை மேற்கொள்ள வேண்டும் என்று இச்செயற்குழு கோருகின்றது.

17) தமுமுகவின் அனைத்து நிலைகளிலும் உள்ள நிர்வாக பொறுப்பாளர்கள் கட்டாயம் மக்கள் உரிமையின் நேரடி சந்தாதரர்களாக இருக்க வேண்டும் என்று இச்செயற்குழு தீர்மரணிக்கிறது.

18) நாட்டின் பல்வேறு பகுதிகளில் குண்டுவெடிப்புகள் நடைபெறும் போது முஸ்லிம்கள் மீது பழிப்போடும் போக்கு தொடருகின்றது. பல அப்பாவி முஸ்லிம்கள் கைதும் செய்யப்படுகிறார்கள். ஆனாலும் குண்டுவெடிப்புகள் தொடர்கின்றன. இந்நிலையில் இந்து தற்கொலை படை அமைக்கப்பட வேண்டும் என்று குண்டு வெடிப்புகள் நடத்த வேண்டும் என்று பயங்கரவாதத்தை துண்டியுள்ள பால் தாக்கரேவை உடனடியாக தேசிய பாதுகாப்பு சட்டத்தின் கீழ் கைதுச் செய்வதுடன் ஜெய்பூர் உள்ளிட்ட வெடிகுண்டு வழக்குகள் குறித்து இவரிடமும் விசாரணை நடத்தப்பட வேண்டும் என்று இச்செயற்குழு கோருகின்றது.

19) மதுவினால் நிகழ்ந்துவரும் கொடுமைகளைக் கருத்தில் கொண்டு தமிழகமெங்கும் பூரண மதுவிலக்கை செயல்படுத்தி மதுவில்லாத தமிழகம் என்ற பெருமையை உருவாக்க தமிழக அரசு உறுதியான நடவடிக்கை எடுக்க வேண்டும் என்று இச்செயற்குழு கேட்டுக்கொள்கிறது.

20) கடந்த 10.12.2000 அன்று நெல்லை பாளையங்கோட்டையில் கிரஸண்ட் நகர் பள்ளிவாசலில் வெடிகுண்டு வீசி கொல்லப்பட்ட புனியங்குடி அப்துர் ரஷீத் குடும்பத்திற்கு வழங்குவதாக அறிவித்த 2 லட்சம் ரூபாய் நிவாரணத் தொகை இதுவரை வழங்கப்படவில்லை பல முறை தமிழக அரசுக்கு இதுகுறித்து தெரிவிக்கப்பட்டுள்ளது. இதுவே இறுதி கோரிக்கை என்றும், இக்கோரிக்கை உடனடியாக நிறைவேற்றப்படாவிட்டால், விரைவில் நெல்லை மாவட்டத்தில் தமுமுக சார்பில் சிறை நிரப்பும் போராட்டம் நடத்தப்படும் என்றும் இச்செயற்குழு எச்சரிக்கிறது.

தமிழக வரலாற்றில் முதன்முறையாக பொறியியல் மற்றும் மருத்துவத்தில் அதிக முஸ்லிம் மாணவர்கள்!

2008-07-04T15:32:00.005+05:30

வரலாற்றில் முதன்முறையாக அதிக முஸ்லிம் மாணவர்கள்!
பொறியியல் மற்றும் மருத்துவத்தில் 3 1/2 சதவீத இடஒதுக்கீட்டின் முழுமையான வெற்றி
-அபூசாலிஹ்

இந்த ஆண்டு மருத்துவம் மற்றும் பொறியியல் கல்விகளில் அதிகளவு முஸ்லிம் மாணவர்கள் பயன்பெற உள்ளனர்.

இது முஸ்லிம்களுக்கு தனி இடஒதுக் கீடு முழுமையாக வழங்கப்படவில்லை என்ற புரட்டல் வாதத்தை புறம் தள்ளும் விதமாக அமைந்து சவுக்கடி கொடுத்தது.

இவ்வாண்டு மருத்துவம் மற்றும் பல் மருத்துவ படிப்புகளில்2699 இடங்களில் முஸ்லிம்களுக்கு 94 இடங்கள் ஒதுக்கீடு செய்யப் பட்டுள்ளது.

இது 3.5 சதவீத இடஒதுக்கீட்டின் படியே கிடைத்துள்ளது.

1483 இடஒதுக்கீட்டுக்கான இடங்களைக் கொண்ட அரசு மருத்துவக் கல்லூரிகள் 15லும் முஸ்லிம்களுக்கு 52 இடங்களும் 348 அரசு ஒதுக்கீடு கொண்ட 5 தனியார் கல்லூரிகளிலும் முஸ்லிம் மாணவர்களுக்கு 12 இடங்க ளுக்கு 17 சுயநிதி பல் மருத்துவக் கல்லூரிகளில் அரசு ஒதுக்கீட்டில் உள்ள 783 இடங்களில் 27 இடங்களில் முஸ்லிம் மாணவர்கள் பயன்பெற உள்ளனர்.

ஒரே அரசு பல் மருத்துவக் கல்லூரி யிலும் 85 இடங்களின் இடஒதுக்கீட்டில் மூன்று இடங்கள் முஸ்லிம் சமுதாயத் தினருக்கு ஒதுக்கீடு செய்யப்பட்டுள்ளது.

அவ்வாறே பி.இ மற்றும் பி.டெக் அட்மிஷனுக்கு மிக அதிகமான இடங் கள் இடஒதுக்கீட்டின்படி முஸ்லிம் களுக்கு கிடைக்கும் வாய்ப்பு உள்ளது.

இடஒதுக்கீடு பொறியியல் ஒற்றைச் சாளர கவுன்சிலிங்கில் முஸ்லிம் மாணவர்களுக்கு ஏணியாக அமைந்து விட்டது.

முஸ்லிம்கள் மற்றும் கிறிஸ்தவர்களுக் கான இடஒதுக்கீட்டின் படி 4, 882 இடங்கள் ஒதுக்கீட்டில் கிடைக்கும். அதிலும் முஸ்லிம் மாணவர்களுக்கே சாதகமான நிலை நிலவுவதாக கல்வியாளர் ஜெயப்பிரகாஷ் காந்தி குறிப்பிடு கிறார்.

அதிக மதிப்பெண்கள் பெற்ற முஸ்லிம் மாணவர்களின் எண்ணிக்கையோடு ஒப்பீடு செய்யும்போது அதிக மதிப் பெண்கள் பெற்ற ஹிந்து மற்றும் கிறிஸ்தவ மாணவர்களை விட ஒற்றைச் சாளர கவுன்சிலிங் முறை முஸ்லிம் மாணவர் களுக்கு சாதகமாக இருக்கும்.

சான்றாக பொதுப் பிரிவில் 195.5 கட்.ஆஃப் மதிப்பெண்கள் எடுத்த பிற்படுத்தப்பட்ட வகுப்பைச் சார்ந்த மாணவரின் ரேங்க் 3,004 பிற்படுத்த வகுப்புக்கான அவரது ரேங்க் 1,725 ஆனால் முஸ்லிம் இடஒதுக்கீட்டின் படி வெறும் 91 ரேங்கிலேயே முஸ்லிம் மாணவர் விரும்பும் சிறந்த கல்லூரி, விரும்பும் பாடம் கிடைக்கும் நிலை உருவாகும்.

முஸ்லிம் மாணவருக்கு இதனால் கட் ஆஃப் மதிப் பெண்ணில் 1 முதல் இரண்டு மதிப்பெண் கூடுதலாக பெற்றதற்கான சாதக மான அம்சம் இடஒதுக்கீட்டின மூலம் கிடைத்து விடுகிறது. மொத்தத்தில் வராது வந்த மாமணி போல் கிடைத்த இடஒதுக்கீடு மூலம் முஸ்லிம் களுக்கான கல்வியிலும் முழுமையாக கிடைத்து விட்டது.

இடஒதுக்கீடு எமது மாணவர்களுக்கு உயர் கல்விக்கான கூடுதல் உத்வேகத்தை வழங்கியுள்ளது - தமுமுக தலைவர்

இது குறித்து தமிழ்நாடு முஸ்லிம் முன்னேற்றக் கழகத் தலைவர் டாக்டர். எம்.ஹெச். ஜவாஹிருல்லாஹ் டைம்ஸ் ஆஃப் இந்தியா ஆங்கில செய்தி ஏட்டிற்கு வழங்கிய நேர்காணலில்..

இந்த இடஒதுக்கீடு எமது சமூகத்தை சேர்ந்த மாணவர்களுக்கு உயர்கல்விக்கான கூடுதல் உத்வேகத்தை வழங்கி யுள்ளது. அத்துடன் எதிர்வரும் ஆண்டுகளில் ஏராளமான மாணவர்கள் தொழிற்கல்வி படிப்புகளில் சேர்வதற்கு ஊக்கமளிக்கிறது.

கவுன்சிலிங்கின் போது அதிக கட் ஆஃப் மதிப் பெண்கள் வாங்கிய முஸ்லிம் மாணவர்களுக்கு பொதுப் பிரிவில் அட்மிஷன் வழங்க வேண்டும். குறைவான கட் ஆஃப் மதிப்பெண்கள் பெற்ற மாணவர்களுக்கு மட்டுமே முஸ்லிம்களுக்கான இடஒதுக்கீட்டின் படி இடம் ஒதுக்கீடு செய்ய வேண்டும் என கேட்டுக் கொண்டார்.

துருக்கி பல்கலைக்கழகங்களின் சர்வாதிகாரம்!

2008-06-22T21:32:00.004+05:30

துருக்கி பல்கலைக்கழகங்களில் மாணவிகள் ஹிஜாப் அணிவதை துருக்கி உச்சநீதிமன்றம் தடை செய்துள்ளது.

99 சதவீத முஸ்லிம்களைக் கொண்ட துருக்கியில் மாணவிகளுக்கு ஹிஜாப் அணியும் உரிமைக்கான போராட்டம் இன்னும் தொடர்ந்து வருகிறது.

11 நீதிபதிகளைக் கொண்ட தீர்ப்பாயம் இந்த அறிவிப்பினை வெளியிட்டது. இதனைத் தொடர்ந்து நாடெங்கும் போராட்டம் பரவியது.

இஸ்தான்புல் பல்கலைக்கழக மாணவிகள் தடையை எதிர்த்து போராட்டத்தில் ஈடுபட்டனர். ஹிஜாப் என்னும் தலைக்கவசம் அணிந்து தங்களது போராட்டங்களை நடத்தினர். ஏராளமானோர் இஸ்தான் புல் பல்கலைக்கழகம் முன்பு திரண்டனர்.

துருக்கி குடியரசாக அறிவிக்கப்பட்டு 84 ஆண்டுகள் ஆகிவிட்டன. ஆளும் ஏ.கே. கட்சி தங்களின் நிர்வாகத்தின் கீழ் உள்ள நகராட்சி அமைப்புகளில் உணவு விடுதிகளில் மதுபான விற்பனையைத் தடை செய்துள்ளது.

ஐரோப்பிய யூனியனில் இணைய துருக்கி முயற்சித்து வருகிறது. ஐரோப்பிய யூனியனில் துருக்கி இணைவதை எதிர்க்கும் சக்திகள் துருக்கி மத
சுதந்திரத்தை மீறுகிறது. மறைமுகமாக இஸ்லாமிய அஜென்டாவை செயல்படுத்துவதாக குற்றம்சாட்டுகிறது. இந்நிலையில் ஹிஜாப் உரிமைக்கான மாணவிகளின் போராட்டம் முக்கியத்துவம் பெறுகிறது.

லட்சியம் எது? உணர்த்தியது இளைஞர் பயிற்சி முகாம்

2008-06-22T21:29:00.006+05:30

அச்சிறுப்பாக்கம் ஷாஜஹான்

சாதிக்க வேண்டும் என்ற ஆர்வமும் துடிப்பும் உள்ள இளைஞரா நீங்கள்? என மக்கள் உரிமையில் மாணவரணி சார்பில் அறிவிப்பு வெளியான உடனே பல இளைஞர்களிடமிருந்தும் தன் விபரக்குறிப்புகள் தமுமுக தலைமையகத்தில் வந்து குவிந்தன. அதில் தேர்வு செய்யப்பட்ட நூற்றுக்கும் மேற்பட்ட மாணவர்கள் மற்றும் இளைஞர்கள் தமுமுக மாணவரணியின் இளைஞர் பயிற்சி முகாமிற்கு அழைக்கப்பட்டனர்.

ஊட்டியில் இளைஞர்களுக் கானபயிற்சி முகாம் ஜூன் 7, 8, 9 ஆகிய தேதி களில் ஏற்பாடு செய்யப்பட்டது. முகாமிற்கு வரும் மாணவர்கள் மற்றும் இளைஞர்களை வரவேற்க ஊட்டி நகர தமுமுகவினர் கறுப்பு வெள்ளை கொடிகளை நகரம் முழுவதும் பறக்கவிட்டிருந்தனர்.

மூன்று தினங்கள் நடைபெற்ற இந்த பயிற்சி முகாமின் துவக்கமாக தமுமுக மாநில துணைப் பொதுச்செயலாளர் மவ்லவி ஜே.எஸ்.ரிஃபாயி, திருக்குர்ஆன் வசனங்களை ஓதி விளக்கவுரை ஆற்றினார்.

முகாமில் இளைஞர்களின் திறமைகளைக் கண்டறிந்து மேலும் அவர்களுக்கு பல்வேறு தளங்களில் சிறப்பாக செயல்படவும், ஆளுமைத்திறனை அதிகரிக்கவும் கிரின்பரோ நிறுவனத்தின் பொறுப்பாளர் சகோ.புஹாரி, ஆளுமைத்திறன் மேம்பாட்டு பயிற்சியை அளித்தார்.

இந்தியாவில் முஸ்லிம் மன்னர்களின் ஆட்சி என்ற தலைப்பில் பேராசிரியர் தஸ்தகீர் அவர்கள் முஸ்லிம் மன்னர்களின் வருகை, அதைத் தொடர்ந்து இந்த தேசத்தில் அவர்களின் அளப்பெரிய பங்களிப்பு ஆகியவற்றை விளக்கினார். உலகில் முதன்முதலாக விவசாயிகள் மீது தனிக்கவனம் செலுத்தி விவசாயிகளுக்கு கடன் அளித்து, அக்கடன்களை தள்ளுபடி செய்து, விவசாயத்தில் நஷ்டம் அடைந்தவர்களுக்கு நஷ்டஈடு வழங்கிய முஸ்லிம் மன்னர்கள். இந்த தேசத்தை ஒன்றுபடுத்திய முஸ்லிம் மன்னர்கள், மதச்சார்பற்ற நாடாக, நிர்வாக ரீதியாக ஓர் தலைமையின் கீழ் ஆட்சியை அளித்த முஸ்லிம் மன்னர்கள்- என அரிய தகவல்களை அடுக்கடுக்காக வைத்து தகுந்த ஆதாரங்களுடன் விளக்கினார்.

இஸ்லாமிய அழைப்புப் பணி என்ற தலைப்பில் பொறியாளர் ஜக்கரியா, திருக்குர்ஆன் ஹதீஸ் பார்வையில் அழைப்புப் பணியின் அவசியம் பற்றி விளக்கிய அதேவேளையில் மாற்றுமத சகோதரர்களுக்கு அழகிய முறையில் அழைப்பு தரும் விதம், அவர்களின் வேதங்களின் பார்வையிலேயே இஸ்லாத்தை விளங்கச்செய்யும் முறை, அழைப்பாளர்களிடம் இருக்கவேண்டிய பண்புகள் ஆகியவற்றை எடுத்துக்கூறினார்.

இஸ்லாமிய அடிப்படை ஒழுக்க மாண்புகள், பரிபூரண இறைநம்பிக்கை என்ற தலைப்புகளில் சகோ. சதக்கத்துல்லாஹ் உமரி அவர்கள் அருள்மறையாம் திருமறை வழியையும், பெருமானார் (ஸல்) அவர்கள் வாழ்வியல் முறையும் அடிப்படையாகக் கொண்ட ஒழுக்க மாண்புகளைப் பேணவேண்டிய அவசியத்தை விளக்கினார்.

தமுமுக கடந்துவந்த பாதையை 'சாதனைகளும் சோதனைகளும்' என்ற தலைப்பில் மாநிலச் செயலாளர் எம். தமிமுன் அன்சாரி, தமுமுக வின் கடந்தகால போராட்டங்களையும் இறை அருளால் அதன் கூட்டுத் தலை மைக்கு கிடைத்த வெற்றிகளையும் பட்டியலிட்டார்.

இன்றைய தினம் சமுதாயம் வரதட்சணை என்னும் கோரப்பிடியில் சிக்கியுள்ளதை சுட்டிக்காட்டி இதனால் சமுதாயம் கேவலமான நிலைக்குத் தள்ளப்படுவதையும் இதைத் தவிர்க்க இளைஞர்கள் இறைக்கட்டளைப்படி மஹர் கொடுக்கும் நிலையும், வரதட்சணையை மறுக்கும் நிலையும் வரவேண்டும் என்றும், இதற்காக இளைஞர்கள் வரதட்சணை ஒழிப்பு பிரச்சாரத்தில் பங்குபெறுவதன் அவசியத்தையும் மாநிலச் செயலாளர்
பி. அப்துஸ் சமது எடுத்துக்கூறி இளைஞர்களை வரதட்சணைக்கு எதிராக அணிதிரட்டினார்.

தமுமுக தலைவர் டாக்டர் எம்.எச். ஜவாஹிருல்லாஹ், உலக அரங்கில் முஸ்லிம் எழுச்சியும் வீழ்ச்சியும் என்ற தலைப்பில் உரையாற்றினார். எழுச்சி வீழ்ச்சி குறித்து துல்லியமான புள்ளி விபரங்களுடன் விளக்கி ''இன்ஷாஅல்லாஹ் முஸ்லிம்களின் தலைமை ஏற்படும் காலம் வெகுதொலைவில் இல்லை'' என்றார்.

முகாமில் பங்குகொண்ட மாணவர்களிடம் மாநில துணைச் செயலாளர் பேராசிரியர் ஹாஜாகனி கலந்துரையாடல் நிகழ்த்தி இனி மாணவர்களின் செயல்பாடுகள் பற்றியும் அவர்கள் பணியாற்ற வேண்டிய களம் பற்றியும் தெளிவுபடுத்தினார்.

மாநில மாணவரணி செயலாளர் வழக்கறிஞர் ஜெய்னுல் ஆபிதீன், மாநில பொருளாளர் மாயவரம் அமீன், துணைச் செயலாளர் முத்துப்பேட்டை மாலிக், நீலகிரி மாவட்ட நிர்வாகிகள், ஊட்டி மற்றும் கூடலூர் நகர நிர்வாகிகள் முகாமிற்கான ஏற்பாடுகளை தனி கவனத்துடன் செய்தனர்.

முகாமில் பயிற்சிபெற்ற மாணவர்களும் இளைஞர்களும் தங்கள் கடமையை அறிந்து செயலாற்றினால் இன்ஷாஅல்லாஹ் இம்மையிலும் மறுமையிலும் வெற்றி கிடைக்கும் என்ற முழு நம்பிக்கையுடனும் மனநிறைவுடனும் திரும்பினர்.

வழக்கறிஞராக ஆசையா?

2008-05-24T00:02:00.004+05:30

சமுதாயத்தில் நடக்கும் அநீதிகளை தட்டிக் கேட்கும் ,மனித உரிமையை நிலை நாட்டும் வழக்கறிஞராக ஆசையா? உங்களுக்கு உதவ தமுமுக மாணவரணி தயாராக இருக்கிறது.+2 மற்றும் டிகிரி முடித்த மாணவர்கள் தொடர்பு கொள்ளவும்.டிகிரி முடித்தவர்களுக்கு வயது வரம்பு இல்லை,முதலில் தொடர்பு கொள்ளும் பத்து மாணவர்களுக்கு முதல் செமஸ்டர் கட்டணத்தை மாணவரணி ஏற்றுக் கொள்ளும்.(இன்ஷா அல்லாஹ்..)
தொடர்புக்கு,,

வழக்கறிஞர்.மு.ஜைனுல் ஆபிதின்.(மாநில மாணவரணி செயலாளர்)

தொடர்பு எண் : 9994292932

கல்வி கண் திறக்க உதவுங்கள்

2008-05-23T23:23:00.002+05:30

நமது சமுதாயம் கல்வியில் மிகவும் பின்தங்கிய நிலையில் உள்ளது. இந்நிலையில் தமுமுகவிடம் கல்வி உதவி கேட்டு நாள்தோறும் வரும் விண்ணப்பங்களின் எண்ணிக்கை அதிகரித்துக் கொண்டே உள்ளது. ஆகவே நம் சமுதாயத்தைச் சேர்ந்த ஏழை மாணவக் கண்மணிகளுக்கு தங்களின் கல்வி உதவிகளை வாரி வழங்கிடுவீர். கல்வி உதவி பற்றிய முழுவிபரம் பின்னர் இணைய தளத்தில் முழுமையாக வெளியிடப்படும்.

M.O/D.D./CHEQUE மூலம் அனுப்புபவர்கள் TAMILNADU MUSLIM MUNNETRA KAZHAGAM TRUST என்ற பெயரில் அனுப்ப வேண்டிய முகவரி:

TAMILNADU MUSLIM MUNNETRA KAZHAGAM
HEAD QUARTERS
No.7, VADA MARAICOIR STREET,
CHENNAI - 600 001.
Ph: 2524 7824. 2523 3884
Fax: 2522 3868

குறிப்பு: வெளிநாட்டில் வசிக்கும் தமிழக சகோதரர்கள் தங்கள் நன்கொடைகளை NRI செக் மூலம் மட்டுமே அனுப்பவும். வருமான வரி சலுகை (80ஜி) பெற விரும்புவோர் தங்கள் நன்கொடைகளை TAMILNADU MUSLIM MUNNETRA KAZHAGAM TRUSTஎன்ற பெயரில் அனுப்பவும்.